តើអ្នកដឹងទេថា ជនជាតិ​ជប៉ុន​ប្រើពេលវេលា ២ ឬ​ ៣ ម៉ោងលើ​រថ​ភ្លើង​រាល់​ថ្ងៃធ្វើអ្វីខ្លះ?

ផ្លូវ​ដែក​មាន​ច្រើន​កន្លែងទូ​ទាំង​ប្រទេសជប៉ុន សូម្បីតែតំបន់ដាច់ស្រយាល។ ដូច្នេះមធ្យោបាយធ្វើ​ដំ​ណើរដ៏ងាយស្រួលបំផុតគឺរថភ្លើង។ តាំងពី​រថ​ភ្លើង​លើ​​ដី​រហូត​ដល់​រថភ្លើង​ក្រោម​ដី ប្រជាជន​ជប៉ុន​តែង​ជិះ​រថ​ភ្លើង​ដើម្បី​ទៅ​ធ្វើ​ការ​ ទៅ​រៀន -ល-។

ពេល​វេលា​នៅ​លើ​រថ​ភ្លើង​ជា​មធ្យម​សម្រាប់​មនុស្ស​ម្នាក់ៗគឺ ១ ម៉ោង ប៉ុន្តែ​មាន​អ្នក​ខ្លះ​​ត្រូវ​ធ្វើ​ដំ​ណើរ ២​ ម៉ោង​ផង​ដែរ។ ហេតុដូច្នេះ​ទាំង​ពេល​ទៅ និង​ត្រលប់​មក​វិញអ្នក​អាច​ឃើញ​ថា​ជនជាតិ​ជប៉ុនប្រើ​ពេលវេលា​លើ​រថ​ភ្លើង​ដើម្បី​ធ្វើ​អ្វី? ឧបមាថាមួយ​សប្តាហ៍​ធ្វើ​ការ ៥​​ ថ្ងៃ ថ្ងៃ​ណា​ក៏​ចំ​ណាយ​ពេល ២ ទៅ ៣​ ម៉ោង​អង្គុយ​លើ​រថ​ភ្លើង​ តើ​ជនជាតិ​ជប៉ុន​នឹង​ប្រើ​ពេល​វេលា​នេះ​ដើម្បី​ធ្វើ​អ្វី?

ភាគ​ច្រើន​គឺ​ដេក​ ប៉ុន្តែ​មាន​មនុស្ស​មួយ​ចំនួន​​ប្រើ​ពេលវេលា​ដើម្បី​ធ្វើ​រឿង​ជាច្រើន​ផ្សេងទៀត។

លេងហ្គេម

ជាមួយនឹង​បច្ចេក​វិទ្យាបច្ចុប្បន្ន​នេះ គ្រាន់​តែ​មាន​ Smart-phone មួយអ្នក​អាច​​លេង​ហ្គេម​គ្រប់​ប្រភេទ។ មាន​ហ្គេម​មួយ​ចំ​នួន​ប្រើតែ​ដៃ​ម្ខាងលេងទេ​ ដូច្នេះអ្នក​អាចលេង​ទោះ​បី​លើ​រថ​ភ្លើង​គ្មាន​កន្លែង​អង្គុយ។

បុគ្គលិក​ការិយា​ល័យនៅ​ជប៉ុនធ្វើ​ការ​ថែម​ម៉ោង​ច្រើន ពេល​ទៅ​ដល់​ផ្ទះយប់អាធ្រាតហើយ​ហាត់​នឿយ ហេតុនេះពួក​គេ​​ប្រើ​ពេលលើ​រថ​ភ្លើង​​ដើម្បី​លេង​ហ្គេម។

អាន​កាសែត

ចំពោះ​អ្នក​ជំនួញពិនិត្យ​មើល​ភាពស្ថានភាពសេដ្ឋកិច្ចពិភពលោកជាផ្នែកមួយនៃការងារ។ ដោយ​សារតែ​ជីវិត​រស់​នៅ​មាន​ភាព​មមាញឹក​ធ្វើ​អោយ​ពួកគេ​គ្មាន​ពេល​វេលា​អាន​កាសែត ដូចនេះ​ត្រូវ​អាន​នៅ​លើ​រថ​ភ្លើង។

​ក្រដាស​កាសែតធំអាច​ប៉ះ​ពាល់​ដល់​អ្នក​នៅ​ជំុវិញ ដូច្នេះ​សព្វ​ថ្ងៃ​មនុស្ស​ងាកទៅអានព័ត៌មានអេឡិចត្រូនិក។ ដូចគ្នាសៀវភៅ​​អេឡិចត្រូនិកក៏​មាន​អ្នក​ចូល​ចិត្តអាន​​ច្រើន​ជាង។

ផាត់​មុខ​

ទោះបី​នៅ​លើ​រថ​ភ្លើង​ធ្វើ​ដំ​ណើរ​ញ័រ មិន​នឹងនរនៅ​តែ​មាន​នារី​ជប៉ុន​ជាច្រើន​ផាត់​មុខ​យ៉ាង​ស្ទាត់​ជំនាញ។ យប់​មុន​ធ្វើ​ការ​ថែម​ម៉ោង​ ទៅ​ផ្ទះ​យឺត ព្រឹក​ភ្ញាក់​មិន​ទាន់ពេលទៅធ្វើ​ការនាំ​អោយ​មិន​អាចផាត់​មុខ​ទាន់​ពេល ហេតុ​នេះពួកគេ​ត្រូវ​ផាត់​មុខ​លើ​រថ​ភ្លើង។

​ផាត់​មុខ​លើ​រថភ្លើង​​កំ​ពុង​ត្រូវ​គេ​រិះ​គន់​​ច្រើន។ មាន​នារី​ជាច្រើន​ផ្សេង​ទៀត​មាន​អារម្មណ៍​ថា​នារី​ដែល​ផាត់​មុខ​លើ​រថ​ភ្លើង​មិនចេះ​គ្រប់​គ្រង​ពេល​វេលា។ មនុស្ស​មួយចំនួន​បែរជា​គិត​ថានារី​ផាត់​មុខ​លើ​រថ​ភ្លើង​មាន​ភាព​ក្លាហ៊ានព្រោះ​ហ៊ាន​បញ្ចេញ​​មុខ​មិន​ទាន់​ផាត់​មុខ​អោយ​គេ​ឃើញ​។

ហ្វឹក​ហាត់​ខួរ​ក្បាល

នេះ​ជា​អ្វី​ដែល​ខ្ញុំ​តែងតែ​ធ្វើ។ មនុស្ស​ម្នាក់ៗ​មាន​វិធី​ផ្សេងៗ​គ្នាដើម្បី​ហ្វឹក​ហាត់​ខួរ​ក្បាល។

ឧទាហរណ៍នៅ​លើ​រថ​ភ្លើង​មាន​ផ្ទាំង​ផ្សាយ​ពាណិជ្ជ​កម្ម​ច្រើនមែនទេ? ជាមួយនឹង​​ផ្ទាំង​ផ្សាយ​ពាណិជ្ជ​កម្មនេះ​​​ សូម​គិត​អំពី​ការ​ផ្សព្វផ្សាយ​ដែល​ទាក់​ទាញ​បំ​ផុត​ បន្ទាប់​មក​បង្ហាញ​ពី​មូល​ហេតុ​វាពិសេស និង​លេច​ធ្លោជាងគេ​។ ត្រូវ​មាន​ការរចនា​ទាក់​ទាញ​ភ្នែក ឬ​ឃ្លា​ប្រយោគ​ទាក់​ទាញដែរឬទេ? ការ​វិភាគ​បែប​នេះ​ពិតជាមាន​ប្រយោជន៍​ដូច្នេះខ្ញុំ​អនុវត្តជាប្រចាំ។

រៀន​គិត logic ចំពោះ​​បញ្ហាទាំងអស់​ទោះ​បីជារឿង​សាមញ្ញ អ្នក​នឹង​ឃើញ​ថាខួរ​ក្បាលប្រសើរ​ជាង​មុន។

ក្រៅពី​នេះ​នៅ​មាន​សកម្ម​ភាព​ជាច្រើន​ផ្សេង​ទៀតគួរ​អោយ​ចាប់​អារម្មណ៍លើ​រថ​ភ្លើង​ជប៉ុន។ អ្នក​អាច​សាក​ល្បងជិះ​រថ​ភ្លើងជប៉ុន​ប្រសិន​បើ​មាន​មឱកាស។

Kengo Abe

មើលបន្ថែម: