សេវាកម្មផ្តល់កន្លែងកំសាន្តសម្រាប់បុរសក្នុងថ្ងៃបុណ្យ Golden Week

ថ្ងៃសុក្រ 03/05/2019 | 16:05 ល្ងាច

ប្រទេសជប៉ុនទើបតែឈានចូលយុគសម័យថ្មី Reiwa។ ធ្វើឡើងក្នុងពេលជាមួយគ្នានឹងពិធីបុណ្យ Golden Week ដូច្នេះនៅឆ្នាំនេះប្រទេសជប៉ុនទាំងមូលអាចឈប់សម្រាករយៈពេល ១០ ថ្ងៃ។

ប៉ុន្តែតាំងពីសម័យបុរាណប្រជាជនជប៉ុនមិនសូវទម្លាប់ឈប់សម្រាករយៈពេលយូរទេ។ ដូច្នេះទោះបីជាបានឈប់សម្រាកក៏មិនដឹងថាត្រូវធ្វើអ្វីក្នុងរយៈពេលមិនធ្វើការដែរ។ ធ្វើដំណើរទៅកន្លែងណាក៏ឃើញមានមនុស្សនៅគ្រប់ទីកន្លែង ថ្លៃចំណាយផ្សេងៗច្រើន -ល- ដូច្នេះតើគួរធ្វើអ្វី? សំណួរនេះចេះតែមាននៅក្នុងគំនិតរបស់ប្រជាជនជប៉ុនរហូតដល់ថ្ងៃនៃសប្តាហ៍មាស។

បុរសផ្តោតសំខាន់តែរឿងការងារ គ្មានចំណង់ចំណូលចិត្តអ្វីពិសេស ពួកគេនឹងជ្រើសរើសការសម្រាកនៅផ្ទះ។

ចំណែកប្រពន្ធវិញមិនទម្លាប់ពេលប្តីនៅផ្ទះពេញមួយថ្ងៃទើបធ្វើអោយមានការឈ្លោះប្រកែកគ្នា។

យល់អំពីអារម្មណ៍នេះសេវាកម្មមួយត្រូវបានបង្កើតឡើង។

សេវាកម្មផ្តល់កន្លែងកំសាន្តសម្រាប់បុរស

សេវាកម្មនេះមានរយៈពេលតែ ១០ ថ្ងៃនៃសប្តាហ៍មាស ២០១៩ តែប៉ុណ្ណោះ។

សេវាកម្មនេះធ្វើឡើងនៅសាល Namba Midousuji មកកាន់ស្ថានីយ៍ Namba, Osaka។

សាលមានទំហំ 200 ម៉ែត្រការ៉ែ ជាមួយនឹងឧបករណ៍សាកថ្មគ្រប់គ្រាន់ មានកន្លែងធ្វើការងារ កន្លែងអានសៀវភៅ សេវាម៉ាស្សាជើង បន្ទប់ Golf បាល់សម្រាប់ហាត់លោត កន្លែងលក់ភេសជ្ជៈ និងស្រាបៀរ -ល-។

របស់គ្រប់យ៉ាងដែលបុរសត្រូវការដើម្បីលេងកំសាន្តហើយមិនត្រូវប្រពន្ធរំខានមាននៅក្នុងសាលនេះ។

តម្លៃត្រឹម ៥០០ យ៉េនក្នុងមួយម៉ោង។

តម្លៃពិតជាសមរម្យសម្រាប់ចំណាយពេលដែលអ្នកចង់រីករាយជាមួយថ្ងៃឈប់សម្រាករបស់ខ្លួនហើយមិនប៉ះពាល់ដល់អ្នកនៅក្នុងផ្ទះ។

ស្តាប់ទៅគួរអោយអាណិតបុរសប៉ុន្តែនេះក៏ជាវិធីរក្សាសុភមង្គលនៅក្នុងគ្រួសាររបស់ជនជាតិជប៉ុនផងដែរ។

Kengo Abe