ទស្សនាវដ្ដីពិសេសជួយកាត់បន្ថយអត្រាប្រព្រឹត្តបទល្មើសនៅប្រទេសជប៉ុន

ថ្ងៃសុក្រ 10/05/2019 | 13:56 ល្ងាច

នៅប្រទេសជប៉ុនស្សនាវដ្ដីចម្លែកមួយត្រូវបានបោះពុម្ពផ្សាយ ក្នុងនោះមានប្រកាសព័ត៌មានជ្រើសរើសបុគ្គលិក។ ទស្សនាវដ្តីនេះមើលទៅធម្មតាប៉ុន្តែគោលដៅពិតជាមានអត្ថន័យពិសេស។

ទស្សនាវដ្តីនេះមានឈ្មោះថា Chance គោលបំណងផ្តោតទៅលើអ្នកអានជាអ្នកទោស។

នៅក្នុងព័ត៌មានជ្រើសរើសបុគ្គលិកទាំងអស់នឹងមានផ្នែក “អ្នកដែលកំពុងជាប់ទោសក៏អាចទទួលបានការងារ”។ នៅក្នុងករណីនេះប្រសិនបើមិនមែនជាអ្នកទោសប្រហារជីវិត និយោជកអាចនឹងរៀបចំការសម្ភាសនៅក្នុងគុក។

ជាមធ្យមមាន ២៤,០០០ នាក់ទោសត្រូវបានដោះលែងជារៀងរាល់ឆ្នាំប៉ុន្តែ ៥០% ក្នុងចំណោមនោះប្រព្រឹត្តបទល្មើសឡើងវិញហើយជាប់គុក។ ហេតុអ្វីក៏ដូច្នេះ?

បន្ទាប់ពីត្រូវបានដោះលែង អ្នកដែលមានកំណត់ត្រាបទល្មើសពិបាករកការងារធ្វើ គ្មាននរណាអាចពឹងផ្អែកបាន គ្មានលទ្ធភាពចំណាយទៅលើជីវភាពរស់នៅ និងជួលផ្ទះ។ នៅក្នុងគុកពួកគេមានការងារធ្វើហើយក៏មានប្រាក់ខែ ប៉ុន្តែចំនួនទឹកប្រាក់តិចតួចប៉ុណ្ណោះ។ ពេលចាយអស់លុយដែលសន្សំ អ្នកទោសទាំងនេះគ្មានវិធីបន្តការរស់នៅបានប្រព្រឹត្តបទល្មើសឡើងវិញហើយចូលគុក។

គោលបំណងនៃទស្សនាវដ្តីដើម្បីកាត់បន្ថយស្ថានភាពខាងលើដោយនាំមកនូវការងារដែលសាកសមសម្រាប់អ្នកទោស។

ភាសាដែលគេប្រើក្នុងទស្សនាវដ្តីបង្ហាញអំពីការគោរព រូបភាពបោះពុម្ពពណ៌ល្អបង្កើនភាពជឿជាក់។ ដោយសារអ្នកធ្លាប់ប្រព្រឹត្តបទល្មើសមិនអាចទទួលបានការអប់រំគ្រប់គ្រាន់ហេតុនេះ Kanji បានប្តូរទៅជា Hiragana ដើម្បីអោយងាយយល់។

អ្នកដែលបំផុសគំនិតហើយទទួលខុសត្រូវលើការផលិត និងបោះពុម្ពទស្សនាវដ្តីគឺ Miyake Akiko។

នៅខែមេសា ឆ្នាំ ២០១៥ នាងបានស្គាល់ក្មេងស្រីម្នាក់អាយុ ១៧ ឆ្នាំក្នុងមជ្ឈមណ្ឌលថែទាំកុមារ។ ប៉ុន្តែក្រោយមកក្មេងស្រីបានប្រព្រឹត្តបទល្មើសហើយត្រូវបញ្ជូនទៅវិទ្យាស្ថានវ័យជំទង់នៅ Fukuoka។ Miyake Akiko នៅតែបន្តសរសេរសំបុត្រអោយក្មេងស្រីនេះហើយបានសម្រេចចិត្តធ្វើជាអ្នកគ្រប់គ្រងរបស់ក្មេងស្រី។

Miyake មានបំណងតែមួយគត់ថាក្មេងដែលធំឡើងនឹងមិនរងទុក្ខបែបនេះ នាងចង់ធ្វើអ្វីម៉្យាងប៉ុន្តែជួបការលំបាកជាច្រើន។

នៅពេលទៅដល់ការិយាល័យគ្រប់គ្រងពន្ធនាគារក្នុងស្រុកដើម្បីពិភាក្សាអំពីការបោះពុម្ភផ្សាយទស្សនាវដ្តីសម្រាប់អ្នកទោស អាជ្ញាធរមានសមត្ថកិច្ចបានបដិសេដពីព្រោះមិនអាចរកប្រាក់ចំណេញពីការងារនេះបាន។

ទោះបីយ៉ាងណា Miyake មិនបោះបង់ នាងបានបោះពុម្ពទស្សនាវដ្ដីខ្លួនឯងហើយផ្ញើជូនអ្នកទោសម្នាក់ៗដោយផ្ទាល់ដៃ។

តួលេខសរុបមាន ២៣៩ ពន្ធនាគារនៅគ្រប់កន្លែង បច្ចុប្បន្នមានតែ ១០ កន្លែងអនុញ្ញាតចំពោះទស្សនាវដ្តីរបស់ Miyake។ ប៉ុន្តែជាមួយទឹកចិត្តមិនរុញរា បន្ទាប់ពីចេញផ្សាយបាន ៣ ដង នាងទទួលបានជាង ២០០ សំបុត្រពីអ្នកទោសគ្រប់កន្លែង។ ពួកគេបានលើកសំណួរមួយសង្ស័យប៉ុន្តែនៅតែមានសង្ឃឹម។

“តើអ្នកទោសអាចនឹងកសាងជីវិតឡើងវិញ?”

ប្រព្រឹត្តបទល្មើសជាកំហុសប៉ុន្តែអ្នកទោសចូលគុកដើម្បីកែប្រែ អាចបន្តជីវិតក្នុងផ្លូវល្អវិញ។ ហេតុអ្វីបានជាចាប់គេចូលគុកប៉ុន្តែមិនផ្តល់ឱកាសអោយផ្លាស់ប្តូរ?

បច្ចុប្បន្ននេះរដ្ឋាភិបាលជប៉ុនមិនទាន់បាននិយាយអ្វី ឬពង្រីកគំនិតរបស់ Miyake ទេ។ ប៉ុន្តែអំពើនេះគួរអោយលើកទឹកចិត្ត។ មិនត្រឹមតែផ្តល់អោយអ្នកទោសឳកាសលើកទីពីរហើយថែមទាំងជួយកាត់បន្ថយការប្រព្រឹត្តបទល្មើសរបស់អ្នកទាំងនេះទៀត។

សង្ឃឹមថាកម្មវិធីនេះអាចនឹងមាននៅប្រទេសយើងដែរ។

Kengo Abe