ទំព័រដើម
ជីវិត
រូបភាពបង្ហាញពីភាពខុសគ្នារវាងវប្បធម៌ប្រទេសជប៉ុន និងវប្បធម៌នៃប្រទេសដទៃទៀត

រូបភាពបង្ហាញពីភាពខុសគ្នារវាងវប្បធម៌ប្រទេសជប៉ុន និងវប្បធម៌នៃប្រទេសដទៃទៀត

ថ្ងៃសៅរ៍ 22/06/2019 | 16:21 ល្ងាច

វិចិត្រករស្រីដែលបានសិក្សានៅ Tokyo ឆ្នាំ ២០១០ ដល់ ២០១៤ ឃើញពីភាពខុសគ្នារវាងវប្បធម៌ប្រទេសជប៉ុន និងបណ្តាប្រទេសដទៃទៀត បានសម្រេចចិត្តបោះពុម្ពរឿងគំនូរជីវចលផ្អែកលើប្រធានបទនេះ។

តាមរយៈរូបភាពខាងក្រោមប្រហែលអ្នកដែលធ្លាប់រស់នៅប្រទេសជប៉ុនអាចនឹងយល់រឿងនេះ។

ប្រហែលគ្មានកន្លែងណានៅលើពិភពលោកអាចយកឈ្នះប្រទេសជប៉ុនផ្នែកបង្គន់អនាម័យស្អាតទេ។ បង្គន់នៅប្រទេសជប៉ុនមិនត្រឹមតែអនាម័យស្អាត ហើយទំនើបព្រោះមានប៊ូតុងចុចច្រើន មិនមែនមានតែប៊ូតុងបញ្ចេញទឹកលាងសម្អាតធម្មតាដូចដែលយើងធ្លាប់ឃើញទេ។ បង្គន់បែបបុរាណនៅតែមានតាមកន្លែងសាធារណៈ ព្រោះជនជាតិជប៉ុនយល់ថាអង្គុយចានបង្គន់ទាបល្អសម្រាប់សុខភាពជាង។

នៅបណ្តាប្រទេសលោកខាងលិច បរិភោគអាហារធ្វើអោយមានសម្លេងត្រូវគេចាត់ទុកថាមិនគួរសម។ ប៉ុន្តែហុតទឹកស៊ុបមីមានសម្លេងនៅប្រទេសជប៉ុនជារឿងធម្មតា វាអាចជាការបង្ហាញថាម្ហូបឆ្ងាញ់។

សម្រាប់អ្នកធ្វើការផ្នែកបម្រើសេវាកម្មនៅប្រទេសជប៉ុន បម្រើអតិថិជនអោយបានល្អជាកាតព្វកិច្ច និងទំនួលខុសត្រូវរបស់ពួកគេ ហេតុនេះគេតែងបដិសេធទទួលលុយ Tip ពីភ្ញៀវ។ ប៉ុន្តែប្រសិនអ្នកចង់នៅតែអាច Tip តាមបែបរបស់ជនជាតិជប៉ុនបានដែរ។

ផ្លូវនៅប្រទេសជប៉ុនស្អាតទោះបីមិនសូវឃើញធុងសំរាមសាធារណៈ មកពីជនជាតិជប៉ុនមានទម្លាប់យកសំរាមទៅផ្ទះ។ លើសពីនេះទៀតការសម្អាតសំរាមរបស់កីឡាករជប៉ុននៅក្នុង World Cup 2018 ទទួលបានការសរសើរជាច្រើនពីប្រព័ន្ធផ្សព្វផ្សាយបរទេស។

ផ្លែឈើនៅប្រទេសជប៉ុនគឺថ្លៃ រហូតមានតម្លៃដែលអ្នកស្មានមិនដល់។

ទៅប្រទេសជប៉ុនប្រាកដជាត្រូវត្រាំ Onsen។ កាន់តែពិសេសជាងនេះ ប្រសិនអ្នកទៅក្នុងរដូវស្លឹកឈើជ្រុះមានពណ៌ក្រហម អាកាសធាតុត្រជាក់ត្រាំក្នុងទឹកក្តៅហើយមើលទេសភាពធម្មជាតិ។