​រថភ្លើង​​មាន​ល្បឿន​​លឿនជាង Shinkansen ពី​មុន- ប្រៀបដូចជា​យន្ត​ហោះ​ផ្លូវ​ដែក

រថភ្លើង Shinkansen គឺជាមោទនភាពរបស់ប្រជាជន​ជប៉ុន ធ្វើអោយ​ពិភពលោកទាំងមូលកោតសរសើរដោយសារតែល្បឿនលឿន។

ទោះជាយ៉ាងណាក៏ដោយប្រជាជនជប៉ុននៅ​តែ​បន្តកែលម្អ និង​អភិវឌ្ឍជានិច្ច។ ពួកគេទទួលបាន​ជោគជ័យជាមួយនឹងរថភ្លើងល្បឿនលឿនជាង Shinkansen ទៅ​ទៀត។

សូម​មើល​ទាំងអស់​គ្នា។

ល្បឿនអតិបរមារបស់រថភ្លើង​គឺ ៣២០ គីឡូម៉ែត្រក្នុងមួយម៉ោង នេះ​គ្រាន់​តែ​ជា​តួ​លេខប្រៀបធៀប​ប៉ុណ្ណោះ។

បច្ចុប្បន្ននេះជនជាតិជប៉ុនបានប្រតិបត្តិការរថភ្លើង Shinkansen កណ្តាល​មានល្បឿនលឿនជាងមុន។ រថភ្លើង​នេះប្រើប្រព័ន្ធថ្មី Linear Motor Car។

រថភ្លើង​​ផលិត​ចេញ​ពី​មេដែក ដោយ​​ប្រើ​កម្លាំង​របស់​មេដែកដើម្បី​បង្កើន​ល្បឿន។

ថ្វីបើល្បឿនអតិបរមាមិនទាន់ត្រូវបានបញ្ជាក់ក៏ដោយ ប៉ុន្តែយោងតាមលទ្ធផលនៃការធ្វើតេស្តថ្មីៗនេះល្បឿនដល់ទៅ ៦០៣ គីឡូម៉ែត្រក្នុង​មួយ​ម៉ោង។ ការធ្វើតេស្តនេះត្រូវបានធ្វើឡើងដោយមានអ្នកដំណើរមួយ​ចំនួន​។

ក្រៅ​ពី​នេះ​ផែនទីផ្លូវរថភ្លើង​ក៏​ធ្វើ​អោយមាន​ការ​ភ្ញាក់​ផ្អើល​ផង​ដែរ។

ខ្សែពណ៌ខ្មៅតំណាងអោយ​ផ្លូវរបស់រថភ្លើង Shinkansen បច្ចុប្បន្ន​។ ដោយសារតែមានផ្លូវ​បត់​ច្រើន មានតំបន់មួយ​ចំនួន​រថភ្លើង​មិនអាចជិះ​ក្នុង​ល្បឿនលឿនបាន។

ដូច្នេះគេមិនត្រឹមតែបង្កើនល្បឿនរបស់ Shinkansen កណ្តាល​ ហើយ​ថែមទាំង​ផ្លាស់​ប្តូរផ្លូវធ្វើ​ដំ​ណើរ​។ សូម​មើល​ខ្សែ​ផ្លូវ​ពណ៌​ក្រហម​ ស្ថានីយ៍ភាគច្រើនត្រូវបានតភ្ជាប់ដោយផ្លូវ​ត្រង់ ដូច្នេះរថភ្លើងមិនចាំបាច់បន្ថយល្បឿនទេ ហេតុ​នេះ​ល្បឿនមធ្យមប្រាកដជាលឿនជាងមុន។

Shinkansen កណ្តាលគ្រោងនឹងដាក់អោយ​ប្រើប្រាស់នៅឆ្នាំ ២០២៧ ផ្លូវដំបូង​ពីស្ថានីយ៍ Shinagawa នៅ​ Tokyo ដល់ Nagoya។ រហូត​ដល់​ឆ្នាំ ២០៤៥ នឹង​បើក​បន្ត​ទៅ​ដល់ Shin Osaka។

ទោះបី​ពេលវេលា​ហាក់​ដូចជា​យូរ ប៉ុន្តែនេះជា​បច្ចេកវិទ្យារថភ្លើងដែលមានល្បឿនលឿនបំផុតនៅលើពិភពលោក ពិត​ជា​សាក​សម​សម្រាប់​ការរង់​ចាំ។

ពី​មុន​អ្នក​ចំណាយ​ពេល​ប្រហែល ១ ម៉ោង ២៧ នាទីដើម្បី​ធ្វើ​ដំណើរពី Tokyo ទៅ Nagoya ជិះ Shinkansen ប៉ុន្តែចំពោះ Shinkansen កណ្តាលនៅ​សល់​តែ ៤៦ នាទី​តែ​ប៉ុណ្ណោះ។

ដូចគ្នាពី Tokyo ទៅ Shin Osaka ពី​មុន​ចំណាយ​ពេល ២ ម៉ោង ៨ នាទី ប៉ុន្តែពេលអនាគតនឹងកាត់បន្ថយត្រឹម ១ ម៉ោង ១០ នាទី។

ល្បឿន​ពេលធ្វើដំណើររបស់​ Shinkansen កណ្តាលនេះ​លឿនជាងជិះ​យន្តហោះទៀត ប្រសិន​គិត​ទាំង​ពេល​វេលា Check-in។ បុគ្គលិក​ការិយាល័យ​ដែលរវល់ប្រាកដជាពេញ​ចិត្តចំពោះ​ការ​ផលិត​នេះ។

ប្រសិន​បើ​អ្នក​មិនចង់​រង់​ចាំ

អាចសាក​ល្បងរថភ្លើងដែល​មាន​ល្បឿន ៥០០ គីឡូម៉ែត្រក្នុងមួយម៉ោងនេះ។

បើប្រៀបធៀបទៅនឹងល្បឿនរំពឹងទុកគឺយឺតជាង ប៉ុន្តែនេះនឹងនៅតែជារថភ្លើង​ដែលលឿនបំផុតនៅលើពិភពលោកបច្ចុប្បន្ន​នេះ លឿនជាង Shinkansen ពីមុន​ទៅទៀត។

ជាមួយ​នឹង​ល្បឿន​បែប​នេះ តើអ្នក​ដែលអង្គុយលើរថភ្លើងអាច​វិលមុខទេ? តើវាធ្វើអោយ​មានសម្លេងរំខានដែរឬទេ?

សូម​កុំ​បារម្ភ ដោយសារតែរថភ្លើងធ្វើដំណើរ​ប្រើកម្លាំងមេដែក​មិន​បង្ក​សម្លេងរំ​ខាន​។ ក្រៅ​ពី​នេះ​តាម​រយៈ Clip រថភ្លើងចាប់ផ្តើមធ្វើដំណើរជាមួយ​នឹង​លឿន ១៥០ គីឡូម៉ែត្រក្នុងមួយម៉ោង បន្ទាប់មកបង្កើនល្បឿនបន្តិចម្តង ៗ ដើម្បីជៀសវាងអារម្មណ៍ភ្លាមៗ និងវិលមុខសម្រាប់អ្នកដំណើរ។

ជាមួយ​នឹង​អត្ថ​ប្រយោជន៍​បែប​នេះប្រៀបដូចជា​យន្តហោះលើ​ផ្លូវ​ដែក។

យានយន្តនាពេលអនាគតនឹងមានការ​អភិវឌ្ឍជាច្រើន បម្រើល្បឿននៃជីវិតរបស់មនុស្សកាន់តែមមាញឹក។ សូម​រង់ចាំការអភិវឌ្ឍដែលបច្ចេកវិទ្យាទំនើបនឹងយកយើងទៅ។

ប្រភព http://sonicrailgarden.sakura.ne.jp/seat_e5.html

Kengo Abe