រថភ្លើង​ល្បឿន​លឿន Shinkansen ជាក្តី​សង្ឃឹម​របស់​ប្រជាជន​ជប៉ុន​ក្រោយ​សង្គ្រាម​លោក​លើកទី ២

តើ​អ្នក​ធ្លាប់​ឃើញ​រថភ្លើង​ល្បឿន​លឿន​? ឬគេហៅ​ថា Shinkansen ដែរឬទេ?

រូបភាព https://toyokeizai.net/articles/-/245764

Shinkansen ដំណើរ​ការ​នៅ​ឆ្នាំ ១៩៦៤ រហូតមកដល់ពេលនេះវានៅតែត្រូវបានគេចាត់ទុកថាជាប្រព័ន្ធដឹកជញ្ជូន​សាធារណៈដ៏ល្អបំផុតលើពិភព​លោក​ និង​ជាមោទនភាពរបស់​ប្រទេសជប៉ុន។

ប៉ុន្តែ​តើ​អ្នក​ដឹង​ទេថាការ​ផលិត Shinkansen កើតចេញពីព្រឹត្តិការណ៍សំខាន់ពីរ។

ព្រឹត្តិការណ៍សង្គ្រាម ​និងការកាន់កាប់ពីប្រទេស​ដទៃ។

តាម​រយៈព្រឹត្តិ​ការណ៍​ទាំងពីរ​ខាង​លើ Shinkansen ត្រូវ​បាន​ផលិត​ជាមួយនឹង​​អត្ត​ន័យ​ថា “សង្គ្រាម​បាន​បញ្ចប់”។

រូបភាព Wikipedia

ទទឹង​ផ្លូវ​រថភ្លើង​

នៅ​លើ​ពិភព​លោក​មាន​ផ្លូវ​ដែក ២ ប្រភេទ។ ប្រភេទទី​ ១ គឺ Standard gauge (ផ្លូវ​ដែក​ធំ) ទទឹង ១៤៣៥ mm និង Narrow gauge (ផ្លូវ​ដែក​តូច) ទទឹង ១០៦៧ mm។

ប្រទេសអង់គ្លេសជាប្រទេស​បង្កើត​ផ្លូវ​ដែកដំបូង​​បច្ចុប្បន្ន​កំ​ពុង​ប្រើប្រភេទផ្លូវ​ដែក​ Standard gauge។ ហេតុ​ផល​មក​ពី​អ្វី?

ទី​មួយ​ត្រូវ​និយាយ​អំពី​ការ​ចំណាយ​លើ​ការ​ផលិត​ Standard gauge អស់​ថវិកា​ច្រើន​ចំណែកប្រភេទ​​ Narrow gauge បែរជាមិន​អាច​ធ្វើ​ដំ​ណើរ​បាន​លឿន និងដឹក​​របស់​ធ្ងន់​បានទេ។

ប្រភេទផ្លូវ​រថភ្លើងដែល​ពេញ​និយម​របស់​ជប៉ុនជា Narrow gauge។

មូល​ហេតុ​មក​ពី​ភូ​មិ​សាស្រ្ត​ប្រទេសជប៉ុនមាន​ភ្នំ​ច្រើន។ មើល​ទៅ​ផ្លូវ​រថភ្លើង​តូច​ហើយ​​មិន​អាចជួស​ជុលឡើង​វិញដើម្បី​សាក​សម​នឹង​ល្បឿន។ ហេតុ​នេះ​ហើយប្រទេសជប៉ុន​បាន​ផ្លាស់​ប្តូរ​ផ្លូវ​ដែក​មួយចំ​នួនទៅ​ជា​ផ្លូវ​ដែក​ធំដើម្បី​ឆ្លើយ​តប​ទៅនឹង​ល្បឿនរបស់ Shinkansen។

រូបភាព https://chuplus.jp/blog/

“ផ្លូវ​រថភ្លើង​ល្បឿន​លឿន​​នេះធ្វើ​ដំណើរ​ទន្ទឹម​នឹង​ប្រព័ន្ធផ្លូវ​ដែក​ចាស់ប៉ុន្តែ​នៅ​ដោយ​ឡែក​មិន​ប៉ះ​គ្នានៅ​កន្លែងណាទេ។ នេះជា​ចំនុច​ពិសេសរបស់ Shinkansen ខុសគ្នាជាមួយ​ប្រព័ន្ធផ្លូវដែកល្បឿនលឿនរបស់​បារាំង​ (TGV) និង​ប្រទេសអាល្លឺម៉ង់ (ICE)។ ផ្អែកលើគោលការណ៍នេះ Shinkansen មិនត្រូវរំខានដោយផ្លូវដែកផ្សេងទៀត កាត់បន្ថយហានិភ័យនៃគ្រោះថ្នាក់។ លើសពី​នេះ​ដោយ​សារ​តែ​មាន​ផ្លូវ​ដែក​​ដាច់​ដោយ​ឡែក​ Shinkansen មាន​ល្បឿន​លឿន​ និង​មាន​ទម្ងន់​ស្រាលប៉ុន្តែ​ផ្ទុយ​ទៅ​វិញងាយ​នឹង​រង​ការ​ខូច​ខាតប្រសិន​បើ​ប៉ះ​ទង្គិច​ (crashworthiness)”។ ប្រភព Wikipedia

រូបភាព​ខាង​លើ​គឺ​ជា​ខ្សែ​រថភ្លើ​ង Akita Shinkansen ជាខ្សែ​រថភ្លើង​ល្បឿន​លឿន Mini-shinkansen ប្រើ​បច្ចេក​វិទ្យា​ដើម្បី​ធ្វើផ្លូវ​ដែក​ចាស់ទៅផ្លូវដែកឯកទេស។ ហេតុ​នេះ​មាន​ផ្លូវដែក​​រហូត​ដល់ទៅ​ ៣ មិន​មែន​ដូចពី​មុន​ទេ។

អ្នក​បង្កើត Shinkansen

អ្នក​បង្កើត​រថភ្លើង​ល្បឿន​លឿន​ Shinkansen ឈ្មោះ​ថា Matsudaira Tadashi ហើយ​ក៏​ជា​អ្នក​ផលិត​យន្ត​ហោះ​កំ​ឡុង​សង្គ្រាមលោក​លើក​ទី​ ២ ដែរ។

រូបភាព https://gendai.ismedia.jp/articles/-/56783

ដោយ​សារ​តែរំញ័រ​ខ្លាំងធ្វើ​អោយ​មាន​គ្រោះ​ថ្នាក់​លើ​អាកាស​​ច្រើន។ ហេតុ​នេះ ​Matsudaira ស្រាវជ្រាវ និង​ពិសោធដើម្បីស្វែងរកដំណោះស្រាយសម្រាប់​ផលិត​យន្ត​ហោះ​ចម្បាំង Reisen (Japanese Zero)។ ដូច្នេះ​ហើយ​ធ្វើ​អោយ​មាន​ការ​ព្រួយ​បារម្ភយ៉ាង​ច្រើន​ទៅ​លើ​បណ្តា​ប្រទេសចូល​រួម​សង្គ្រាម​​ផ្សេង​ទៀត​។

ប៉ុន្តែ​ប្រទេស​ជប៉ុន​បាន​ចាញ់​សង្គ្រាម ​Matsudaira ធ្លាក់​ក្នុង​ស្ថាន​ភាព​ពិបាក។ យោងតាមការណែនាំរបស់កងកម្លាំងសម្ព័ន្ធមិត្ត ប្រទេស​ជប៉ុន​ត្រូវ​ហាម​ឃាត់រាល់​សកម្មភាព​ទាក់​ទង​ផ្លូវ​អាកាស។ អ្នកវិទ្យាសាស្ត្របច្ចេក​ទេស​ល្បី​ឈ្មោះ​នៅប្រទេស​ជប៉ុន​បាន​បាត​់​បង់​ការ​ងារ​ធ្វើ​។

ពេល​វេលា​បានមក​ដល់ពួកគេ​ប្រមូល​ផ្តុំ​គ្នា ប្រើប្រាជ្ញារបស់អ្នក​ទាំង​អស់ផលិត​ Shinkansen ដែល​ជា​មោទនៈភាព​នៃប្រទេសជប៉ុន។

បរាជ័យនៅ​​ក្នុង​សង្គ្រាម​ ត្រូវ​កាន់​កាប់ និង​ស្ថិត​ក្នុង​ស្ថា​ន​ភាព​ពិបាក ជនជាតិ​ជប៉ុន​បែរជា​អាច​ធ្វើ​អោយ​ពិភព​លោក​ទាំង​​មូលមើល​​ឃើញ​ស្នាដៃរបស់​ពួកគេ។ ប្រហែល​ជា​ដូច្នេះបាន​ជាគេ​ដាក់​ឈ្មោះ​រថភ្លើង​ល្បឿន​លឿន​ថា SHINKANSEN។

Kengo Abe

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: