មូល​ហេតុអ្វី​ធ្វើអោយ​ប្រជាជនជប៉ុនកោរ​សក់?

ស្ត្រី​ជនជាតិ​ជប៉ុន​ម្នាក់​កោរ​សក់​ព្រោះ​តែ​ទៅ​យឺត Idol, ជប៉ុន​កោរ​សក់​ព្រោះ​ស្នេហា,​ កី​ឡា​ករល្បី​ឈ្មោះកោរ​សក់​ព្រោះមិន​អាច​ឈ្នះក្នុង​ការ​ប្រកួត​ជើងឯក -ល-។

រូបភាព Iromegane

នៅ​ប្រទេស​ជប៉ុន​គេ​កោរ​សក់​មិន​មែន​ដោយ​សារ​តែ​ចង់លះ​បង់​រឿង​លោកីយ លាចាក​ជីវិត​កាល​ពី​មុន​ រក្សា​ចិត្ត​ស្ងប់​ស្ងាត់ ឬបួស​ទេ។

នៅ​ក្នុង​ប្រទេស​ជប៉ុន​កោរសក់មានអត្ថន័យដូចជា​ការដាក់ទណ្ឌកម្ម ឬសុំ​ទោស។

ជនជាតិ​ជប៉ុន​ទម្លាប់​ជា​មួយនឹង​រឿង​នេះតាំងពី​តូច ជាពិសេស​នៅ​ក្នុង​ក្លឹប​កី​ឡា​។ ទោះបីជាកំហុសរបស់បុគ្គលមួយបណ្តាលអោយ​ក្រុមបរាជ័យ មិន​មែន​មនុស្ស​ម្នាក់​កោរ​សក់​ប៉ុន្តែ​សមាជិក​ទាំងអស់ត្រូវ​កោរ​សក់​ក្នុងពេលដំណាលគ្នាដើម្បី​បង្ហាញ​ថា​ក្រុម​រួម​ចិត្ត​តែ​មួយ​។

រូបភាព Iromegane

នៅ​ឆ្នាំ ២០១៣ ព្រោះ​តែ Scandal រឿងស្នេហាសមាជិក​ Mineghishi Minami របស់ AKB48 បាន​កោរ​សក់​ដើម្បី​សម្តែង​អារម្មណ៍​ដឹង​ខុស​ចំពោះ Fan។

Kawauchi – កី​ឡាករ Marathon ជប៉ុនបន្ទាប់ពីបាត់តំណែងជើងឯក Tokyo Marathon បាន​កោរ​សក់​ចំពោះ​​អ្នក​ដែល​បាន​រំ​ពឹង​ទុកទៅ​លើ​គាត់ (ទោះបី​គាត់​បញ្ឈប់​នៅលេខទី ១៤ នេះមិនមែនជាលទ្ធផលអាក្រក់ទេ)។

រូបភាព Rainydayrunner

អតីតនាយករដ្ឋមន្ត្រីជប៉ុន Yoshio Mori – ជាម្ចាស់ផ្ទះសម្រាប់កីឡាអូឡាំពិក Tokyo ២០២០​ ធ្លាប់​កោរ​សក់​ពេល​បង្ហាញ​ខ្លួន​នៅ​មុខ​សាធារណៈជន។ នោះជារបៀបដែលគាត់ទទួលខុសត្រូវចំពោះការរិះគន់លើការរៀបចំមិនល្អរបស់ក្រុមប្រឹក្សា Tokyo Olympic។ លោក​​មាន​ប្រសាសន៍ “ដោយសារតែមនុស្សគ្រប់គ្នាបានប្រាប់ខ្ញុំអោយ​ទទួលខុសត្រូវ” តើ​នេះ​ជា​ការ​ទទួល​ខុស​ត្រូវ​ដោយ​ចិត្ត​ស្មោះដែរឬទេ?

រូបភាព Sansei

ទាំងនោះជាឧទាហរណ៍ជាក់ស្តែងបំផុត។ ប៉ុន្តែហេតុអ្វីបានជាកោរសក់នៅប្រទេសជប៉ុនបែរជា​មាន​អត្ថន័យ​ដូច្នេះ?

នៅក្នុងប្រទេសឥណ្ឌាប្រភព​ដើម​នៃព្រះ​ពុទ្ធសាសនាគេជឿ​ថាកោរ​សក់​គឺជា​ទង្វើ​ដំបូង​ដែលចូលក្នុងពិភពសេរីហើយ​វា​ក៏​ជា​ការ​លត់​ដំខ្លួន​ផង​ដែរ។ កោរ​សក់​ធ្លាប់​ជាភាពអាម៉ាស់ និង​ការ​ប្រមាថសម្រាប់​អ្នក​ដែល​ព្រឹត្ត​ខុស​នៅ​ប្រទេស​ឥណ្ឌាសម័យ​បុរាណ។ ទំនៀមទម្លាប់នេះបានហូរចូល​ប្រទេស​ចិន និង​ជប៉ុនហើយ​​រក្សាអត្ថន័យការដាក់ទណ្ឌកម្ម។

រូបភាព 24h

កោរ​សក់​ជាផ្នែក​មួយ​នៃ ភាសាជប៉ុន (Misogi) – ពិធីបុណ្យសម្អាត​នេះគឺជាឱកាសសម្រាប់អ្នក​ប្រព្រឹត្ត​ខុស​ទទួលស្គាល់កំហុស ដាក់ទោសខ្លួនឯងដើម្បីបង្ហាញស្មារតីទទួលខុសត្រូវ។ ទន្ទឹម​នឹង​នេះ​ Misogi ក៏​មាន​​លាង​សម្អាត​ខ្លួន​ប្រាណនៅក្នុង​​សមុទ្រ ឬទន្លេដែរ។

តាមទស្សនៈព្រះពុទ្ធសាសនាសក់ គឺជានិមិត្តរូបនៃគំនិតអាក្រក់របស់​ពិភពលោកគឺជាអ្វីដែលរារាំងព្រះសង្ឃត្រាស់ដឹង (នៅ​ក្នុង​ភាសាជប៉ុន​គេ​ហៅ​ថា – Satori)។ នោះជាមូលហេតុ​បួស​ធ្វើ​ជា​ព្រះ​សង្ឃគេ​ត្រូវ​កោរ​សក់។ ទោះយ៉ាងណាពិធីកោរ​សក់​នេះត្រូវបានអនុវត្ត ឬអត់អាស្រ័យលើសាសនា​នីមួយៗ

រូបភាព st-andrews-ac.uk

ប៉ុន្តែនៅក្នុងបណ្តាប្រទេសអឺរ៉ុប កោរ​សក់​ក្បាល​មាន​ន័យថាម៉ូត​។ មាន​នារី​មួយ​ចំនួន​យល់​ថាខ្លួន​នឹង​កាន់​តែ​ស្អាតពេល​ដែល​កោរ​សក់ក្បាលជាជាង​ទុក​អោយ​សក់​វែងអន្លាយ។ គ្មាន​អ្វី​ចម្លែក​ព្រោះព្រះ​ពុទ្ធ​សាសនា​មិន​រីក​ចម្រើន​នៅបណ្តា​​ប្រទេស​អឺរ៉ុប។

រូបភាព Pinterest

កោរ​សក់​ឬទេតាមការពិតវាគ្រាន់តែជាទម្រង់មួយ​។ អ្នក​ផ្សេង​អាច​​ឃើញពី​​អារម្មណ៍​ដឹង​កំ​ហុស​របស់​អ្នក​ ប៉ុន្តែបន្ទាប់​មក​ទង្វើ​របស់​អ្នក​ទើប​ជា​អ្វី​ដែល​គេ​រំ​ពឹង​ទុក។ ដូច្នេះនៅពេលអ្នកធ្វើខុសអ្នកគួរតែទទួលខុសត្រូវ និង​ប្តេជ្ញាចិត្តមិន​ធ្វើ​ខុស​ម្តង​ទៀត។

ព្រោះ​សក់​មិន​ងាយ​ដុះ​ទេ​ លើក​ក្រោយ​អ្នក​គ្មាន​សក់​ដើម្បី​កោរ​ទេ។

Sachiko