ទំព័រដើម
ជីវិត
ក្រុមហ៊ុនអគ្គិសនី TEPCO បោកបញ្ឆោតពលករបរទេសធ្វើការក្នុងបរិយាកាសរងវិទ្យុសកម្ម

ក្រុមហ៊ុនអគ្គិសនី TEPCO បោកបញ្ឆោតពលករបរទេសធ្វើការក្នុងបរិយាកាសរងវិទ្យុសកម្ម

ថ្ងៃពុធ 24/04/2019 | 15:37 ល្ងាច

នៅឆ្នាំ ២០១១ ករណីលេចធ្លាយរោងចក្រថាមពលនុយក្លេអ៊ែរនៅ Fukushima ធ្វើអោយរន្ធត់ទូទាំងប្រទេសជប៉ុន និងនៅលើពិភពលោក។ បច្ចុប្បន្ននេះការដោះស្រាយបញ្ហានេះមិនទាន់រួចរាល់ និងមិនទាន់មានវិធានការចាត់ចែងនៅឡើយទេ។

រូបភាព http://news.livedoor.com/article/image_detail/16348769/?img_id=20810115

ទោះបីជាមានសារធាតុពុល និងគ្រោះថ្នាក់យ៉ាងណា នៅតែមានការងារជាច្រើនត្រូវធ្វើហើយទទួលរងវិទ្យុសកម្ម។ TEPCO (ក្រុមហ៊ុនអគ្គិសនី Tokyo) បានសម្រេចប្រើសិក្ខាកាមបរទេសដើម្បីធ្វើការងារគ្រោះថ្នាក់ដូចនេះ។ ទោះបីជាដឹងអំពីហានិភ័យ TEPCO នៅតែបញ្ជាក់ពីបរិយាកាសការងារមានសុវត្ថិភាព និងជ្រើសរើសមនុស្សដោយស្របច្បាប់។

តាមច្បាប់របស់ជប៉ុនបរិយាកាសឈាន ១០០ mSv (ឯកតារង្វាស់ស្រូបវិទ្យុសកម្មអ៊ីយ៉ូដ) ក្នុងរយៈពេល ៥ ឆ្នាំ ឬពី ៥០ mSv រាល់ឆ្នាំឡើងទៅគឺបរិយាកាសគ្រោះថ្នាក់។ ជាមួយនឹងបរិយាកាសធ្វើការងារដូច្នេះ ទោះបីប្រាក់ខែខ្ពស់យ៉ាងណាក៏មិនសូវមានអ្នកព្រមធ្វើដែរ។ ហេតុនេះស្ថានភាពខ្វះខាតធនធានមនុស្សពិតជាធ្ងន់ធ្ងរ។

ប្រសិនបើជាកម្មករជប៉ុន TEPCO ត្រូវទទួលខុសត្រូវបង់ធានារ៉ាប់រង ផ្តល់ជំនួយ និងដោះស្រាយបញ្ហានៅពេលមានបញ្ហាកើតឡើងចំពោះសុខភាពរបស់កម្មករ។ ប៉ុន្តែក្នុងករណីជួលកម្មករបរទេស TEPCO គ្រាន់តែបញ្ចូនកម្មករត្រលប់ទៅប្រទេសវិញ។ លើសពីនេះកម្មករបរទេសមិនចេះភាសាជប៉ុន ឳកាសដែលពួកគេយល់ព្រមធ្វើការងារក្រោមលក្ខខណ្ឌមានវិទ្យុសកម្មលើសកម្រិតសុវត្ថិភាពច្រើនជាងប្រជាជនជប៉ុន។

ក្នុងឆ្នាំ ២០១៥ សិក្ខាកាមបច្ចេកទេសនៅវៀតណាមត្រូវបញ្ចូនទៅធ្វើការក្នុងបរិយាកាសមានវិទ្យុសកម្មដោយគ្មានការពន្យល់ច្បាស់លាស់។ មិនត្រឹមតែប៉ុណ្ណឹងក្នុងចំណោមអាជីវកម្ម ២៩០ ត្រូវបានរកឃើញថាជ្រើសរើសមនុស្សមិនស្របច្បាប់។

បច្ចុប្បន្ននេះ TEPCO មាន ៣៨,០០០ បុគ្គលិក។ ប្រសិនបើការងារពិតជាមានសុវត្ថិភាព ហេតុអ្វីគេមិនទុកអោយបុគ្គលិករបស់គេធ្វើការងារនេះ?

ហេតុអ្វីត្រូវប្រើកម្លាំងពលកម្មបរទេសសម្រាប់ការងារដែលដឹងថាមិនសុវត្ថិភាពដូចនេះ?

TEPCO គឺជាក្រុមហ៊ុនធំមួយ ដូច្នេះពលករបរទេសជាច្រើនទុកចិត្តមិនមើលអោយច្បាស់អំពីលក្ខខណ្ឌការងារក៏ដូចជាបរិយាកាសធ្វើការ។ ជាមួយគ្នានេះគឺការសន្យាប្រាក់ខែជាឧបករណ៍បញ្ឆោតដ៏មានប្រសិទ្ធិភាព។ ទោះបីជារកលុយបានច្រើនយ៉ាងណាក៏ដោយប៉ុន្តែសុខភាព និងជីវិតរបស់អ្នករងការគំរាមកំហែង តើគួរតែលះបង់ដែរឬទេ?

Kengo Abe