បង្គោលភ្លើងដូច​ជាព្រលឹង​ខ្មោច​​នៅតាម​ដង​ផ្លូវ​​ប្រទេសជប៉ុន

លើ​ដង​ផ្លូវ​មួយ​ស្ថិត​នៅ Shonan ជិត Enoshima តាម​ Route 134 អ្នកអាចមើលឃើញទិដ្ឋភាព​ដ៏​ចម្លែក​ ធ្វើ​អោយ​អ្នក​ដទៃគិត​ពី​ទិដ្ឋភាពខ្សែ​ភាព​យន្ត “Spirited Away” របស់​អ្នក​និពន្ធ Hayao Miyazaki។ ជាមួយនឹង​បង្គោល​ភ្លើង​រាប់រយដែលមាន​ការរចនា​ចម្លែក សម្លឹងមើលពីឆ្ងាយដូចជាព្រលឹងខ្មោចនៅ​តាម​ដង​ផ្លូវ​នៃ​ប្រទេសជប៉ុន។

ផ្លូវ​នេះ​ស្ថិត​នៅ​ជិត​ឧទ្យាន Shonan Kaigan ជិត​ឆ្នេរសមុទ្រ​។ ពីព្រោះឧទ្យាននេះជាកន្លែងទេសចរណ៍ដ៏ទាក់ទាញ ហេតុ​ដូច្នេះផ្លូវក្លាយជាកន្លែងចតរថយន្ត។ នេះជាហេតុផលដែលរដ្ឋាភិបាលសម្រេចចិត្តដាក់​ជាង ៣៥០ បង្គោល​ភ្លើងពិសេសនៅ​កន្លែង​នេះ​ជំនួស​អោយ​ផ្លាក​ហាម​ចតរថយន្ត។

គំនិត​ចម្លែក​នេះ​មិន​ត្រឹម​តែ​កាត់​បន្ថយស្ថាន​ភាពចត​ឡាន​ខុស​ច្បាប់ប៉ុណ្ណោះទេថែម​ទាំង​ធ្វើ​អោយ​មនុស្ស​ជាច្រើន​ និង​ភ្ញៀវទេសចរណ៍មាន​អារម្មណ៍​ថា​​ទាក់ទាញ។

“ចំនួន​ និង​រូប​រាង​បង្គោល​ភ្លើងពិតជា​គួរអោយ​ភ្ញាក់​ផ្អើល។ ឥឡូវផ្លូវនេះ​ក្លាយ​ទៅ​ជា​កន្លែង​សម្រាប់ទស្សនា​កំ​សាន្តបាត់ទៅ​ហើយ”។ ប្រជាជន​ម្នាក់​បាន​បញ្ចេញ​មតិ​ខាងលើ​នេះ។

នៅ​ពេល​យប់បង្គោល​ភ្លើង​មាន​ពន្លឺ ជាមួយនឹង​ពន្លឺ​ឡានដូចជាកែវ​ភ្នែកកំពុង​ធ្វើ​ចលនា ទិដ្ឋភាពដូចក្នុង​រឿង​ព្រេងអញ្ចឹង។

មើល​ទិដ្ឋភាពរួម​ដូចជា​ខ្មោចកំពុង​ដើរ​តាម​ផ្លូវ។ ប៉ុន្តែរូបភាព​នេះក៏​ធ្វើ​អោយ​មនុស្ស​មួយចំនួន​មាន​អារម្មណ៍​ថា​ចូលចិត្តផង​ដែរ។

ទាំងអស់​នេះសង្ឃឹ​ម​ថា​ភ្ញៀវទេសចរណ៍អាច​រក​ឃើញ​កន្លែង​ចត​ឡានសមរម្យដើម្បីទស្សនាតំបន់ដែលពិសេសអស្ចារ្យនេះ។

ប្រភព SANKEI

Sacchan

មើលបន្ថែម: