និស្សិតជប៉ុនបញ្ចេញមតិអំពី Logo “Mushroom Cloud” នៅសាកលវិទ្យាល័យរបស់នាងនៅសហរដ្ឋអាមេរិក

ថ្ងៃសុក្រ 21/06/2019 | 13:31 ល្ងាច

សាកលវិទ្យាល័យនេះជាកន្លែងដែលនិស្សិតស្រីជប៉ុនកំពុងផ្លាស់ប្តូរចំណេះដឹងមាន Logo រូប “Mushroom Cloud” (ពពកផ្សិត)។ និស្សិតស្រីបានបញ្ចេញទស្សនៈអំពីរូប Logo នេះ។

នាងមានឈ្មោះថា Nonoka Koga ទើបតែត្រឡប់មកប្រទេសវិញកាលពីសប្តាហ៍មុន រៀននៅ Richland High School នៅ Washington បាន ១ ឆ្នាំ។

នាងបានអោយដឹងថា Logo នេះបង្ហាញអំពីការផ្ទុះគ្រាប់បែកនុយក្លេអ៊ែរ។

Koga ឆ្លើយនឹងការសម្ភាសរបស់ NHK “ខ្ញុំពិតជាភ្ញាក់ផ្អើលពេលឃើញនិមិត្តសញ្ញានេះប្រើធ្វើជា Logo សាលា” ជាអ្វីដែលនឹកស្មានមិនដល់នៅប្រទេសជប៉ុន។

បន្ទាប់មក Koga ដឹងថាចំណុះ Plutonium មាននៅក្នុងគ្រាប់បែកបរមាណូដែលទម្លាក់ចុះ Nagasaki ក្នុងឆ្នាំ ១៩៤៥ ត្រូវបានផលិតនៅ Richland។

ស្ថិតក្រោមការគាំទ្ររបស់គ្រូបង្រៀន និងគ្រួសារ host Koga បាននិយាយពីទស្សនៈរបស់ខ្លួនអំពីបញ្ហានេះក្នុងវីដេអូនៅថ្ងៃទី ៣០ ខែឧសភា។

“នៅស្រុកកំណើតរបស់ខ្ញុំ ជារៀងរាល់ឆ្នាំមានរំលឹកអំពីថ្ងៃសន្តិភាពដើម្បីអោយសិស្សយល់អំពីការបំផ្លាញរបស់គ្រាប់បែក និងភាពសោកសៅដែលបណ្តាលមកពីសង្រ្គាម។ នៅ Nagasaki មាន ៨០.០០០ កម្មកររួមទាំងស្រ្តី និងកុមារបាត់បង់ជីវិត”។

ស្រុកកំណើតរបស់ Koga គឺ Fukuoka អាចជាគោលដៅដំបូងនៃគ្រាប់បែកបរមាណូទី ២ ប៉ុន្តែដោយសារតែមានពពកច្រើនជនជាតិអាមេរិកបានសម្រេចចិត្តទម្លាក់នៅ Nagasaki។

“តើយើងគួរមានមោទនភាពចំពោះការសម្លាប់មនុស្សគ្មានកំហុស? ខ្ញុំមិនមែនព្យាយាមដើម្បីផ្លាស់ប្តូរ Logo នេះទេ ខ្ញុំគ្រាន់តែសង្ឃឹមថាអ្នករាល់គ្នាអាចគិតបន្តិចអំពីគំនិតផ្ទាល់របស់ខ្ញុំ”។

មានមតិជាច្រើនបន្ទាប់ពីវីដេអូរបស់ Koga ត្រូវបានប្រកាស ប៉ុន្តែអ្នកមើលភាគច្រើន (ទាំងគ្រូបង្រៀន និងសិស្សនៅ Richland) សុទ្ធតែគាំទ្រ។
Sarah Landon សមាជិកគ្រួសារ host របស់ Koga បាននិយាយ “យើងមានមោទនភាពដែលនាងមានភាពក្លាហានគ្រប់គ្រាន់ក្រោកឈរឡើង និងនិយាយពីរឿងដែលមានចម្រូងចម្រាស់ខ្លាំង” តាមរយៈ Associated Press។

ជុំវិញបញ្ហានេះមតិយោបល់ជាច្រើនបានសម្តែងការគោរពចំពោះទង្វើរបស់នាង។ ប៉ុន្តែក៏មានមតិយល់ថាគ្មានសិទ្ធិនិយាយពីរូបតំណាងនៃប្រទេសម្ចាស់ផ្ទះ host ទេ។

ប្រវត្តិសាស្រ្តត្រូវបានបញ្ចប់ទំនាក់ទំនងអន្ដរជាតិនាពេលបច្ចុប្បន្ននេះផ្តោតលើការទូត និងការចរចា ជាក់ស្តែងគ្មាននរណាម្នាក់ចង់អោយសង្រ្គាមកើតឡើងឡើយ។ យើងមិនគួរភ្លេចអតីតកាលព្រោះជាមេរៀនសម្រាប់ពេលបច្ចុប្បន្ន។

តើអ្នកគិតយ៉ាងណាចំពោះមិតរបស់និស្សិត Nonoka Koga សូមពិចារណាអោយបានច្បាស់មុនពេលបញ្ចេញមតិ។

ប្រភព Nextshark

Sacchan