ទំព័រដើម
ជីវិត
រឿងរ៉ាវអ្នកប្រមាញ់ធ្វើត្រូវតាមភារកិច្ចប៉ុន្តែត្រូវទទួលទណ្ឌកម្ម

រឿងរ៉ាវអ្នកប្រមាញ់ធ្វើត្រូវតាមភារកិច្ចប៉ុន្តែត្រូវទទួលទណ្ឌកម្ម

ថ្ងៃសុក្រ 21/06/2019 | 20:41 ល្ងាច

សត្វខ្លាឃ្មុំរស់នៅច្រើននៅតំបន់ភ្នំនៃប្រទេសជប៉ុន។ តាមធម្មតាពួកវារស់នៅលាក់ខ្លួន ហើយមិនបង្កគ្រោះថ្នាក់ដល់មនុស្សប្រសិនគ្មានការវាយប្រហារ។ ប៉ុន្តែពេលថ្មីៗនេះប្រភពចំណីរបស់ខ្លាឃ្មុំកំពុងថយចុះធ្វើអោយខ្លាឃ្មុំមួយចំនួនចុះពីភ្នំចូលតំបន់ដែលមានប្រជាជនរស់នៅ។

រូបភាព https://www.aohigetozan.com/entry/2018/10/20/200000

ដើម្បីធានាសុវត្ថិភាពតំបន់ភ្នំជាច្រើននៅប្រទេសជប៉ុនមានផ្លាកសញ្ញាប្រកាសមានខ្លាឃ្មុំដើម្បីអោយអ្នកដំណើរប្រុងប្រយ័ត្ន។

រូបភាព http://hashimoto-news.com/news/2016/06/12/36005/

ទោះបីជាយើងគ្មានចេតនាបង្កគ្រោះថ្នាក់ដល់ខ្លាឃ្មុំ ប៉ុន្តែការប្រឈមជាមួយនឹងសត្វព្រៃជារឿងគ្រោះថ្នាក់។ ពេលភ័យខ្លាចអ្នកនឹងបញ្ចេញសកម្មភាពការពារខ្លួនដោយចៃដន្យដូចជា បំភ័យឬគំរាមកំហែងខ្លាឃ្មុំ។ ទាំងនេះធ្វើអោយខ្លាឃ្មុំស្មានថាអ្នកជាសត្រូវរបស់វាហើយវាយប្រហារអ្នក។

មានច្រើនករណីខ្លាឃ្មុំខ្លាចហើយវាយប្រហារមនុសុ្ស។ ពេលមានរឿងកើតឡើងក្រុមអ្នកប្រមាញ់ Ryouyuukai នឹងបំពេញភារកិច្ចរបស់ខ្លួន។ ក្រុមនេះបានចុះឈ្មោះត្រឹមត្រូវតាមច្បាប់ ហើយត្រូវបានផ្តល់សិទ្ធិអោយប្រើកាំភ្លើងប្រហារសត្វព្រៃដែលគ្រោះថ្នាក់។

ក្នុងករណីមួយចំនួនប៉ូលីសមិនអាចបង្រ្កាបសត្វព្រៃត្រូវពឹងលើជំនួយរបស់ក្រុមអ្នកប្រមាញ់។

ក្នុងឆ្នាំ ២០១៨ រឿងហេតុចម្លែកមួយបានកើតឡើងនៅ Hokkaido។ ខ្លាឃ្មុំមួយបានចូលក្នុងកន្លែងដាំផ្លែឈើរបស់ប្រជាពលរដ្ឋ។ នៅចំពោះមុខប៉ូលីស និងអាជ្ញាធរមូលដ្ឋានអ្នកប្រមាញ់ម្នាក់ក្នុងក្រុម Ryouyuukai បាញ់សម្លាប់សត្វខ្លាឃ្មុំ។

ទោះបីក្រុមអ្នកប្រមាញ់ស្របច្បាប់ ប៉ុន្តែក្នុងករណីនេះការបញ្ជាក់ថាតើអ្នកប្រមាញ់ធ្វើតាមច្បាប់ឬទេ។

ផ្នែកប៉ូលីសប្រឆាំងនឹងអ្នកប្រមាញ់ដោយយល់ថានេះជាស្ថានភាពរំលោភច្បាប់ការពារបក្សី និងសត្វព្រៃ។ តាមច្បាប់ការពារសត្វព្រៃ ច្បាប់មិនអនុញ្ញាតអោយបង្ករបួសឬសម្លាប់សត្វព្រៃទេ លើកលែងជាប្រភេទគ្រោះថ្នាក់។ ក្នុងករណីខាងលើ តើខ្លាឃ្មុំត្រូវបានចាត់ទុកថាជាសត្វមានគ្រោះថ្នាក់ដែរឬទេ?

លទ្ធផលនៃការជំនុំជំរះមិនកាត់ទោស ប៉ុន្តែដកហូតសិទ្ធិប្រើកាំភ្លើងរបស់អ្នកប្រមាញ់។

រូបភាព http://blog.livedoor.jp/dqnplus/archives/1991123.html

មានមតិរិះគន់ជាច្រើនជុំវិញរឿងនេះ។ មនុស្សជាច្រើនយល់ថាអយុត្តិធម៌ចំពោះអ្នកប្រមាញ់ ព្រោះគាត់គ្រាន់តែបំពេញភារកិច្ចពេលមានការអនុញ្ញាតពីប៉ូលីស និងអាជ្ញាធរមូលដ្ឋាន។ ទោះបីគ្មានបញ្ជាបាញ់កាំភ្លើង ប៉ុន្តែអ្នកដែលមានសមត្ថកិច្ចសុទ្ធតែមានមុខក្នុងស្ថានភាពនោះ។ ហើយអ្នកប្រមាញ់ក៏បានបញ្ជាក់ថាទទួលការអនុញ្ញាតពីថ្នាក់លើ។

សម្រាប់អ្នកប្រមាញ់ម្នាក់ការដកហូតកាំភ្លើងរបស់គាត់ក៏ដូចជាបំបាត់មុខរបររបស់គាត់ដែរ។

ប៉ូលីសគួរតែធ្វើការអោយបានច្បាស់លាស់ ប្រសិនមិនចង់បាត់បង់ទំនុកចិត្តរបស់ប្រជាពលរដ្ឋ។

Kengo Abe