ជប៉ុនជាប្រទេសដែលមានប្រព័ន្ធផ្លូវ​ចរាចរណ៍​ងាយ​ស្រួលសម្រាប់ជនពិការ

នៅក្នុងទីក្រុងនៃប្រទេស​ជប៉ុន បញ្ហាទាក់​ទងនឹងជន​ពិការជាប្រធាន​បទដែល​មាន​អ្នក​ចាប់​អារម្មណ៍ច្រើន។ មិន​មែន​ដោយ​សារ​ការ​រើស​អើង​នោះទេ ប៉ុន្តែដោយសារ​ប្រជាជនមិនដឹងពីគោលការណ៍ ត្រូវ​ធ្វើ​យ៉ាងណាចំពោះ​ជនពិការ បណ្តាលអោយមានករណីជាច្រើនកើត​ឡើងដោយ​ចៃដន្យប៉ះពាល់ដល់ពួកគេ។

មិនត្រឹមតែអ្នកមានគ្រោះថ្នាក់ចរាចរណ៍ត្រូវប្រើកៅអីរុញ ឬជនពិការ មនុស្ស​ចាស់​ខ្សោយ​ដៃជើងក៏ត្រូវប្រើរទេះរុញដើម្បី​ធ្វើ​ដំ​ណើរ។ ចំពោះ​ប្រទេស​ដែល​មាន​មនុស្ស​ចាស់​ច្រើន​ដូចជា​ប្រទេស​ជប៉ុនអត្រាអ្នក​មិន​អាច​ធ្វើ​ដំ​ណើរ​ពិត​ជា​​ខ្ពស់។ ហេតុ​នេះប្រទេសជប៉ុនមានគោលនយោបាយ និងបរិក្ខារជាច្រើនដើម្បីផ្តល់​ភាព​ងាយ​ស្រួលសម្រាប់​ជនពិការ​តាម​​ផ្លូវ​សាធារណៈ។

ជាដំ​បូង​ ប្រជាជនជប៉ុន​ធ្វើ​ផ្លូវ​រាប​ស្មើ អ្នក​អាច​ប្រៀប​ធៀប​នឹង​ប្រទេស​មួយ​ចំនួន​ទៀត សូម្បី​តែ​គម្រប​លូក៏​ស្មើ​នឹងផ្លូវ​ ដើម្បី​អោយ​អ្នក​ប្រើ​រទេះរុញមិន​ពិ​បាក​ធ្វើ​ដំ​ណើរ​ទៅ​មក។

រូបភាព https://ameblo.jp/kitazawajunko/entry-12450052697.html

នៅតាមផ្លូវមានគំនូស​ពណ៌​លឿង​ និងត្រូវបានធ្វើ​ខ្ពស់ជាងផ្លូវថ្នល់ដើម្បីធានាសុវត្ថិភាពសម្រាប់អ្នកដើរ​ថ្មើរ​ជើង។ តាម​ផ្លូវ​ថ្មើរជើង និង​ស្ថានីយ៍រថភ្លើងអ្នក​នឹងមើល​ឃើញ​ឥដ្ឋពណ៌​លឿង​បែបនេះ។

រូបភាព https://lineblog.me/dragon19641121/archives/1570608.html

នេះ​ជា​ឥដ្ឋ​ផ្លូវ​យក​តាម​គំនិត​នៃ​អក្សរ​ផុស​សម្រាប់​ជនពិការ​ braille ដើម្បី​ផ្តល់​ដំណឹង​ដល់​ជន​ពិការ។ មាន​ផ្លូវ​ ២ ប្រភេទ មួយ​ប្រភេទចង្អុល​អោយ​ដើរ​ត្រង់ ចំណែក​មួយ​ទៀត​មាន​ចំណុច​មូលមាន​ន័យ​ថា​ឈប់ ដាក់នៅចន្លោះផ្លូវប្រសព្វ និង​ផ្លូវ​បំ​បែង។

ក្រៅពី​នេះនៅ​មានផ្លាកសញ្ញាចរាចរណ៍ជាច្រើនទៀតតាម​ផ្លូវ។

រូបភាព https://blogs.yahoo.co.jp/miyakogarden/28419501.html

ប្រសិនបើអ្នកនៅក្នុងប្រទេសជប៉ុនរយៈពេលយូរ​អ្នកនឹងឮសម្លេងបក្សីរាល់ពេលដែលអ្នកឆ្លងកាត់ផ្លូវនៅចំណុចប្រសព្វ។ សម្លេង​នេះ​នឹង​បន្លឺ​ឡើង​នៅ​ពេល​ភ្លើងប្តូរ​ទៅជាពណ៌​ខៀវដើម្បីផ្តល់ដំណឹងទៅដល់អ្នកដែលមានបញ្ហាភ្នែក។

នៅ​ស្ថានីយ៍​រថ​ភ្លើង​ឡើង​ចុះ​ជណ្តើរ​ជារឿង​ធម្មតា។ ប៉ុន្តែ​នៅ​ស្ថានីយ៍​រថ​ភ្លើង​មួយចំនួនដែល​មិន​មាន​ជណ្តើរយន្ត នៅ​តែ​មាន​ជណ្តើរពិសេសសម្រាប់​ជនពិការ ជាមួយនឹង​ជណ្តើ​រ​ធម្មតា។

រូបភាព http://www.shinkosangyo.co.jp/example/post-1.html

ទោះបីជាមាន​ឧបករណ៍គ្រប់​គ្រាន់ក៏ដោយ ប៉ុន្តែ​ដើម្បីសុវត្ថិភាពរបស់ជនពិការ បុគ្គលិក​ស្ថានីយ៍​រថ​ភ្លើង​នឹង​ជូន​ជនពិការ​​​ពេលឡើងរថ​ភ្លើង។

អ្នកអាចជួបប្រទះ​សត្វឆ្កែនាំផ្លូវ​បែបនេះតាម​ដង​ផ្លូវ​ប្រទេសជប៉ុន។

រូបភាព http://www.kansai-guidedog.jp/knowledge/training/index.html

ឆ្កែទាំងនេះត្រូវបានបណ្តុះបណ្តាលដើម្បីជួយដល់ជនពិការនៅតាមផ្លូវ។ វាអាចយល់សញ្ញាចរាចរណ៍ ឧទាហរណ៍​សត្វ​ឆ្កែ​នឹង​ឈប់ពេល​ឃើញ​ភ្លើង​ពណ៌​ក្រហម ហើយ​បន្ត​ធ្វើ​ដំ​ណើរ​ពេល​ភ្លើង​ខៀវ។

រថភ្លើង និង​ភោជនីយ​ដ្ឋាន​នៅ​ប្រទេស​ជប៉ុនហាម​ឃាត់​ឆ្កែចូល ប៉ុន្តែឆ្កែ​នាំ​ផ្លូវ​ជា​ករណី​លើក​លេង​។

ផ្លូវ​នៅ​ប្រទេស​ជប៉ុន​ខុស​ឆ្ងាយ​ពី​ប្រទេស​កម្ពុជាមែនទេ? ជាមួយនឹង​ហេដ្ឋារចនាសម្ព័ន្ធ​​ងាយ​ស្រួល​បែប​នេះ ជនពិការ​នៅ​តែ​អាច​ចូលរួម​ចរាចរណ៍ដោយមិន​បាច់បារម្ភ​ថា​ប៉ះ​ពាល់​ ឬ​រារាំង​ដល់​អ្នក​ដទៃ។

Kengo Abe