ប្រលេង​ត្រី​ក្នុង​អាង​ហែល​ទឹក​របស់​សាលា​ព្រោះ​​ចង់​ហែលទឹក​ជាមួយត្រី​​មាន​ពណ៌​ចម្រុះស្អាត

សាលារៀននៅប្រទេសជប៉ុនជារៀងរាល់សប្តាហ៍មាន​រៀបចំសកម្មភាពហ្វឹក​ហាត់រាងកាយ។ ជាទូទៅ​រៀប​ចំ​ធ្វើ​នៅ​រដូវ​ក្តៅ​ ហែល​ទឹក​ជាកី​ឡា​ដែល​មាន​ប្រជាប្រិយ​ភាព។ ភាគ​ច្រើន​សាលា​រៀន​នៅ​ជប៉ុនសុទ្ធ​តែ​មាន​អាង​ហែល​ទឹកធំសម្រាប់​សិស្ស។ ដូច្នេះ​ភាគ​ច្រើន​ជនជាតិ​ជប៉ុន​សុទ្ធ​តែចេះ​​ហែល​ទឹក។

សាលា​វិទ្យា​ល័យ​មួយ​នៅ​ប្រទេស​ជប៉ុន​មាន​រឿង​ប្លែក​កើត​ឡើង។

រូបភាព https://matome.naver.jp/odai/2134822870281878801

សិស្ស​ស្រី​ ៤ នាក់នៅ​ពេល​យប់​បាន​លួច​ចូល​សាលា ហើយ​ប្រលេង​ត្រី ៥០០ ក្បាលចូល​អាង​ទឹក​របស់សាលា។

រូបភាព https://matome.naver.jp/odai/2134822870281878801

អ្វី​ដែល​ចម្លែកគឺត្រី ៥០០ ក្បាលនេះត្រូវ​បាន​ប្អូនៗទិញ​​នៅក្នុង​ពិធីបុណ្យនៃរដូវក្តៅ។

រូបភាព www.photo-ac.com/main/search?

នៅ​ក្នុង​ពិធី​បុណ្យ​ជាទូទៅ​មាន​ល្បែង​ចាប់​ត្រី របៀបលេង​គឺប្រើ​កន្រ្តក់​ក្រដាសចាប់​ត្រី​យ៉ាង​ណា​អោយ​លឿន​បំ​ផុត​មុន​ពេល​ក្រដាស​រលាយ​ក្នុង​ទឹក។ ចំនួន​ត្រី​ដែល​ចាប់​បាន​អាច​យក​ទៅ​ផ្ទះ។

បន្ទាប់​ពី​ពិធី​បុណ្យ​ត្រូវ​បញ្ចប់ប្អូនៗ​បាន​ទិញ​ត្រី​នៅ​សល់ក្នុង​តម្លៃ​ថោក។

មូល​ហេតុ​ដែល​ប្អូនៗ​ប្រលេង​ត្រី​ទៅ​ក្នុង​អាង​ហែល​ទឹក​សាលា​ព្រោះពួកគេចង់ហែលទឹកជាមួយត្រីមាន​ពណ៌​ចម្រុះស្អាតជាច្រ់ើន។ ប៉ុន្តែលទ្ធផលមិនដូចជាការរំពឹងទុក ហើយ​បណ្តាល​អោយ​មាន​ការ​ខូច​ខាតច្រើន​។

ក្រោយពី​ប្រលេង​ត្រីចូលទៅធ្វើ​អោយ​អាង​ហែល​ទឹកកខ្វក់ សាលា​ត្រូវ​ប្តូរ​ទឹក​ទាំង​អស់​ចេញ។ ចំនួន​ប្រាក់​ចំណាយ​សរុប​ដើម្បី​ប្តូរ​ទឹក​ទាំង​អស់​ក្នុង​អាង​ដែល​មាន​ទទឹង​ ២៥ ម៉ែត្រ និង​បណ្តោយ ៤២២ ម៉ែត្រ​ការ៉េប្រហែល ១៦០,០០០ យេន។

មិន​ត្រឹម​តែ​បញ្ហា​ថវិកាប៉ុណ្ណោះទេ ការ​បូម​ទឹកចេញ និង​ចូលក៏​ចំ​ណាយ​ពេល​ច្រើន​ ធ្វើអោយ​ប៉ះ​ពាល់​ម៉ោង​រៀន​របស់​សិស្ស​សាលា។ ហើយ​ទឹក​ដែល​ទើប​តែ​បូប​ចូល​ត្រជាក់​មិន​អាច​ហែល​បាន​ភ្លាមទេ។

ព្រោះ​តែ​គំនិតចង់រ៉ូមែនទិច និងឆោតល្ងង់របស់​ប្អូនៗបង្កអោយ​មាន​ផល​ប៉ះ​ពាល់ជាច្រើននៅពេលប៉ូលីសត្រូវចូលរួមរឿង​នេះ។

ប្រសិន​ចង់​សាក​ល្បង​អ្វី​ម្យ៉ាង ហេតុ​អ្វី​ប្អូនៗមិន​ធ្វើ​នៅ​ផ្ទះ​មុន​សិន? ជួនកាលសេរីភាពក្នុង​ការគិតនាំអោយ​មានផលវិបាកដែលនឹក​ស្មាន​មិន​ដល់។

Kengo Abe