តើ​ប្រជាជន​ជប៉ុន​គិត​យ៉ាង​ណា​ចំពោះគុណសម្បត្តិ និងគុណវិបត្តិនៃការរស់នៅទីក្រុង Tokyo?

តើអ្នកកំពុងរស់នៅក្នុង​ទីក្រុង Tokyo មែនទេ? ប្រសិន​បើមិន​មែន​ តើ​អ្នក​ចង់​ទៅ​រស់​នៅទី​នោះ​ដែរទេ?

ថ្មីៗ​នេះ​ប្រធាន​បទ​និយាយ​អំពី​គុណសម្បត្តិ និងគុណវិបត្តិនៃការរស់នៅក្នុងទីក្រុង Tokyo ត្រូវ​បាន​អ្នក​បណ្តាញ​សង្គម​លើក​យក​មក​និយាយ​។ ដូចដែល​អ្នកបាន​ដឹង​នេះ​ជាទី​ក្រុង​មាន​ប្រជាជន​ច្រើន​លេខ​ ៣ លើ​ពិភព​លោក​។

ចំនួន​ប្រជាជន​នៅ​ Tokyo ច្រើន​ជាង Delhi សៀងហៃ សៅប៉ូឡូ។ ជាការពិតត្រូវ​និយាយ​អំពី​ជីវភាព​រស់​នៅ​ក្រុង Tokyo ក៏ដូចជា​គុណវិបត្តិរបស់វា​ផង​ដែរ។

ខាងក្រោមនេះជាមតិយោបល់របស់​អ្នក​ដែល​រស់​នៅក្នុង​ទី​ក្រុង​ Tokyo ចំពោះគុណសម្បត្តិ និងគុណវិបត្តិសំ​យោគ​តាមរយៈ​ GirlChannel។ 

“គុណសម្បត្តិគឺសប្បាយ​រីក​រាយ​ ងាយ​ស្រួល​ទំនាក់​ទំនងជាមួយ​អ្នក​នៅ​ជុំ​វិញ ហើយ​ងាយ​នឹង​ទទួល​​ជោគ​ជ័យ។ ចំណែក​គុណវិបត្តិតម្លៃផ្ទះ​ជួល​ខ្ពស់ មនុស្ស​ច្រើន​ពេក”។

រូបភាព https://www.justonecookbook.com/tokyo-skytree/

“មនុស្ស​ច្រើនពេក ​រាល់ពេលដែលប្រជ្រៀត​គ្នា​លើ​រថភ្លើង​ដូចកំ​ពុង​​ប្រយុទ្ធ”។

“គុណសម្បត្តិគ្មាន​នរណាជ្រៀត​ចូល​រឿង​របស់​យើង​​។ ចំណែក​គុណវិបត្តិប្រសិន​បើ​អ្នក​ក្រ អ្នក​អាច​ជួលតែ​ផ្ទះ​អន់​ប៉ុណ្ណោះ”។

“សម្រាប់​ខ្ញុំគ្រាន់​តែ​ងាយ​ស្រួល​ទៅ​ដល់ Disneyland”

“គុណសម្បត្តិអាចទៅគ្រប់ទីកន្លែងដោយរថភ្លើង អ្នកអាចនឹង​នៅជិតក្រុមហ៊ុន។ ចំណែក​គុណវិបត្តិតម្លៃ​ថ្លៃ គ្មាន​ដី និង​សាលាមត្តេយ្យច្រើនទេ។”។

“នៅតាមជនបទមនុស្ស​ជាច្រើន​ចូល​ចិត្ត​ដឹង​រឿង​អ្នក​ដទៃ។ មនុស្សជាច្រើនបង្កើតពាក្យចចាមអារ៉ាម នៅទី​ក្រុងស្រួល​ដក​ដង្ហើម​​ជាង​”។

“ចំនុច​ដែល​មិន​ល្អ​គឺ​កម្រិត​ជី​វភាព​ខ្ពស់”

រូបភាព https://blog.gaijinpot.com/guide-best-lost-translation-spots-tokyo/

“ថ្លៃ​ជួល​ផ្ទះ​ខ្ពស់​ ហើយខ្ញុំ​ពិតជា​ស្អប់​ការ​ប្រជ្រៀត​គ្នា​លើ​រថ​ភ្លើង​។ ប៉ុន្តែ​វាល្អ​​ជាង​បើ​ប្រៀប​នឹង​ជនបទ”។

“ចំណុចសំខាន់គឺថាមានឱកាសការងារ​ច្រើន​ ចំណែក​គុណវិបត្តិទោះបី​ផ្ទះ​របស់​ថ្លៃ​ប៉ុន្តែវានៅ​តែ​តូច”

“បើ​ប្រៀប​ធៀប​នឹង​ទី​ក្រុង​ធំដទៃទៀតនៅជប៉ុន​ដូចជា Osaka ឬ Nagoya ខ្ញុំ​ឃើញ​ថា​គ្មានចំណុច​អ្វី​ល្អ​ទេ។ ដី​ធ្លី​ថ្លៃប៉ុន្តែ​បែរជា​មាន​មនុស្ស​រស់​នៅ​ច្រើន​”។

“ក្តៅ​ខ្លាំង​នៅ​រដូវ​ក្តៅ ភាគ​ច្រើន​ដោយ​សារ​អាកាសធាតុ ប៉ុន្តែមួយផ្នែកក៏​ដោយអគារខ្ពស់នៅទីនេះដែរ”។

“វាពិតជាគ្មានបញ្ហាទេប្រសិនបើអ្នកមិនមានឡាន”។

“ចំណុចមិន​ល្អ​បំផុតសម្រាប់ខ្ញុំគឺអ្នក​មាន​អួតទ្រព្យសម្បត្តិរបស់ពួកគេនៅ​កន្លែង​សាធារណៈ”

រូបភាព CNN.com

“ខ្ញុំ​បារម្ភ​ថា​ពេល​ខ្ញុំ​មាន​កូន​វា​អាច​នឹង​ត្រូវ​គេ​បំ​ពាន​លើ​រថភ្លើង”

“ខ្ញុំ​គិត​ថារស់​នៅ Tokyo សុទ្ធ​តែចំ​ណុច​វិជ្ជមាន​។ ចំ​ណុច​មិន​ល្អ​ប្រហែល​ថ្លៃ​ជួល​ផ្ទះ និង​រថ​ភ្លើង​មាន​មនុស្ស​ច្រើន​”។

“មាន​រឿង​ជាច្រើន​ដែល​ខ្ញុំ​មិន​ចូលចិត្ត ប៉ុន្តែខ្ញុំ​មិន​ចង់​ត្រលប់​ទៅ​ស្រុក​កំ​ណើត​វិញ​ទេ”។

“ខ្ញុំ​យល់​ថា​កន្លែង​នេះ​ល្អ​​ប្រសិន​បើអ្នក​ធ្វើ​ដំ​ណើរ​កំ​សាន្ត។ មានជើងហោះហើរជាច្រើននៅទីនេះឬអ្នកអាចជ្រើសរើសក្រុមហ៊ុនអាកាសចរណ៍តាម​ចិត្ត​​ ទាំងនេះជួយអោយ​អ្នកជ្រើសរើសជើងហោះហើរដែលមានតម្លៃទាបជាងតំបន់ផ្សេងទៀត។ ប៉ុន្តែទីក្រុងនឹងក្លាយទៅជាឋាននរកក្នុងម៉ោងមមាញឹកធ្វើ​អោយ​ខ្ញុំមិន​ចង់​រស់​នៅ​ទី​ក្រុង​”។

“គុណសម្បត្តិខ្ញុំជា​ប្រជាជន​ Tokyo ស្រាប់​ដូច្នេះ​គ្មាន​បញ្ហា​អ្វី​សម្រាប់​ខ្ញុំ​ទេ។ គ្រាន់តែនៅពេលឪពុកម្តាយស្លាប់ខ្ញុំ​ត្រូវ​ទទួល​ប្រាក់​ពន្ធ​ច្រើន”

“កន្លែង​នេះ​ពិតជា​ល្អ​ណាស់ សូម្បីតែនៅលីវអ្នកក៏​មិន​ឯកោ​ដែរ។ មាន​តែ​រឿង​មួយ​គឺ​ចំ​ណាយ​ច្រើន​ពេក”។

“គុណ​សម្បត្តិអ្នកមិនចាំបាច់ទំនាក់ទំនងជាមួយអ្នកជិតខាង ទី​តាំង​ទាំង​អស់​សុទ្ធ​តែ​បើក​ទ្វាទោះបីជាពាក់​កណ្តាល​យប់ ចរាចរណ៍​ល្អ មាន​កន្លែង​លេង​កំ​សាន្ត​ជាច្រើន​។ ចំណែក​ចំ​ណុច​មិន​ល្អតម្លៃ​ខ្ពស់​ អូអរ ការបំពុលខ្យល់ គ្មាន​ទេស​ភាព​ធម្មជាតិ​ ងាយ​នឹង​មាន​សម្ពាធ រថភ្លើង​មនុស្ស​ច្រើន​រហូត​ដល់​អាច​ធ្វើ​អោយ​អ្នក​ឆ្កួត​”។

“ចំណុច​ដែល​មិន​ល្អ​ជាង​គេ​គឺ​ប្រាក់​ចាយ​ឆាប់អស់ដោយ​មិន​ដឹង​មូល​ហេតុ​”។

សរុប​មក​មាន​មតិ​យោបល់​ជាច្រើន​ ប៉ុន្តែ​អ្នក​ទាំង​អស់​គ្នា​សុទ្ធ​តែ​យល់​ស្រប​ថា Tokyo មាន​មនុស្ស​ច្រើន​ និង​ការ​ចំ​ណាយ​ថ្លៃ។ ទី​ក្រុង​ Tokyo គឺសម្រាប់​អ្នក​មាន​សមត្ថភាព ឯករាជ្យ​ មាន​ទេពកោសល្យប៉ុន្តែ​រស់​នៅឯកោ។ តើ​អ្នក​គិត​​ថា​ខ្លួន​សាក​សម​រស់​នៅ​ទី​ក្រុង​នេះ​ដែរឬទេ?

ប្រភព GirlsChannel

Sacchan