អត្តន័យអប់រំនៃកីឡាបាល់ឱបក្នុងភក់របស់ជប៉ុន

ថ្ងៃព្រហស្បតិ៍ 20/06/2019 | 19:34 ល្ងាច

តើអ្នកធ្លាប់លេងកីឡាបាល់ឳបដែរទេ? នេះជាកីឡាប្រើកម្លាំងខ្លាំង អនុញ្ញាតឲ្យអ្នកលេងស្ទុះទៅគូរប្រកួតដើម្បីដណ្តើមបាល់។

រូបភាព https://number.bunshun.jp/articles/-/839570

ជាទូទៅកីឡាដែលប្រើកម្លាំងខ្លាំងហើយដៃធ្ងន់បែបនេះ អ្នកលេងភាគច្រើនជាបុរស។

ប៉ុន្តែនៅជប៉ុនមានកីឡាបាល់ឳបសម្រាប់នារី និងកុមារក៏អាចលេងបានដែរ។

រូបភាព https://mainichi.jp/articles/20170522/ddl/k26/040/357000c

ព្រឹត្តិការណ៍នេះធ្វើឡើងមុនពេលប្រមូលផលដែលហៅថា Tanbo Ragubi ។ ចំនុចពិសេសនៃកីឡាបាល់ឳបនេះត្រូវលេងនៅលើដីភក់។

អាស្រ័យលើទំហំនៃកន្លែងលេង ក្នុងមួយក្រុមមានមនុស្ស ៤ នាក់។ របៀបលេងមិនដូចកីឡាបាល់ឳបនោះទេ ប៉ុន្តែដូចទៅនឹងកីឡា Touch Ragby ជាង។ មានន័យថា អ្នកលេងមិនចាំបាច់ស្ទុះទៅដណ្តើម គ្រាន់តែប៉ះគូរប្រកួត ឬបាល់។

ទោះជាយ៉ាងណា កីឡានេះនៅតែមានឧបសគ្គរបស់វា ព្រោះកន្លែងលេងគឺជាដីភក់។ អ្នកត្រូវប៉ះគូរប្រកួតខណៈពេលខ្លួនស្ថិតក្នុងដីភក់។ ដើម្បីលេងកីឡានេះទាមទារឲ្យអ្នកលេងមិនខ្លាចកខ្វក់។

រូបភាព https://www.w-higa.com/28925

ដោយសារតែកន្លែងលេងជាវាលស្រែ ដូច្នេះមិនបង្ករបួសនោះទេ។

រូបភាព https://www.w-higa.com/28925

មូលហេតុដែលកីឡានេះត្រូវលេងលើវាលស្រែដីភក់ ព្រោះសព្វថ្ងៃមានកុមារជប៉ុនជាច្រើនខ្លាចកខ្វក់មិនចង់ចុះទៅវាលស្រែ។ ដើម្បីថែរក្សាប្រពៃណីកសិកម្ម ប្រជាជនជប៉ុនបានរកឃើញល្បែងមួយនេះដើម្បីទាក់ទាញយុវជនរីករាយនឹងដីភក់ ស្រលាញ់ធម្មជាតិ។

នេះជាវិធីសាស្រ្តមានប្រយោជន៍សម្រាប់លេងកំសាន្ត និងអប់រំប្អូនៗ។ មិនត្រឹមតែយុវជន សូម្បីតែមនុស្សធំក៏មានភាពរីករាយផងដែរ។

បន្ទាប់ពីលេង ហើយងូតទឹកឲ្យស្អាត ក្រុមទាំងពីរនឹងអង្គុយជប់លៀងជាមួយគ្នា ផឹកស្រាបៀ ជជែកកំសាន្ត។

មិនដឹងថាយុវជនកម្ពុជាចង់លេងកីឡាបាល់ឳបក្នុងភក់បែបនេះដែរទេ?

Kengo Abe