យុទ្ធនា​ការ​ប្រឆាំងនឹងគំនិតបង្ខំស្ត្រី​ត្រូវ​ពាក់​ស្បែក​ជើង​កែង​ទៅ​ធ្វើ​ការ

អង្គការស្ត្រីមួយបានដាក់ញត្តិទៅកាន់រដ្ឋាភិបាលប្រឆាំងនឹងគំនិតបង្ខំអោយស្ត្រីត្រូវ​ពាក់​ស្បែក​ជើង​កែង​ទៅ​ធ្វើ​ការ។

យុទ្ធនាការមានឈ្មោះថា KuToo គឺ​ជា​ការ​ប្រើ​ពាក្យ​នៅ​ក្នុង​ភាសាជប៉ុន (ពាក្យ Kutsu មាន​ន័យ​ថា​ស្បែក​ជើង ចំណែក Kutsuu មាន​ន័យ​ថា​ឈឺ​ចាប់) ត្រូវបានបង្កើតឡើងដោយតារាភាពយន្តស្រី និងជាអ្នកនិពន្ធសេរីឈ្មោះ Yumi Ishikawa។ យុទ្ធនាការនេះទទួលបានមិត​ឆ្លើយតបជាច្រើន។

រូបភាព LIMO

អ្នក​តស៊ូ​ដើម្បី​យុទ្ធ​នា​ការបាន​អោយ​ដឹង​ពាក់​ស្បែក​ជើង​កែង​ត្រូវ​បាន​គេ​ចាត់​ទុក​ថា​ជា​បទ​បញ្ជាពេល​អ្នក​ទៅ​សម្ភាសឬ​ទៅ​ធ្វើ​ការនៅ​ក្រុម​ហ៊ុន​ជប៉ុន។

​Ishikawa បាន​ឆ្លើយ​តប​​ការ​សម្ភាសបន្ទាប់ពីបានជួបជាមួយមន្ត្រីក្រសួងការងារ៖ “ថ្ងៃនេះយើងបានផ្ញើញត្តិមួយអំពាវនាវអោយមានច្បាប់ហាមឃាត់និយោជកបង្ខំស្រ្តីត្រូវ​ពាក់​ស្បែក​ជើង​កែងដូចជាទម្រង់នៃការរើសអើងឬការ​បំ​ពាន​ផ្លូវ​ភេទ”។

តារាសម្តែង​បាន​ចែក​រំ​លេក​ពី​អារម្មណ៍អយុត្តិធម៌នៅ​ពេល​ពាក់​ស្បែក​ជើង​កែង។ នាង​ធ្វើ​ការថែម​ម៉ោង​ហើយ​ត្រូវ​ពាក់​ស្បែក​ជើង​កែង​ពេញ​មួយ​ថ្ងៃ។ កែង​ជើង​របស់​នាង​ហើម និង​ហូរ​ឈាម​។

មិន​ត្រឹម​តែ​ប៉ុណ្ណឹង​មាន​កន្លែង​មួយ​ចំនួន​តម្រូវ​អោយ​នារី​ពាក់​ស្បែក​ជើង​កែង​កម្ពស់ពី ៥ ទៅ ៧ សង់​ទី​ម៉ែត្រ ស្បែក​ជើង​ផ្នែក​ខាង​មុខ​បិទ​ជិតមាន​ពណ៌​ខ្មៅ។

នៅ​​ថ្ងៃ​ធ្វើ​ការនាង​ឃើញ​​បុរស​ពាក់​ស្បែក​ជើង​រាបស្មើ ​ ​Ishikawa បាន tweet អំពីអយុត្តិធម៌ក្នុងបទបញ្ជាឯកសណ្ឋាន។ គួរអោយ​ភ្ញាក់​ផ្អើល tweet ទទួ​លបាន​ ៦៧ ពាន់អ្នក​ Like និង​ជិត ៣០ ពាន់ retweet។ ទទួល​បាន​ការ​គាំទ្រ​ពី​បណ្តាញ​អ្នក​លេង​អីុន​ធឺណេត ​Ishikawa បាន​ធ្វើ hashtag#Kutoo។

“យើង​តែ​ង​មាន​គំនិត​មិន​ចង់​បង្ក​រឿង​អោយ​ធំ ប៉ុន្តែ​ប្រសិន​អ្នក​យល់​ឃើញ​ថា​មាន​អ្វី​មិន​ត្រឹម​ត្រូវ​ កុំ​ខ្លាច​នឹង​បញ្ចេញ​យោបល់​”។

បច្ចុប្បន្នការ​ស្នើ​របស់​នាង​ទទួល​បាន​ជិត ២០.០០០ ហត្ថលេខាលើបណ្តាញអីុន​ធឺណេត។ ទាំង​នេះ​ធ្វើ​អោយ​ Ishikawa យល់​ថា​បញ្ហា​នេះមាន​មនុស្ស​ជាច្រើន​យល់​ស្រប។

នៅ​ថ្ងៃទី​ ៣ ខែមិថុនា​នាងបានដាក់ញត្តិទៅក្រសួងសុខាភិបាល និងការងាររបស់ជប៉ុន ពេលវេលានេះក៏ស្របពេលជាមួយនឹងការបញ្ចប់ការសិក្សារបស់និស្សិតសាកលវិទ្យាល័យផងដែរ។ នាងសង្ឃឹមថានឹងកាត់បន្ថយបន្ទុកនៃការពាក់ស្បែកជើងកែង​ដើម្បីទៅរកការងារធ្វើសម្រាប់សិស្សទាំងនេះ។

ទោះជាយ៉ាងណារដ្ឋមន្រ្តី Takumi Nemoto បានប្រកាសថាគាត់មិនគាំទ្របទបញ្ជានៃឯក​សណ្ឋាន​ទេ។ គាត់​បាន​និយាយ​ថា “វាជាបទដ្ឋានសង្គមដែលទទួលយកភាពចាំបាច់នៃការពាក់ស្បែកជើងកែងនៅកន្លែងធ្វើការ”។

រូបភាព ハフポスト

អ្នកគាំទ្រយុទ្ធនាការបង្ហាញពីករណីមួយចំនួននៃការផ្លាស់ប្តូរបទបញ្ជាឯក​សណ្ឋាន​នៅ​ប្រទេសដទៃ​ក្នុង​ប៉ុន្មាន​ឆ្នាំថ្មីៗ​នេះ។

នៅប្រទេសអង់គ្លេសបណ្តឹងរបស់ Nicola Thorp អោយ​ក្រុម​ហ៊ុនសវនកម្ម PwC អក្សរពេញ​គឺ PricewaterhouseCoopers នៅ​ខែធ្នូ ឆ្នាំ ២០១៥ អំពី​ករណី​ដូចគ្នានេះធ្វើ​អោយ​ក្រុម​ហ៊ុនត្រូវផ្លាស់ប្តូរបទ​បញ្ជា​ផ្ទៃ​ក្នុង​ចំពោះ​ឯក​សណ្ឋានដើម្បីជៀសវាងការរើសអើងភេទ។

នៅ​ក្នុង​ការ​ចាក់​បញ្ចាំង​នៃ​ខ្សែភាព​យន្ត​ Cannes 2016 ធ្វើ​នៅ​ប្រទេស​បារាំង Julia Roberts ជាមួយនឹង​តារាសម្តែងស្រី​ជាច្រើន​ផ្សេង​ទៀត​ធ្វើ​អោយ​អ្នក​ថត​រូប​មាន​ការ​ភ្ញាក់​ផ្អើល​ពេល​ដើរ​ជើង​ទទេឬ sneaker លើ​កម្រាល​ព្រំ​ក្រហម។ ករណី​នេះ​គឺដើម្បីប្រឆាំងនឹងច្បាប់ដែលមិនបានចែងនៅ Cannes នារី​ត្រូវ​ពាក់​ស្បែក​ជើង​កែង។ បច្ចុប្បន្នប្រទេសជប៉ុនមានទណ្ឌកម្មជាច្រើនដើម្បីកាត់​បន្ថយ​ការរើសអើងភេទត្រូវបានបញ្ជាក់នៅក្នុងវិធីសាស្រ្តជ្រើសរើស បណ្តុះ​បណ្តាល ធ្វើ​កិច្ច​សន្យា​ថ្មី -ល- ប៉ុន្តែមិនទាន់មានបទបញ្ញត្តិស្តីពីការស្លៀកពាក់របស់បុគ្គលិកនោះទេ។

​Ishikawa បាន​និយាយ​បន្ថែម​ថា “សង្គមជប៉ុនមានមនុស្សមិនហ៊ានបញ្ចេញ​យោបល់ ប៉ុន្តែ​ពេល​មាន​នរណា​ម្នាក់បញ្ចេញ​យោបល់ អ្នក​ដទៃ​នឹង​ស្តាប់​តាម​”។

ប្រាកដណាស់​សម្រាប់​ស្រ្តី​ដែល​ចូល​ចិត្ត​ពាក់​ស្បែក​ជើង​កែងនៅ​តែ​អាច​ពាក់ ហើយ​នាង​ក៏​បាន​និយាយ​ “ទោះបីជាបុរសចង់ពាក់ស្បែកជើងកែងក៏ពួកគេមានសិទ្ធិធ្វើដូច្នេះដែរ”។

តើយុទ្ធ​នាការទាម​ទារ​នេះ​នឹង​ទៅ​ជា​យ៉ាង​នៅ​ប្រទេស​ជប៉ុន?

ប្រភព theguardian, japantimes

Sacchan

មើលបន្ថែម: