តើជនជាតិជប៉ុនទទួលយកឬបដិសេធវត្តមានក្រុម Yakuza

ថ្ងៃអង្គារ 09/07/2019 | 13:18 ល្ងាច

Yakuza បើបកជាភាសាអង់គ្លេសគឺថា Mafia ប៉ុន្តែបើបកប្រែបែបនេះមិនប្រាកដថាត្រូវនោះទេ។

ក្រុម Yakuza មានកន្លែងឈរជើងពិសេសក្នុងសង្គមជប៉ុនកម្រមាននៅប្រទេសដទៃទៀតណាស់។

រូបភាព https://courrier.jp/news/archives/117954/

ក្នុងភាសាជប៉ុនមានពាក្យ 必要悪 – hitsuyou aku មានន័យថាឧក្រិដ្ឋកម្មចាំបាច់។ នៅពេលដែលយុត្តិធម៌មិនអាចការពារអ្វីដែលសំខាន់សម្រាប់ខ្លួន អាស្រ័យលើកាលៈទេសៈឧក្រិដ្ឋកម្មចាំបាច់នេះអាចត្រូវបានប្រព្រឹត្ត។

ទោះបីជាមិនទាក់ទងនឹងក្រុម Yakuza ពីមុននៅជប៉ុនមានផ្សាយខ្សែភាពយន្ត 必殺仕事人 (hisatsu shigoto nin)។

រូបភាព https://www.tv-asahi.co.jp/douga/hissatsu2019

នៅពេលនោះច្បាប់មិនទាន់ពេញលេញនៅឡើយ កងកម្លាំងប៉ូលីសមិនសូវល្អដូចសព្វថ្ងៃនេះទេ។ នៅពេលដែលត្រូវប្លន់ប្រាក់ ប្រជាជនដឹងតែឈរយំប៉ុណ្ណោះ។ ពេលនោះក្រុម Hisatsu shigoto nin តំណាងឲ្យប្រជាជនធ្វើឃាតជនអាក្រក់ទាំងនោះ។ ជាការពិតណាស់ ខ្សែភាពយន្ដត្រូវបានបំផ្លើស យ៉ាងណាមិញ នេះជាឧទាហរណ៍ដ៏ល្អមួយនៃឧក្រិដ្ឋកម្មចាំបាច់។

ហើយ Yakuza ដើរតួនាទីស្រដៀងនេះនៅក្នុងសង្គមបច្ចុប្បន្ន។ វត្តមានរបស់ Yakuza ដើម្បីបង្អាក់កម្លាំងជនអាក្រក់។ ប៉ុន្តែវត្តមាន Yakuza បែរជាធ្វើឲ្យមនុស្សគ្រប់គ្នាត្រូវប្រយ័ត្ន។

ការបែងចែកឋានៈក្នុងក្រុម Yakuza ច្បាស់លាស់តឹងរុឹង។ ក្នុងក្រុមអ្នកក្រោមបង្គាប់ត្រូវតែគោរពតាមអ្នកមានឋានៈខ្ពស់ដូចជាឪពុកម្តាយ ឬបងធំរបស់ខ្លួន។

នេះជាទំនាក់ទំនងដ៏រឹងមាំ ដូច្នេះប្រសិនបើអ្នកចង់ចាកចេញក៏មិនងាយដែរ។ ដើម្បីចាកចេញពីក្រុម Yakuza អ្នកត្រូវបង្ហាញឆន្ទៈហ៊ានកាត់កូនដៃរបស់ខ្លួន។ ចំណែកឯស្ត្រីគ្មានសិទ្ធចូលរួមក្រុម Yakuza នោះទេ។

មូលហេតុដែលជប៉ុនភាគច្រើនអ្នកបើកបរប្រុងប្រយ័ត្នព្រោះតែវត្តមានរបស់ Yakuza ។ គិតមើលថាជីវិតរបស់អ្នកនឹងទៅជាយ៉ាងណាប្រសិនបើអ្នកមិនគោរពតាមច្បាប់ហើយបុកឡានរបស់ Yakuza ម្នាក់។

មិនដូចជាប្រទេសយើងនោះទេ សុីផ្លេដើម្បីសុំផ្លូវនរណាម្នាក់។ នៅជប៉ុនសុីផ្លេជាសិទ្ធពិសេសរបស់ Yakuza ជាមួយនឹងអត្តន័យ “ជៀសទៅម្ខាងឲ្យបងធំទៅមុន”។

សរុបទៅពិបាកនឹងវាយតម្លៃថា Yakuza ជាមនុស្សល្អ ឬអាក្រក់ណាស់ គ្រាន់តែដឹងថាវត្តមានរបស់ពួកគេដើម្បីធានាសន្ដិសុខសង្គម។

ទោះជាយ៉ាងណា ទាំងនេះមិនមានន័យថា Yakuza មិនបង្កគ្រោះថ្នាក់នោះទេ។ ទោះបីជាគំនិតដែលអ្នកទាំងអស់គ្នាគិតយ៉ាងណាក៏ដោយ ច្បាប់ និងប៉ូលីសនៅតែរាប់ Yakuza ក្នុងបញ្ជីខ្មៅត្រូវលុបបំបាត់ដដែល។

លទ្ធផលសម្រាប់ការតាមចាប់នេះមានរឿងអ្វីកើតឡើង?

ជាដំបូងគឺការប៉ះបោររបស់យុវវ័យ។

ប្រសិនគ្មានក្រុមទប់ស្កាត់អាចនឹងធ្វើឲ្យយុវជនដើរក្នុងផ្លូវខុស។ ជាការពិតណាស់ ប៉ូលីសក៏ខំប្រឹងដើម្បីបង្រ្កាបឧក្រិដ្ឋជន ប៉ុន្តែច្បាប់ជប៉ុនមានកម្រិតក្នុងការដាក់ទណ្ឌកម្មចំពោះជនល្មើសអនីតិជន។

បន្ទាប់មកការកើនឡើងនៃឧក្រិដ្ឋកម្ម

Yakuza នឹងធ្វើសកម្មភាពមិនខ្វល់ពីច្បាប់ និងភស្តុតាងឡើយ ចំណែកប៉ូលីសត្រូវមានភស្តុតាងទើបអាចធ្វើសកម្មភាព។ ក្នុងករណីមួយចំនួននៅពេលដែលច្បាប់មិនអាចដោះស្រាយបាន ត្រូវប្រើច្បាប់ព្រៃដើម្បីដោះស្រាយបញ្ហា។

គ្មានដែនកំណត់ច្បាស់លាស់រវាងល្អ និងអាក្រក់ សង្គមនេះមិនក្លាយទៅជាល្អពេលអ្នកបំបាត់អំពើអាក្រក់ឡើយ។

តើអ្នកគិតយ៉ាងណាចំពោះវត្តមានក្រុម Yakuza វាសមនឹងពាក្យ 必要悪 – hitsuyou aku (ឧក្រិដ្ឋកម្មចាំបាច់) ទេ។

Kengo Abe