ទំព័រដើម
ជីវិត
ហេតុអ្វីបានជាស្ត្រីជប៉ុនក៏យល់ស្របថាស្រ្តីគួរតែឈប់ពីការងារនៅផ្ទះបន្ទាប់ពីរៀបអាពាហ៍ពិពាហ៍

ហេតុអ្វីបានជាស្ត្រីជប៉ុនក៏យល់ស្របថាស្រ្តីគួរតែឈប់ពីការងារនៅផ្ទះបន្ទាប់ពីរៀបអាពាហ៍ពិពាហ៍

ថ្ងៃចន្ទ 29/04/2019 | 10:42 ព្រឹក

ស្រ្តីនៅប្រទេសមួយចំនួនក្រោយពេលមានប្តី ស្រ្តីត្រូវថែទាំកូន រៀបចំផ្ទះសំបែង និងបន្តធ្វើការងារនៅការិយាល័យ។ ភាគច្រើនស្ត្រីជប៉ុនបន្ទាប់ពីរៀបការនឹងបោះបង់ការងារ ផ្តោតសំខាន់ទៅលើរឿងគ្រួសារ និងការថែទាំកូនប៉ុណ្ណោះ។

មនុស្សជាច្រើនមើលលើស្ថានភាពនេះគិតថាគឺជាការបង្ខិតបង្ខំមិនអោយស្រ្តីមានសិទ្ធិសម្រេចចិត្តដោយខ្លួនឯងនៅក្នុងសង្គម។ គំនិតជាច្រើនដែលផ្អែកលើការវាយតម្លៃនេះបានបង្ហាញថាសង្គមជប៉ុនអោយតម្លៃបុរសមើលងាយស្ត្រី។

រូបភាព 東洋経済オンライン

ទាំងនេះមិនមែនមិនត្រឹមត្រូវប៉ុន្តែមិនត្រូវទាំងស្រុងឡើយ។ ចង់ស្វែងយល់អំពីវប្បធម៌មួយគួរតែដាក់ខ្លួនឯងនៅក្នុងទស្សនៈរបស់អ្នកនៅក្នុងស្ថានភាពនោះដើម្បីវាយតម្លៃ។

ពីព្រោះលាឈប់ពីការងារក្រោយពីរៀបការមិនមែនជាការសម្រេចរបស់ប្តីទាំងស្រុងទេដោយសារស្ត្រីជប៉ុនជាច្រើនក៏យល់ស្រប។

បរិយាកាសការងារនៅជប៉ុនគឺមានភាពតានតឹងណាស់ ធ្វើការងារថែមម៉ោងគឺជារឿងធម្មតាទោះបីជាបុគ្គលិកស្រីឬបុគ្គលិកប្រុសក៏ដោយ។ ពេលធ្វើការអ្នកគួរផ្តោតអារម្មណ៍លើការងារនោះគឺជាការវាយតម្លៃសម្រាប់ការដំឡើងប្រាក់ខែរបស់ជនជាតិជប៉ុន។ ពេលមានគ្រួសារ ជាពិសេសពេលមានកូន ប្រសិនបើស្រ្តីត្រូវមើលថែទាំគ្រួួសារ និងធ្វើការផងឳកាសរីកចម្រើនក្នុងការងារនឹងថយចុះចំណែករឿងគ្រួសារក៏មិនល្អដែរ។ មនុស្សជាច្រើនមានសំណួរហេតុអ្វីប្តីប្រពន្ធមិនចែករំលេកការងារផ្ទះដើម្បីអោយអ្នកទាំងពីរអាចធ្វើការនៅក្នុងការិយាល័យ? ករណីនេះក៏មានប៉ុន្តែទោះបីជាចែករំលេកការងារផ្ទះ ប្តីប្រពន្ធសុទ្ធតែទៅធ្វើការ ពួកគេនឹងមិនមានពេលវេលាសម្រាប់កូន ហើយបង្ខំត្រូវជួលអ្នកមើលក្មេង។ គូរស្វាមីភរិយាមួយចំនួនបានអោយដឹងថាប្រសិនធ្វើដូច្នេះមិនអាចសន្សំសំចៃលុយ និងការពារសុភមង្គលគ្រួសារល្អទេ។

រូបភាព ダイヤモンド・オンライン

ចំណែកផ្នែកច្បាប់ពេលស្រ្តីម្នាក់បានរៀបការ បន្ទាប់មកនឹងក្លាយជាស្ត្រីពឹងផ្អែក និងទទួលបានធានារ៉ាប់រងពីរដ្ឋាភិបាល។ ដូច្នេះបន្ទាប់ពីរៀបការស្ត្រីជាច្រើនទោះបីមិនមានកូនក៏មិនបន្តធ្វើការដែរ។

ស្ត្រីជប៉ុននិយាយប្រាប់គ្នាទៅវិញទៅមកថារកបុរសមានប្រាក់ម្នាក់ហើយឈប់ពីការងារ និងសម្រាកដើម្បីរីករាយជាមួយជីវិត។

មានស្រ្តីជាច្រើនបន្ទាប់ពីលាឈប់ពីការងារនៅតែអាចទទួលបានការងារធ្វើបន្ថែមនៅផ្ទះ ប្រសិនពួកគេមានពេលវេលាហើយចូលចិត្ត។ ដូច្នេះមិនអាចនិយាយថាស្ត្រីបោះបង់ការងារនៅផ្ទះគឺជាការរើសអើងឬមិនអោយតម្លៃស្រ្តីទេ។

រូបភាព マダムリリー

ទោះយ៉ាងណាការរើសអើមរវាងបុរស និងស្រ្តីមិនមែនមិនកើតឡើងនៅក្នុងសង្គមជប៉ុនទេ គ្រាន់តែមិនអាចវិនិច្ឆ័យដោយផ្អែកទៅការរឿងស្រ្តីលាឈប់ពីការងារដើម្បីមើលថែគ្រួសារក្រោយពេលរៀបការ។ មានស្រ្តីមួយចំនួនទោះបីមិនទៅធ្វើការប៉ុន្តែនៅតែជាអ្នកកាន់ហិរញ្ញវត្ថុក្នុងផ្ទះ និងមានអំណាចក្នុងគ្រួសារ។

ការរើសអើមស្ថិតលើបុរសមួយចំនួនមើលស្រាលស្រ្តី និងប្រើអំពើហិង្សាលើប្រពន្ធ ប្រជាជនជប៉ុនមួយចំនួនបានបង្ហាញអំពីគំនិតអវិជ្ជមានចំពោះសកម្មភាពរបស់ស្ត្រីក្នុងការងារដែលគេគិតថាសម្រាប់តែបុរស (ឧទាហរណ៍សកម្មភាពនយោបាយ) អត្ថប្រយោជន៍មួយចំនួនសម្រាប់តែបុរសតែប៉ុណ្ណោះគឺមិនមែនសម្រាប់ស្ត្រី។

Sacchan