គោលការណ៍ឈប់សម្រាកថែទាំកូនសម្រាប់បុរសនៅប្រទេសជប៉ុន

ថ្ងៃពុធ 05/06/2019 | 13:50 ល្ងាច

ចិញ្ចឹមបីបាច់កូនជារឿងដែលពិបាកណាស់។ ស្ត្រីជាច្រើនបន្ទាប់ពីសម្រាលកូនមិនអាចត្រលប់ទៅធ្វើការភ្លាមៗបានទេ។ ការសម្រាកពេលសម្រាលកូនត្រូវបានកំណត់ដើម្បីធានាសិទ្ធិរបស់បុគ្គលិកស្ត្រី។ ទោះជាយ៉ាងណាតើមានតែស្រ្តីម្នាក់ឯងអាចមើលថែទាំកូនបានទេ?

ក្រុមហ៊ុនជប៉ុនបច្ចុប្បន្នជាច្រើនបានរៀបចំគោលការណ៍ឈប់សម្រាកសម្រាប់បុគ្គលិកប្រុសដែលមានប្រពន្ធមានផ្ទៃពោះឬក្រោយពេលសម្រាលកូន។

រូបភាព https://bizhint.jp/report/132035

គោលការណ៍អនុញ្ញាតអោយបុរសអាចឈប់សម្រាកនៅផ្ទះ ជួយប្រពន្ធទើបសម្រាលកូនដើម្បីមើលថែទាំកូន។ ប៉ុន្តែគោលការណ៍នេះបែរជាជួបបញ្ហាធំមួយ។

នេះជាករណីអនុវត្តតាមគោលការណ៍ខាងលើរបស់សហគ្រាសធំ ក្រុមហ៊ុនតាមសាខាមានប្រហែល ១០,០០០ បុគ្គលិក។ នៅការិយាល័យកណ្តាលនៃសហគ្រាសធំនេះមានបុគ្គលិកប្រុស ២ នាក់កំពុងឈប់សម្រាកមើលថែទាំកូន។ ស្មានថាសហគ្រាសធំដូចនេះការឈប់សម្រាកនឹងមិនមានផលប៉ះពាល់ធំធេងដល់ប្រតិបត្តិការរបស់ក្រុមហ៊ុនឡើយ ប៉ុន្តែនៅថ្ងៃទី ២ នៃថ្ងៃឈប់សម្រាកបុគ្គលិកប្រុសត្រូវថ្នាក់លើទូរស័ព្ទប្រកាសថាខែក្រោយមានបេសកកម្ម។ ប៉ុន្តែកូនដែលទើបតែកើតនៅផ្ទះត្រឹមតែអាយុ ៣ ខែ។

ប្រពន្ធរបស់បុគ្គលិកប្រុសក៏មានគម្រោងពេលកូនចូលមត្តេយ្យនឹងត្រលប់ទៅធ្វើការ ប៉ុន្តែកូននៅតែមិនទាន់គ្រប់អាយុនៅឡើយ។ ដោយសារតែប្រពន្ធកើតកូនគាត់បានទិញផ្ទះថ្មីហើយខែនេះបានផ្លាស់ចូលរស់នៅ។

មិនត្រឹមតែមើលថែទាំកូន ការផ្លាស់ប្តូរផ្ទះទៅកន្លែងមួយផ្សេងក៏នាំមកនូវបញ្ហាសម្រាប់ប្តីប្រពន្ធដែរ។ តួនាទីរបស់ប្តីនាពេលនេះពិតជាសំខាន់ណាស់។ ប៉ុន្តែនៅពេលនេះបញ្ជាបេសកកម្មបែរជាមកដល់។

គាត់បាននិយាយជាមួយថ្នាក់លើដើម្បីពន្យាពេលបេសកកម្មទៅ ២ ឬ ៣ ខែក្រោយតែត្រូវបដិសេធ។ មិនត្រឹមតែប៉ុណ្ណឹងការស្នើសុំដាក់បញ្ចូលថ្ងៃឈប់សម្រាក (មានប្រាក់ខែ) ដើម្បីឈប់អោយអស់់ខែរបស់គាត់ក៏ត្រូវបដិសេធផងដែរ។ ច្បាស់ណាស់នេះជាការចាប់បង្ខំបុគ្គលិក។

តាំងពីបុរាណជនជាតិជប៉ុនតែងតែមានគំនិតថាប្តីចេញទៅធ្វើការខាងក្រៅដើម្បីរកលុយ ចំណែកប្រពន្ធនៅផ្ទះថែទាំគ្រួសារ។ ប៉ុន្តែសម័យបច្ចុប្បន្នបានផ្លាស់ប្តូរ មានស្រ្តីជាច្រើនចេញទៅធ្វើការ ហេតុនេះបុរសត្រូវជួយសម្រាលទុកធុរៈរឿងគ្រួសារ។ ទោះបីមានគោលការណ៍ថ្មីជាច្រើនទទួលការយល់ស្រប ប៉ុន្តែតើជនជាតិជប៉ុនពិតជាអាចផ្លាស់ប្តូរគំនិត ឬនៅតែចាស់បុរាណមិនព្រមទទួលយក។

ជាមួយនឹងស្ថានភាពេនះយុវជនជប៉ុននឹងមិនខ្វល់អំពីរឿងមានកូន ហើយភាពខុសគ្នានៃចំនួនប្រជាជនជប៉ុនពិបាកនឹងផ្លាស់ប្តូរអោយប្រសើរឡើងណាស់។

Kengo Abe