ហេតុអ្វីបានជាអាចផឹកទឹកម៉ាស៊ីនប៉ុន្តែប្រជាជនជប៉ុននៅតែទិញទឹកក្នុង​ហាង?

ប្រព័ន្ធទឹកម៉ាស៊ីនក្នុង​ប្រទេសជប៉ុនជាប្រព័ន្ធទឹកល្អនៅលើពិភពលោក។ អ្នកអាចផឹកទឹកម៉ាស៊ីន​ផ្ទាល់ដោយ​មិន​ចាំ​បាច់​ប្រើ​ប្រព័ន្ធ​សន្សុទ្ធ​ផ្សេង​ឡើយ។

រូបភាព TABIZINE

ប្រសិន​បើ​អាច​ផឹក​ទឹក​ម៉ា​សុីនដោយ​ផ្ទាល់ ហេតុ​អ្វីត្រូវ​ទិញ​ទឹក​ក្នុង​ហាងទំនិញ​ទៀត? តើ​អ្នក​ធ្លាប់​ឆ្ងល់ដែរទេ?

មូលហេតុអាចបណ្តាលមក​ពី​ដបទឹក​ស្អាត​ ហើយ​ងាយ​ស្រួល​ផឹកឬ? ប៉ុន្តែ​ជាក់​ស្តែង​ការ​ទិញ​ទឹក​ផឹក​មាន​តាំងពី​សម័យ​ Edo មក​ម្ល៉េះ។

រូបភាព https://mag.japaaan.com/archives/98414

ចាប់ពី​ពេល​ក​សាង​ក្រុង​ប្រជាជន​ Edo ផ្តោត​សំ​ខាន់លើ​ប្រព័ន្ធ​ទឹក​។ ប្រភព​ទឹក​ភាគ​ច្រើន​នៅ​ទី​ខ្ពស់ ក្នុង​ព្រៃ ឬ​ក្នុង​អាង​ទឹក​។ ទឹក​ត្រូវ​បាន​ផ្ទុក​ក្នុង​អាង​ទឹក​ធំនៅ​ស្រុក Minato ។

ជាមួយនឹង​ល្បឿនលឿននៃការអភិវឌ្ឍ Edo បានក្លាយជាទីក្រុង​មាន​ប្រជាជន​ច្រើន​ មាន​ចំ​នួន​ច្រើន​ទ្វេដង​ប្រជាជន Paris ទឹក​ក្នុង​អាង​មិន​គ្រប់​សម្រាប់​មនុស្ស​ទាំង​អស់​នោះទេ។

ដើម្បី​ទទួ​ល​បាន​ទឹក​ប្រើប្រជាជន​ត្រូវ​ជីកអណ្ណូងខ្លួនឯង។ ប៉ុន្តែដោយសារតែប្រទេសជប៉ុនជាកោះ ប្រភព​ទឹក​ក្រោម​​ដី​​ភាគ​ច្រើន​ជា​ទឹក​សមុទ្រ​មិន​អាច​ប្រើ​បាននោះទេ។ នៅពេលនោះគ្មានរោងចក្រចម្រោះទឹក​ដូច​បច្ចុប្បន្ន​ ហើយ​ក៏​គ្មាន​ទូទឹក​កកសម្រាប់រក្សា​ទឹក​ដែរ។ នៅ​រដូវក្តៅទឹកមាន​ក្លិន​ហើយ​មិន​អាច​ប្រើ​បាន។

ក្នុង​ស្ថាន​ភាព​បែប​នេះប្រជាជន​ក្រុង ​Edo ត្រូវ​ទិញទឹក​ផឹក​។

រូបភាព https://mag.japaaan.com/archives/98414/2

មនុស្ស​មួយ​ចំនួន​ទៅ​ដង​ពី​ប្រភព​ទឹកហើយ​លក់​ឲ្យ​​ប្រជាជន។ ដូចជា​យើង​ទិញ​ទឹក​ក្នុង​ហាង​អញ្ចឹង​ ការដែលទៅ​ទិញ​ទឹក​នៅ​កន្លែង​ណា​មួយ​មិន​ចម្លែក​សម្រាប់​ប្រជាជន​ជប៉ុននោះ​ទេ ទោះ​បីជាសព្វថ្ងៃភាគ​ច្រើន​​ទឹក​ម៉ាសុីនត្រូវ​បានចម្រោះ​​អាចផឹក​បានក៏ដោយ​។

ក្នុង​រដូវ​ក្តៅក្រុង ​Edo នឹង​មាន​មនុស្ស​ដើរ​លក់​ទឹក​។ គ្រាន់​តែ​នឹក​ស្រមៃ​ពី​ទិដ្ឋភាព​ប្រជាជន​យក​ទឹក​ទៅ​លក់​ធ្វើ​ឲ្យ​​យើង​មាន​អារម្មណ៍​ថា​ត្រជាក់​ស្រស់​ស្រាយ។

Kengo Abe