បទ​បញ្ជាផ្ទៃក្នុងដែល​​​មិន​ទំនង​នៅ​សាលា​ជប៉ុន

បន្ទាប់​ពី​រឿង​មាន​នារី​ម្នាក់​​សក់​ធម្មជាតិ​ពណ៌​ត្នោតប៉ុន្តែ​ត្រូវ​បង្ខំ​អោយ​លាប​សក់​ពណ៌​ខ្មៅវិញ មាន​ចំនុច​ខ្វះ​ខាត​មួយចំនួន​នៃ​​បទ​បញ្ជា​ផ្ទៃ​ក្នុង​របស់​សាលា​ជប៉ុនត្រូវ​រិះ​គន់​។​ ក្រុម​​មួយ​ត្រូវ​បាន​បង្កើត​ឡើង​ដើម្បី​ស្វែង​យល់អំពីបទបញ្ជា​ផ្ទៃ​ក្នុងដែល​មិ​ន​ទំនង​នៅ​សាលាជប៉ុន។ ពួកគេ​បង្ហាញ​ពី “black list” ​(បញ្ជីខ្មៅ) ហើយ​ដឹង​ថាប្រហែល ២ ភាគ​ ៣ សិស្ស​វិទ្យា​ល័យ​ជប៉ុនត្រូវ​ទ្រាំជាមួយនឹងបទ​បញ្ជា​មិន​ទំនង​នៅ​សាលា​របស់​ខ្លួន។

បទបញ្ជា​​មិន​ទំនងរបស់​សាលាជប៉ុនមាន​ដូចជា៖

– សិស្ស​គួរ​ស្លៀកខោអាវទ្រនាប់​​មានពណ៌ដូចដែលបានកំណត់

– សិស្សមិនត្រូវបានអនុញ្ញាតអោយចង​សក់​លើក​ខ្ពស់​ទេ

– នៅ​ក្នុង​ថ្នាក់​អាច​កណ្តាស់យ៉ាង​ច្រើន​ ៣​ ដង

– សិស្សត្រូវមានការអនុញ្ញាតពីគ្រូបង្រៀនទើប​អាច​កាត់​សក់ក្នុង​រដូវ​វិស្សមកាល

– សិស្ស​ប្រុស និង​សិស្ស​ស្រី​ត្រូវ​រក្សា​គម្លាត ២ ម៉ែត្រ​

– សិស្សមិនត្រូវបានអនុញ្ញាតអោយ​ពាក់កន្សែងកក្នុង​កំ​ឡុង​ពេល​ប្រឡង​ទេ។

រូបភាព grape

ការពិតមិន​មែន​មាន​តែ​នៅ​សាលាទើប​មាន​បញ្ហា​​​​ដូច​សិស្ស​ស្រីសក់​ពណ៌​ត្នោត​ខាង​លើ​ទេ ប្រហែល ២០% សាលាវិទ្យា​ល័យ​ជប៉ុនមាន​បទបញ្ជា​ផ្ទៃ​ក្នុង​សិស្ស​​ត្រូវ​ដាក់​​សក់​ពណ៌​ខ្មៅ (មិន​និយាយ​អំពី​សក់មាន​ពណ៌​ធម្មជាតិ​ដូច​សិស្ស​ស្រី​ខាង​លើ) ដូច្នេះ​បើ​មាន​​ ៦ សាលា​ក្នុង​នោះនឹង​​មាន​សាលា​ ១ ចែងអំពីសម្លៀក​បំពាក់​ទ្រនាប់​របស់​សិស្ស​។

ពិត​ជា​មិន​សម​ហេតុ​ផល​សោះ

បន្ទាប់ពីព័ត៌មាននេះត្រូវបានបង្ហាញមាន​​មតិ​រិះ​គន់​របស់​អ្នក​លេងអីុនធឺណេតដូចជា៖

រូបភាព BuzzFeed

“បទ​បញ្ជាទាំង​នេះ​គួរ​អោយ​អស់​សំ​ណើច​ណាស់”

“ប្រសិន​បើ​មាន​បទបញ្ជា​តឹងរ៉ឹងច្រើន​នាំ​អោយ​សិស្ស​កាន់តែ​មិន​ស្តាប់​សម្តី​ប៉ុណ្ណោះ”

“ពេល​ខ្ញុំមករដូវ​គ្រូ​កី​ឡា​មិន​អនុញ្ញាត​អោយ​សម្រាកថែម​ទាំង​ត្រូវ​រត់​ជុំ​វិញ​សាលា​ទៀត​”

“រហូត​ដល់​ក្រចក​ដៃ​ក៏​ត្រួ​ត​ពិនិត្យ​ដែរ។ គ្រាន់​តែ​មាន​ក្រចក​ដុះ​ចេញ​បន្តិចគឺ​អោយ​កាត់ចោល​ភ្លាម​”

“សាលា​មិន​អោយ​ពាក់​អាវ​ក្រៅទោះបី​រដូវ​រងារ​មាន​ព្រិល​ធ្លាក់​ពេញ​ផ្លូវ​ក៏​ដោយ”

“បទ​បញ្ញាតិ្ត​​ពេល​​​កណ្តាស់មិន​គួ​រអោយ​ជឿ។ ខំ​​ទ្រាំ​មិន​កណ្តាស់អាច​ធ្វើ​អោយ​អ្នក​កណ្តាស់​កាន់​តែ​ខ្លាំង​ឡើងតែ​ប៉ុណ្ណោះ”

“ខ្ញុំ​ធ្លាប់​កណ្តាស់ជាប់​គ្នា ១០ ដងក្នុង​ ១ នាទី។ វា​ធ្វើ​អោយ​ខ្ញុំ​ជួបបញ្ហា​ច្រើន​”

ប្រសិន​បើ​អ្នកកំពុង​តែ​ស្រមៃ​អំពី​សាលាជប៉ុន​ជាកន្លែង​រ៉ូ​មែនតិច ឬជាកន្លែង​​ផ្តើម​ស្នេហ៍​អណ្តែត​អណ្តូង គួរតែ​ភ្ញាក់ពី​សុបិន្ត​។ ទោះ​បី​ដឹង​ថា​កម្រិត​ថ្នាក់​វិទ្យា​ល័យ​ត្រូវ​បង្ហាត់​បង្រៀន​ទាំង​ចំណេះ សីល​ធម៌ និង​បទបញ្ញត្តិ។ ប៉ុន្តែចំពោះ​បទ​បញ្ជាផ្ទៃ​ក្នុង​ដែល​មិន​ទំនង​ទាំង​នេះ តើ​នរណាអាច​​ស្តាប់តាម?

ប្រភព YAHOO NEWS

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: