ឈ្មោះ​បទ​ល្មើសទាំង​ ១០ ​ដែល​កម្រ​ឃើញ​នៅ​ក្នុង​ច្បាប់​របស់ជប៉ុន

ថ្ងៃទី ១៣/៦/២០១៨ កម្មវិធី 水曜日のダウンタウン បាន​ប្រកាស​តារាង​បទល្មើសចំនួន ១០ ដែលកម្រ​​នៅ​ប្រទេសជប៉ុន (レア犯罪ランキング)។ តារាង​បទ​ល្មើស​ត្រូវ​បាន​រៀប​តាម​លំ​ដាប់អាស្រ័យលើចំនួននៃការបំពាន។ ក្នុង​នោះ​មាន​ ៣ ករណីមិន​ធ្លាប់​មាន​ការ​ផ្តន្ទាទោសពី​មុន​មក​ទេ។

ភ្លាម​ៗ​នោះបន្ទាប់​ពីបទ​ល្មើស​ចំនួន​ ១០​ ត្រូវ​បា​ន​ប្រកាស អ្នក​ប្រើ​បណ្តាញ​អនឡាញ​ភ្ញាក់​ផ្អើលដោយ​សារតែ​ភាព​សាមញ្ញនៃ​បទល្មើស ងាយ​ជាប់​ទោស​ ឬ​ត្រូវ​អូស​ទាញ​ប្រសិន​បើ​មិន​ចាប់​អារម្មណ៍។

តើ​អ្នក​ដឹង​អំពី​បទ​ល្មើស​ចំនួន​ ១​០ ទោះបី​កម្រប៉ុន្តែ​អាច​នឹង​ត្រូវ​ដាក់ទោសដែរឬទេ?​ សូម​មើល​ទាំង​អស់​គ្នា។

No.10 : បទ​ល្មើស​វាយ​តប់​គ្នា​មាន​បក្ស​ពួក​ (決闘罪) ១៣ ករណី

ជាបទ​ល្មើស​ដែល​ត្រូវ​បាន​បង្កើត​ឡើង​តាំងពី​សម័យ​ Meiji។ ពេល​ក្រុម​ Yankee ប្រយុ​ទ្ធ​​ ប្រឆាំង ហើយ​សង​សឹក​គ្នា​ទៅ​វិញ​ទៅមក។

No.9 : បទ​ល្មើស​ប្រមាថព្រះ បំ​ផ្លាញ​កន្លែង​សាសនា​ (礼拝所不敬罪) ៧ ករណី

បំ​ផ្លាញ​ប្រសាទ វត្ត ទី​បញ្ចុះ​សព ជាមួយ​នឹង​កន្លែង​សក្តិសិទ្ធិផ្សេង​ទៀត។ អ្នក​អាច​​ជាប់​គុក​រយៈពេល​យូរ។

No.8 : បទ​ល្មើសរារាំងពិធីសាសនា (説教等妨害罪) ៤ ករណី

ដូចជា​នៅក្នុង​ពិធី​បុណ្យគោរពបូជា ថ្វាយ​បង្គំ ឬបុណ្យ​សព កុំ​បង្ក​ការ​រំ​ខាន។

​No.7 : បទ​ល្មើស​ល្បួង ចាប់​ជំរិត​ក្នុង​គោល​បំណង​រៀប​ការ​ (結婚目的略取・誘拐罪) ២ ករណី

ព្រោះ​​ចង់​បាន​ប្រពន្ធ/ប្តីទើប​ប្រើ​ល្បិច​ដូចជាចាប់​ជំរិត ល្បួង គំរាមកំ​ហែង -ល- បង្ក​គ្រោះ​ថ្នាក់​ដល់​ភាគី អ្នក​អាចនឹង​ជាប់​​ទោស។

No.6 : បទល្មើស​បំ​ផ្លាញ​បំ​ពង់​បង្ហូរ​ទឹក​ (水道損壊罪) ២ ករណី

សកម្មភាព​ដូចជា​មាន​ចេតនា​បំ​ផ្លាញ​បំ​ពង់​បង្ហូរ​ទឹក អ្ន​កត្រូវ​ជាប់​ទោស។

No.5 : បទល្មើសត្រៀម​ និងផ្តើមសង្គ្រាម (私戦予備陰謀罪) ១ ករណី

ធ្លាប់​មាន​និស្សិត​ម្នាក់នៃសាកលវិទ្យា​ល័យ​ Hokkaido សរសេរលិខិតឃោសនាដល់សិស្សក្នុងសាលាប្រឆាំង​នឹង​ប្រទេសជប៉ុន។ រហូត​ដល់​បិទសេចក្តីជូនដំណឹងលើ​ភោជនីយដ្ឋាន​មួយ​កន្លែង​ជួបជុំ​សមាជិក។ ប៉ុន្តែ​ភោជនីយ​ដ្ឋាន​នេះបាន​សរសេរថា “ពួក​យើង​មិន​ពាក់​ព័ន្ធ” ទោះបីនិស្សិត​ម្នាក់​នោះសរសេរ​ច្បាស់​ថា​មាន​ទំនាក់​ទំនងជាមួយ​បុគ្គលិកភោជនីយ​ដ្ឋាន​ក៏​ដោយ។

លិខិតអំពាវនាវជ្រើសរើសមនុស្សត្រៀម​ដើម្បីសង្គ្រាម

当店とは関係ありません

(ហាង​របស់​យើង​ខ្ញុំ​គ្មាន​ពាក់​ព័ន្ធ​)

No.4 : បទ​ល្មើស​ប្រមាថអត្ត​សញ្ញា ឬទង់​ជាតិ​ប្រទេស​ផ្សេង (外国国章損壊罪) ១ ករណី

ទោះបី​ជា​ខឹង ឬស្អប់​ប្រទេស​ផ្សេងក៏​មិន​ត្រូវ​ដុតទង់​ជាតិរបស់​ប្រទេសផ្សេងដែរ។

No.3 : បទ​ល្មើស​ចូល​រួម​ និង​ធ្វើ​ជា​ចារកម្មអោយ​ប្រទេស​ផ្សេង (外患誘致罪) ០ ករណី

ទោស​ធ្វើ​ជា​ចារកម្ម​ទោះបី​មិន​ធ្លាប់​មាន​ពី​មុន​មក​ប៉ុន្តែជា​ទោស​ធ្ងន់។

No.2 : ទោសបំផ្លិចបំផ្លាញរនាំងការពារទឹកជំនន់ (水防妨害罪) ០ ករណី

គ្រាន់​តែ​បំ​ផ្លាញ​ប៉ាវ​ខ្សាច់ទប់​ទឹក​ជំនន់អាច​ធ្វើ​អោយ​មនុស្ស​ជាច្រើន​បាត់​បង់​ជីវិត​ បំ​ផ្លាញ់​ដំ​ណាំ និង​ផ្ទះ​សំ​បែង។ មិន​អាច​មើល​ស្រាល​ទោស​នេះ​ទេ។

No.1 : ទោស​បង្ក​ទឹក​ជំនន់ និង​លេច​លង់​ក្នុង​ទំហំ​ធំ  (出水危険罪) ០ ករណី

ដូចជា​បទ​ល្មើស​ខាង​លើប៉ុន្តែ​ធ្ងន់​ជាង​។ នោះ​គឺបំផ្លាញបំពង់បង្ហូរទឹក ឬទំនប់វារីអគ្គិសនី។

រូបភាព tr.twipple.jp

អាច​ឃើញ​ថាជនជាតិ​ជប៉ុន​អោយ​តម្លៃ​ប្រភព​ទឹកណាស់​​។ ក្នុង​ចំ​ណោម​បទ​ល្មើសចំនួន ១០ មាន​ ៣ បទ​ល្មើសទាក់​ទង​នឹង​ទឹក​។ ទោះ​បីទឹក​ម៉ាសីុន​នៅ​ប្រទេស​ជប៉ុន​សុទ្ធ​តែ​អាច​ផឹក​បានប៉ុន្តែ​វា​មិន​មាន​ន័យ​ថាជនជាតិ​ជប៉ុន​មិន​អោយ​តម្លៃធន​ធាន​មាន​កំ​ណត់​ទេ។

អ្នក​ដែល​កំ​ពុង និង​ត្រៀម​ទៅ​ប្រទេសជប៉ុន​សូម​មើល​បទ​ល្មើសកម្រប៉ុន្តែងាយ​នឹង​ជាប់​ទោស​នេះ។

Chee

មើលបន្ថែម: