ពិសេស….នៅប្រទេសជប៉ុនមានគ្រឿងអលង្ការធ្វើពីផេះមនុស្សស្លាប់…?

ថ្ងៃអង្គារ 21/05/2019 | 11:59 ព្រឹក

ទោះបីអ្នកធ្លាប់រស់នៅបែបណា នរណាក៏ដូចនរណាដែរ ទីបំផុតក្លាយទៅជាធូលីដី។ ទោះអ្នកមិនចង់ ប៉ុន្តែមនុស្សគ្រប់គ្នាសុទ្ធតែត្រូវឆ្លងកាត់ការឈឺចាប់ពេលជូនដំណើរមនុស្សជាទីស្រលាញ់លើកចុងក្រោយ។ នៅប្រទេសជប៉ុនពេលមានមនុស្សស្លាប់ទៅ ម្នាក់នោះនឹងត្រូវបានបូជាដាក់ផេះនៅក្នុងថូមួយ ហើយដាក់នៅក្នុងផ្នូរគ្រួសារ។

ដើម្បីអោយអារម្មណ៍ជូនដំណើរសាច់ញាតិគ្មានភាពឯកា និងភាពទុក្ខព្រួយ ហាងគ្រឿងអលង្ការរបស់ជប៉ុនមានគំនិតដូចខាងក្រោម៖

គ្រឿងអលង្ការធ្វើពីផេះនៃអ្នកស្លាប់

ខ្សែកនេះត្រូវបានរចនាឡើងមានកែវតូចមួយ ខាងក្នុងមានផេះសាច់ញាតិមនុស្សដែលស្លាប់។ ដោយវិធីនេះអ្នកអាចរក្សាមនុស្សជាទីស្រលាញ់របស់អ្នកនៅជិតអ្នកជានិច្ច។ ទោះបីជាភាពទុក្ខព្រួយមិនអាចត្រូវបានលុបចោលទាំងស្រុងក៏ដោយយ៉ាងហោចណាស់ក៏សម្រាលបានបន្តិចដែរ។

ក្រៅពីនេះមានការរចនាជាច្រើនដូចជាគ្រឿងអលង្ការទូទៅធម្មតា។

មានការរចនាសម្រាប់សត្វចិញ្ចឹមផងដែរ

សត្វចិញ្ចឹមរស់នៅជាមួយយើងដូចជាសមាជិកក្នុងគ្រួសារ។ នៅប្រទេសជប៉ុនក៏មានសេវាកម្មបូជាសម្រាប់សត្វចិញ្ចឹម ហេតុនេះអ្នកអាចធ្វើខ្សែកមួយសម្រាប់ខ្លួន។

ក្រៅពីនេះតើអ្នកដឹងថាពេជ្រអាចត្រូវបានផលិតពីផេះរបស់មនុស្សដែរឬទេ?

ពេជ្រចេញពី Carbon នៅសីតុណ្ហភាពខ្ពស់ក្រោមសម្ពាធនៃបរិស្ថានក្រោមដី។ ការពិសោធន៍បង្កើតត្បូងពេជ្រដែលត្រូវបានផលិតពីផេះរបស់មនុស្សស្លាប់ ១០០% ផ្អែកលើវិទ្យាសាស្ត្រ។

ការសោកស្តាយចំពោះការចាកចេញរបស់មនុស្សជាទីស្រលាញ់ជាអ្វីដែលមនុស្សគ្រប់រូបត្រូវតែឆ្លងកាត់។ មនុស្សដែលនៅរស់ត្រូវបន្តរស់នៅអោយបានល្អ។ អ្នកដែលបានចាកចេញចង់អោយយើងបំភ្លេចទុក្ខព្រួយដើម្បីរស់នៅអោយបានល្អ។