លោក​តាម្នាក់​នៅជប៉ុន​ចំ​ណាយ​ពេល ៤ ខែប្រឈម​នឹង​ហាងដែល​បំ​ពាន​ចិញ្ចើម​ផ្លូវ​សម្រាប់​អ្នក​ថ្មើរជើង

នៅទីក្រុង Matsusaka ខេត្ត Mie ល្បីសាច់គោឈានមុខគេរបស់ជប៉ុនគឺសាច់គោ Matsusaka។

កន្លែង​នេះ​មាន​លោក​តា​ម្នាក់អាយុ ៨៩ ឆ្នាំកំពុង​ចាប់​ផ្តើមយុទ្ធនាការរបស់​គាត់ដែល​ហៅ​ថា​ការសម្អាត​ចិញ្ចើម​ផ្លូវ។

មិន​មែន​ជា​ការសម្អាត​សំ​រាម​ទេ តាម​សម្តី​របស់​លោក​តានេះ​ជាយុទ្ធ​នាការស្នើសុំ​អោយ​អ្នក​ទាំង​អស់​គ្នាគោរព​តាម​ច្បាប់ផ្លូវ​ថ្នល់ និង​ការ​ប្រើ​ប្រាស់​ចិញ្ចើម​ផ្លូវ​។

រូបភាព https://headlines.yahoo.co.jp/hl?a=20190612-00022748-tokaiv-soci

បើ​សង្កេត​មើល​ចិញ្ចើម​ផ្លូវ​នៅ​ប្រទេសជប៉ុន​​ធំទូ​លាយ ហើយងាយ​ស្រួល​សម្រាប់​​អ្នក​ដើរថ្មើរ​ជើង។ ប៉ុន្តែនៅ​តែ​មាន​ហាង​មួយ​ចំនួនបំ​ពាន​ចិញ្ចើម​ផ្លូវដើម្បី​ដាក់​ផ្លាក​ហាង​ ឬករណី​កង់​ចតលើ​ចិញ្ចើម​ផ្លូវ​។

រូបភាព https://www.tripadvisor.jp/

បើនិយាយ​ពី​ច្បាប់​ទង្វើ​បែប​នេះ​មិន​ត្រឹម​ត្រូវឡើយ​ ដោយសារតែច្បាប់ចែងថាមិនអនុញ្ញាតអោយ​ដាក់អ្វីនៅលើចិញ្ចើមផ្លូវនោះទេ។ លោក​តា​មាន​ហេតុ​ផល​របស់​ខ្លួន។

ទោះជាយ៉ាងណាអ្វី​ដែល​លោក​តា​បាន​ធ្វើត្រូវ​គេ​វាយ​តម្លៃ​ថាហួស​ហេតុ។

នេះ​ជា​អ្វី​ដែល​លោក​តា​បាន​ស្នើ​សុំ៖

• ដក​ផ្លាក​សញ្ញា​នៅ​លើ​ចិញ្ចើម​ផ្លូវ
• ប្រសិន​បើបដាបំពាន​ចិញ្ចើម​ផ្លូវ​ត្រូវ​កាត់​ចោល
• រុញ​កង់​ដែល​ចតលើ​ចិញ្ចើម​ផ្លូវ​ចូល​ក្នុង​

រូបភាព https://snjpn.net/archives/136697

អាកប្បកិរិយាមិន​ពេញ​ចិត្ត​នឹង​ការ​បំ​ពាន​ច្បាប់ជាការ​ល្អ ប៉ុន្តែទង្វើរបស់​លោក​តា​ដូចជា​ហួស​ហេតុពេក។ ទោះបីត្រូវ​គោរព​ច្បាប់ ប៉ុន្តែ​ដល់​ថ្នាក់​គិតលម្អិតទាំងសង់ទី​ម៉ែត្រ​វា​ដូចជាមិន​សម។

ក្នុង​រយៈពេល ៤ ខែ ថ្ងៃណាក៏​លោក​តា​ដើរជុំ​វិញ​ហាង​ដើម្បី​ឃ្លាំ​មើលដែរ។

លទ្ធ​ផល​គឺ៖

រូបភាព https://snjpn.net/archives/136697

សកម្មភាព​បំ​ពាន​ចិញ្ចើម​ផ្លូវ​ត្រូវ​បញ្ចប់។

បើ​មើល​លើ​ទស្សនៈរបស់​លោក​តា​ ទង្វើនេះ​មិន​មែន​តូច​តាច​នោះ​ទេ។ សម្រាប់​មនុស្ស​ធម្មតា ការជៀសផ្លាក​សញ្ញា​លើ​ចិញ្ចើម​ផ្លូវគ្មាន​អ្វី​លំ​បាក​ទេ។ ប៉ុន្តែ​សម្រាប់ជនពិការ ពួកគេ​អាច​ជួប​ការ​លំ​បាកជាមួយ​នឹង​ផ្លាក​សញ្ញាឬកង់ដែល​គេមើល​មិន​ឃើញ។

នេះ​ជារឿង​មួយ​នៅ​ប្រទេស​ជប៉ុន។

តាម​ពិត​ទង្វើ​របស់​លោក​តា​ហួស​ហេតុ​បន្តិច​ ប៉ុន្តែវា​នឹង​ល្អ​បើ​យើង​កសាងទី​ក្រុង​មួយ​ដែលអ្នក​ទាំង​អស់​គ្នា​អាចដើរ​តាម​ផ្លូវ​ងាយ​ស្រួលជាង​មុន។

Kengo Abe