សិស្សជនជាតិ​ហ្វីលីពីនម្នាក់បានប្តឹងសាលាបង្រៀន​ភាសានៅ​ជប៉ុន

រូបភាព https://www.bengo4.com/c_5/n_9809/

ត្រូវ​បាន​ឈ្មួញ​​កណ្តាលខាង​ហ្វីលីពីន​ណែនាំ នាង​ទៅ​ប្រទេស​ជប៉ុន​រៀន​ផង​ហើយធ្វើជាជំនួយការនៅ Kanagawa។ តាម​ការ​សន្យា​នាង​អាច​រស់នៅ​ក្នុង​ស្ថានភាពដូចជាសណ្ឋាគារ និងទទួលបានកន្លែងស្នាក់នៅដោយឥតគិតថ្លៃ។

ប៉ុន្តែ​ជាក់​ស្តែងនាង​ត្រូវ​រស់​នៅ​ជាមួយ​មនុស្ស ៥ នាក់​ទៀតក្នុង​ផ្ទះ​តូច​ចង្អៀត។ ទោះ​បីជា​និយាយ​ថា​កន្លែងស្នាក់នៅដោយឥតគិតថ្លៃ ពួកគេ​នៅ​តែ​ដក ៣៥,០០០ យេន​ក្នុង​ប្រាក់​ខែ​របស់​នាង​។ ចំនួនប្រាក់​នេះ​ខ្ពស់​បើ​ប្រៀប​ទៅនឹង​ស្ថានភាពរស់នៅបច្ចុប្បន្ន។

លើសពី​នេះពេលវេលាដែលនាងធ្វើ​ការ​មាន​រយៈពេល​យូរ​។ យោងតាមបទប្បញ្ញត្តិនិស្សិតអន្ដរជាតិត្រូវបានអនុញ្ញាតអោយ​ធ្វើ​ការ ​២៨ ម៉ោង​ក្នុង​មួយ​សប្តាហ៍ ចំណែក​នៅទីនេះធ្វើ​ការ​លើស​ម៉ោង​​កំ​ណត់​ត្រូវ​រាប់ជាការ​ស្ម័គ្រចិត្ត ហើយ​មិន​ទទួល​បាន​ប្រាក់​ខែទេ។ ពី​មុន​សិស្ស​ម្នាក់​នេះធ្វើ​ជា​ជំនួយការបន្ថែម​ដើម្បី​រក​ប្រាក់​បង់​ថ្លៃ​សាលា​តាម​កិច្ច​សន្យា​ ប៉ុន្តែ​បច្ចុប្បន្ន​សាលា​បែរជា​បង្ខំ​នាង​អោយ​ឈប់​រៀន។

ប្រសិនបើឈប់​រៀន​សិស្ស​ត្រូវ​ត្រលប់​ទៅ​ប្រទេស​វិញ។

ច្បាស់​ណាស់​សាលា​មាន​បំ​ណង​បង្ខំសិស្ស​ម្នាក់​នេះ ដូច្នេះនាងបានប្តឹងសំណង ១៦៥ man យេន​។

មាន​សាលារៀន​ភាសាជប៉ុន​ ​ក្រុមហ៊ុនឈ្មួញកណ្តា​ល​ក្នុងស្រុក និង​គ្រឹះស្ថានធ្វើ​ការ​បន្ថែម​ម៉ោង​សហការ​គ្នា មាន​ចេតនាជំរុញអ្នកក្រៅចូល​ស្ថានភាពលំបាកពេលរស់នៅ និងធ្វើការនៅក្នុងប្រទេសជប៉ុន ភាគ​ច្រើន​ដើម្បីកេងប្រវ័ញ្ញ​កម្លាំងពលកម្ម។ ទាំង​នេះ​ជាបុគ្គល​គ្មាន​ជំនួយ​ហើយ​គ្មាន​ផ្លូវ​ថយ​។ ភាគច្រើនពួកគេត្រូវខ្ចីប្រាក់ពីសាច់ញាតិទៅប្រទេសជប៉ុន​ ពួកគេមិនអាចរត់គេចពេល​បំណុលនៅ​ចំ​ពោះមុខ។

មនុស្សជាច្រើនជ្រើសរើសគេច​ខ្លួន​ និង​ស្នាក់​នៅ​ដោយខុសច្បាប់ក្នុង​ប្រទេស​ជប៉ុន។ ទាំង​នេះ​បណ្តាល​អោយ​ស្ថាន​ភាព​កាន់​តែ​អាក្រក់ ព្រោះពួក​គេ​មិន​អាចរក​បានការ​ងារ​ធ្វើ​ល្អ​បើ​ស្នាក់​នៅ​ខុស​ច្បាប់។

ដើម្បីជៀស​វាងស្ថានភាពអាក្រក់កើតឡើងចំពោះ​ខ្លួន​ ជាដំបូង​សូម​ចាំ​ថាប្រទេស​ជប៉ុន​មិន​មែន​ជា​ប្រទេសក្នុង​ក្តី​ស្រមៃ នៅ​ទី​នោះ​ក៏​មាន​មនុស្ស​អាក្រក់​។ អ្នកត្រូវពិនិត្យមើលកេរ្តិ៍​ឈ្មោះរបស់មជ្ឈដ្ឋានណែនាំ​ ក៏ដូចជាសាលាភាសាជប៉ុនមុនពេលចុះឈ្មោះ។ ការក្លែងបន្លំព័ត៌មាន និងកេរ្តិ៍​ឈ្មោះនៅលើអីុនធឺ​ណែតបច្ចុប្បន្ន​គ្មាន​អ្វី​ពិបាក​ទេ ហេតុ​នេះប្រ​សិន​ជា​អាចវិធីដែល​ល្អ​បំ​ផុត​គឺស្វែង​រក​ព័ត៌​មាន​ពីមនុស្សមាន​បទ​ពិសោធគួរអោយ​ទុក​ចិត្ត។

ហើយ​សំ​ខាន​់​បំ​ផុត​កុំរត់​គេចខ្លួន មានមនុស្ស​ជាច្រើនរស់នៅប្រទេសជប៉ុនបង្កើតឳកាស​សម្រាប់សិស្សបរទេស​គេចខ្លួន នេះ​មិន​មែន​ជាអំពើ​ត្រឹម​ត្រូវ​ទេ។ ការ​រត់​គេច​ខ្លួន​ធ្វើ​អោយ​អ្នក​ក្លាយ​ទៅ​ជា​មនុស្សស្នាក់​នៅ​ដោយ​ខុស​ច្បាប់ ហើយ​ជីវ​ភាព​រស់​នៅ​របស់​អ្នក​កាន់​តែអា​ក្រក់​ជាង​មុន​តែ​ប៉ុណ្ណោះ។

ក្រៅពី​នេះ​អ្នកអាចទៅ​ជួបស្ថានទូតប្រទេសរបស់អ្នកក្នុង​ប្រទេស​ជប៉ុនដើម្បី​រក​ដំ​ណោះ​ស្រាយ​។

ប្រាកដ​ណាស់​កន្លែង​ណាក៏​មាន​មនុស្ស​ល្អ​ និង​មនុស្ស​អាក្រក់ដែរ។ ប្រសិន​អ្នក​ធ្លាប់​ជួប​បញ្ហា​នៅ​ប្រទេស​ជប៉ុន យើង​នៅ​ទី​នេះ​ដើម្បី​ជួយអ្នក​។ អ្នក​អាច​ទំនាក់​ទំ​នង​មក​កាន់​ប្រសាររបស់​ JAPO ដើម្បី​សាកសួរ និង​ទទួល​​ចម្លើយ។

JAPO ត្រូវ​បាន​បង្កើត​ឡើង​ដើម្បី​រក្សា​ទំនាក់​ទំនង​រវាង​ប្រទេស​ជប៉ុន និង​ប្រទេស​កម្ពុជា​។ កម្លាំងពួក​យើង​មិន​ច្រើន​ ប៉ុន្តែ​យើង​នឹង​ជួយ​អោយ​អស់​ពី​សមត្ថភាព។ ដូច្នេះសូមកុំងាកខ្លួន​រត់​គេច។

Kengo Abe

មើលបន្ថែម: