ការ​សាក​ល្បង​កម្លាំង​បក់​បោក​នៃ​​រលក​យក្ស

ប្រជាជនជប៉ុនបាន និង​កំ​ពុង​ត្រៀម​វិធានការជាច្រើនដើម្បីទប់​ស្កាត់​ការខូចខាតដែលបណ្តាលមកពីគ្រោះមហន្តរាយធម្មជាតិ កែលម្អគុណភាពនៃហេដ្ឋារចនាសម្ព័ន្ធដើម្បីជៀសវាងមិន​អោយ​ដួលរលំ។

ប៉ុន្តែនៅពេលគ្រោះមហន្តរាយកើតឡើងទើប​យើង​មើល​ឃើញ​ជីវិត​មនុស្សពិតជា​​តូចណាស់។ អ្នកប្រហែលជានឹកចាំនូវរញ្ជួយដីស៊ូណាមីឆ្នាំ ​២០១១ បាន​​បំ​ផ្លាញ​ក្នុង​តំបន់ Tohoku ប្រទេសជប៉ុន។ ពេល​នោះ​ខ្ញុំ​កំ​ពុង​នៅ​ Tokyo ឆ្ងាយ​ពី​កន្លែង​មាន​គ្រោះមហន្តរាយ។ ប៉ុន្តែនៅក្នុងទី​ក្រុង​អ្នកក៏អាចយល់ពី​អារម្មណ៍រំញ័រផងដែរ​ ផ្លូវ​មួយ​ចំនួន​នៅ Tokyo ត្រូវ​រងផល​ប៉ះ​ពាល់​​ធ្ងន់​ធ្ងរ។ មហន្តរាយនេះបានសម្លាប់​ជីវិតរបស់ប្រជាជនជប៉ុនជាច្រើន។

នៅ​ថ្ងៃទី ១៨ ខែ​មិថុ​នា​កន្លង​ទៅប្រទេសជប៉ុនរងគ្រោះពីការរញ្ជួយដីខ្លាំងនៅក្នុងខេត្ត Yamagata។ ជាមួយ​នឹង​រញ្ជួយដី​ការព្យាករណ៍បាននិយាយថាមានរលកយក្ស​​កម្ពស់​ពី ០,២ ម៉ែត្រ​រហូត​ដល់​កម្ពស់​​ជាង ១​ ម៉ែត្រ​។ សំណាងល្អការព្យាករណ៍នេះមិន​បាន​កើត​ឡើង​​ ប៉ុន្តែអ្នកអាចស្រមៃថាប្រសិនបើមានរលកយក្សខ្ពស់ជាង ១ ម៉ែត្រ តើ​រឿង​អ្វី​នឹង​កើត​ឡើង?

កម្ពស់​របស់​ខ្ញុំ​គឺ ១ ម៉ែត្រ ៧០ ដូច្នេះ​ទោះ​បី​ជាមាន​រលកយក្ស​កម្ពស់​ជាង ១ ម៉ែត្រមក​ដល់​ក៏​គ្មាន​រឿង​អ្វី​​សំ​ខាន់​ដែរ។ ប្រជាជនជប៉ុនជាច្រើនមានគំនិតបែបនេះហើយគ្មាន​ភាពប្រុង​ប្រយ័ត្ន​។ ជាក​់​ស្តែងប្រសិន​មាន​រលក​យក្ស​កម្ពស់​ជាង ១​ ម៉ែត្រកើត​ឡើង​​ឳកាស​រស់​របស់​អ្នក​ទាប​ណាស់​។

សូម​មើល​ Clip សាក​ល្បង​​កម្លាំង​នៃ​រលក​មាន​កម្ពស់​ ០,៥ ម៉ែត្រខាង​ក្រោម។

គ្រាន់​តែ​រលក​ ៥០ សង់​ទី​ម៉ែត្រ នារី​ក្នុង​ Clip មិន​អាច​ឈរ​បាន​ទៅ​ហើយ។

នេះមិនមែនជាបញ្ហាកម្រិតទឹកប៉ុណ្ណោះទេ ប៉ុន្តែ​ក៏​ជា​ផល​ប៉ះ​ពាល់​នៃ​រលក​ផង​ដែរ។

តាមការពិតមានអ្នកប្រថុយនឹង​ជិវិតចេញ​ទៅ​សមុទ្រទោះបីមាន​ការ​ព្យាករណ៍​រលក​កម្ពស់ពី​ ០,៥ ម៉ែត្រ​រហូត​ដល់ ១ ម៉ែត្រ​។ សូមជ្រាបពីគ្រោះថ្នាក់ និងនៅឆ្ងាយពីឆ្នេរសមុទ្រ​ពេលទទួល​បាន​ដំណឹង។

អ្នក​ត្រូវ​ដឹង​ថា​ទោះ​បី​រលក​មាន​កម្ពស់​ត្រឹម​តែ ២០ សង់​ទី​ម៉ែត្រ​ អ្នក​អាច​នឹង​ត្រូវ​រលក​គួច​ពន្លិច​។

រលក​សមុទ្រ​ស៊ូណាមិឆ្នាំ ​២០១១ ជា​លើក​ដំ​បូង​ប្រទេស​ជប៉ុន​ប្រទះរលក​យក្ស​មាន​កម្ពស់ ២១ ម៉ែត្រ​ស្មើ​នឹង​កម្ពស់​អគារ​ផ្ទះ ៧ ជាន់​។ សូម្បី​តែ​រលក​យក្សមាន​​កម្ពស់​ ៤ ម៉ែត្រ​ក៏​អគារ​ពិបាក​នឹង​រក្សា​លំ​នឹង​ដែរ។

កម្លាំងបំផ្លាញរលក​ស៊ូណាមិមិនត្រឹមតែដោយ​សារ​កម្រិត​កម្ពស់​រលកទេ​​។ កម្ពស់​អតិបរមារបស់វាគឺ ៤០​ ម៉ែត្រក្នុង​ឆ្នាំ​ ២០១១ ស្មើ​នឹង​កម្ពស់​អគារចំនួន​ ១៣ ជាន់។ នៅ​កម្ពស​់នេះ​គ្មាន​អគារ​ណា​អាច​​រក្សា​លំ​នឹង​បានទេ​។

ប៉ុន្តែ​ពិភព​លោក​នេះ​ពោរពេញទៅដោយរឿង​ចម្លែក​។ ប្រឈម​នឹង​ការ​បំ​ផ្លាញនេះ​​មាន​ដើម​ឈើមួយ​អាច​ឈរ​នៅ​​នឹង​រហូត​មក​ដល់​បច្ចុប្បន្ន​។

រូបភាព https://iwatetabi.jp/spot/detail.spn.php?spot_id=1006

ដើម​ឈើ​នេះ​ត្រូវ​បាន​គេ​រក​ឃើញ​នៅ​ទី​ក្រុង​ Rikuzentakata ខេត្ត Iwate ជា​ដើម​តែ​មួយ​គត់​នៅ​សល់ក្នុង​ចំ​ណោម​ជាង ១០០០ ដើមដែល​ត្រូវ​រលក​យក្ស​បក់​បោក​។

កុំ​អង្គុយ​រង់​ចាំ​អព្ភូតហេតុមក​ដល់ សូម​រក​វិធី​សង្គ្រោះ​ខ្លួន​ឯងពេល​ទទួ​លបាន​ដំណឹង​មាន​រលក​យក្ស។

Kengo Abe

មើលបន្ថែម: