រឿងរ៉ាវជីវិតរបស់ Moka ជាអ្នកកែភេទបានរួចផុតពីសេចក្តីស្លាប់ក្រោយពេលធ្វើអត្តឃាត

ថ្ងៃចន្ទ 22/04/2019 | 16:51 ល្ងាច

ថ្មីៗនេះមានព័ត៌មាននិយាយអំពីមនុស្សម្នាក់កែភេទលោតពីអគារជាន់ទី ១២ តែមិនស្លាប់។

រូបភាព https://www.huffingtonpost.jp/entry/transgender-moca_jp_5cb6e24fe4b0ffefe3b934de

ឈ្មោះមនុស្សម្នាក់នេះគឺ Moka មុនពេលរស់នៅក្នុងរាងកាយជានារី ឯកសារផ្ទាល់ខ្លួនរបស់នាងជាបុរស។ ជីវិតអ្នកប្តូរភេទនៅប្រទេសជប៉ុនមិនងាយស្រួលទេ នាងធ្លាប់អស់សង្ឃឹមហើយព្យាយាមធ្វើអត្តឃាតជាច្រើនដង។ បន្ទាប់ពីធ្វើអត្តឃាតមិនសម្រេចនាងបានយល់អំពីអត្តន័យនៃជីវិតពេញទៅដោយភាពអស្ចារ្យ ហើយសម្រេចចែករំលេករឿងរ៉ាវរបស់ខ្លួនដើម្បីលើកទឹកចិត្តអ្នកដែលមានជីវិតដូចជា Moka។

“ខ្ញុំធ្លាប់លោតចុះពីអគារនៅជាន់ទី ១២”

នោះគឺនៅក្នុងខែតុលា ឆ្នាំ ២០១៥

Moka ឈរម្នាក់ឯងនៅអគារជាន់ទី ១២ មើលទៅលើមេឃដ៏ធំទូលាយ។ មុននោះនាងបានផឹកថ្នាំរម្ងាប់អារម្មណ៍ជាច្រើនគ្រាប់ហើយកំពុងស្តាប់បទចម្រៀងដែលខ្លួនចូលចិត្ត។

ជាមួយនឹងប្រសិទ្ធិភាពថ្នាំ Moka បានលោតចុះដោយមិនគិតអំពីអ្វីបន្ថែម។ ពិតជាចម្លែកនាងធ្លាក់លើដំបូលឡានកំពុងចតខាងក្រោម។ នាងបាក់ឆ្អឹងដៃ របួសធ្ងន់ធ្ងរនៅឆ្អឹងខ្នង និងទ្រូង។ ពេលឮសម្លេងរបស់ Moka អ្នកគ្រប់គ្រងអគារបានហៅឡានសង្រោះបន្ទាន់ និងបញ្ជូននាងទៅបន្ទីរពេទ្យ។ ទោះបីរងរបួសធ្ងន់ធ្ងរប៉ុន្តែនាងត្រូវបានសង្រ្គោះរួចពីសេចក្តីស្លាប់។

Moka មិនចាំអ្វីអំពីរឿងអត្តឃាតនេះគ្រាន់តែដឹងថាក្រោយពេលដឹងខ្លួនម្តាយ Moka កំពុងតែយំជិតគ្រែរបស់នាង។ ជាមួយនឹងការឈឺចាប់រាងកាយ Moka ស្រែកថា “ឈឺណាស់ទុកអោយខ្ញុំស្លាប់ទៅ” ទោះបីជាយ៉ាងណារាងកាយរបស់នាងមិនអាចធ្វើចលនាបាន។ រយៈពេលយូរដេកនៅលើគ្រែ ឆ្លងកាត់ការព្យាបាលជាច្រើន នាងយល់ថាខ្លួនមិនអាចស្លាប់បានទេហើយសម្រេចចិត្តបោះបង់ការធ្វើអត្តឃាត។ ចំណាយពេលគិតពីរឿងអវិជ្ជមាន នាងរៀនធ្វើអោយជីវិតមានភាពរីករាយ និងរស់នៅអោយបានល្អ។

Moka ចេញពីមន្ទីរពេទ្យនៅខែ ១២ ហើយចាប់ផ្តើមជីវិតថ្មី។

រូបភាព https://www.huffingtonpost.jp/entry/transgender-moca_jp_5cb6e24fe4b0ffefe3b934de

តាំងពីអាយុ ៣ ឆ្នាំ Moka ចាប់ផ្តើមមិនយល់ជីវិតរបស់ខ្លួន។ ទោះជាស្ថិតក្នុងរាងកាយក្មេងប្រុស នាងនៅតែគិតថាខ្លួនជាក្មេងស្រី។ រហូតដល់ពេលរៀននៅវិទ្យាល័យ Moka ក្លាយជាយុវជនម្នាក់ដែលតែងតែមិនពេញចិត្តជាមួយនឹងរាងកាយរបស់ខ្លួន។ អាយុ ១៥ ឆ្នាំពេលរៀនថ្នាក់វិទ្យាល័យ Moka បានអានការផ្សាយព័ត៌មានចាក់ hormone ប្តូរភេទលើ Internet ហើយសម្រេចធ្វើតាម។ នាងមិនអាចគិតពីអ្វីគ្រាន់តែដឹងថាខ្លួនចង់រស់នៅក្នុងរាងកាយជានារី។

ក្នុងពេលនោះលើ TV កំពុងតែផ្សាយរឿងភាគនិយាយអំពីសិស្សម្នាក់ជួបបញ្ហាក្នុង “ជម្រើសបែងចែកភេទរបស់ខ្លួន”។ ដោយសារតែឥទ្ធិពលនៃរឿង Moka ពិតជាខ្លាចនាងចាប់ផ្តើមគិតថាខ្លួនមានជម្ងឺផ្លូវចិត្ត។ ខណៈពេលនេះដោយសារ hormone នារីទ្រូងរបស់នាងធំហើយចាប់ផ្តើមដូចនារី។ រូបរាងខាងក្រៅកាន់តែប្លែក Moka សម្រេចប្រាប់រឿងទាំងអស់ទៅឪពុកម្តាយ។ ពេលដឹងពីការពិតឪពុកម្តាយ Moka ស្រឡាំងកាំងប៉ុន្តែប្អូនប្រុសរបស់នាងពីរនាក់យល់អំពីអារម្មណ៍របស់នាង។

ក្រោយមក Moka បានបន្តការសិក្សាតាមកម្មវិធីអប់រំតាមបណ្តាញ Internet។ ក្រៅពីនេះនាងធ្វើការថែមម៉ោងនៅហាងស្រាជាន់ទី ២ Shinjuku។ Moka ត្រូវបានគេចែកអោយឯកសញ្ឋាននារី។ នៅហាងស្រាមិនសូវមានស្រីស្អាតទេហេតុនេះវត្តមានរបស់នាងពិតជាពិសេសណាស់។

នៅអាយុ ២០ ឆ្នាំនាងត្រូវបានទទួលចូលធ្វើការនៅក្រុមហ៊ុនរចនាម៉ូតសម្លៀកបំពាក់ ប៉ុន្តែនាងឈប់ពីការងារក្រោយរយៈពេល ១០ ខែ។ Moka បានសម្រេចធ្វើការងារក្នុងគោលបំណងជួយអោយអ្នកមានជីវិតដូចជានាង។

រូបភាព https://www.huffingtonpost.jp/entry/transgender-moca_jp_5cb6e24fe4b0ffefe3b934de

ទោះបីជាចាក់ hormone ប៉ុន្តែពេលងូតទឹក មើលប្រដាប់ភេទរបស់ខ្លួន Moka ពិតជាពិបាកចិត្តពេលដឹងថាខ្លួនជាបុរស។ នៅអាយុ ២៣ ឆ្នាំ Moka ទៅប្រទេសថៃដើម្បីវះកាត់កែភេទទាំងស្រុង។

ចំណាយសម្រាប់ការវះកាត់គឺ ១,៦ លានយ៉េន។ ក្រោយពេលវះកាត់ Moka ត្រូវត្រាំជាមួយនឹងការឈឺចាប់ និងចំណាយប្រាក់ជាប្រចាំដើម្បីរក្សាសម្រស់របស់ខ្លួន។

ប៉ុន្តែជីវិតនៅតែមានភាពលំបាកល្វីងជូរចត់។ ទោះជាធ្វើគ្រប់យ៉ាងដើម្បីក្លាយជានារីបុ៉ន្តែក្រោយពេលក្លាយជានារី នាងត្រូវប្រឈមនឹងការរើសអើមភេទរបស់មនុស្សនៅជំុវិញ។ ចំពោះសម្ពាធនេះ Moka បានផ្លាស់ប្តូរឯកសារផ្ទាល់ខ្លួនទៅជាភេទស្រី។

Moka ខំប្រឹងធ្វើការដើម្បីបំភ្លេចរឿងទាំងអស់រហូតដល់ធ្លាក់ខ្លួនឈឺ បាក់ទឹកចិត្ត និងមានជម្ងឺផ្លូវចិត្ត។ ទោះជាការងារស្រាល ប្រាក់ខែ និងឋានៈសុទ្ធតែល្អ ប៉ុន្តែអារម្មណ៍រើសអើម រក្សាគម្លាតធ្វើអោយ Moka ប្រើថ្នាំរម្ងាប់អារម្មណ៍ក្នុងរយៈពេល ៥ ឆ្នាំ។

រូបភាព https://www.huffingtonpost.jp/entry/transgender-moca_jp_5cb6e24fe4b0ffefe3b934de

ទីបញ្ចប់នាងបានស្វែងរកសេចក្តីស្លាប់។ ពិតជាសំណាងនាងរួចពីសេចក្តីស្លាប់ហើយត្រលប់មកជីវិតរបស់ខ្លួនវិញ។ តាំងពីពេលនោះ Moka យល់ថានាងនៅរស់ និងបន្តជីវិតជាមួយអត្តន័យណាមួយ។ នាងគិតថាខ្លួនត្រូវជួយអ្នកដែលធ្លាក់ក្នុងស្ថានភាពដូចខ្លួន។ ចាប់តាំងពីពេលនោះ Moka បានក្លាយទៅជាអ្នកប្រឹក្សាតាមបណ្តាញអនឡាញ។

រូបភាព https://www.huffingtonpost.jp/entry/transgender-moca_jp_5cb6e24fe4b0ffefe3b934de

មិនត្រឹមតែប្រឹក្សាអំពីបញ្ហាទាក់ទងនឹងភេទ Moka ក៏បានជជែក និងជួយមនុស្សជាច្រើនដែលជួបបញ្ហាផ្លូវចិត្តផ្សេងទៀត។ Moka បង្ហាញពីជីវិតរីករាយ និងភាពអស្ចារ្យនៃជីវិត។ មិនមែនកើតឡើងចំពោះអ្នកប្តូរភេទតែប៉ុណ្ណោះទេ នៅលើលោកនេះតែងតែមានបញ្ហាធ្វើអោយប៉ះពាល់ដល់គំនិតរបស់អ្នក ធ្វើអោយពួកគេកាន់តែអស់សង្ឃឹមហើយបាត់បង់ភាពជឿជាក់ក្នុងជីវិត។ ប៉ុន្តែមួយជំហានម្តង Moka ជួយអោយពួកគេស្រលាញ់ជីវិត និងចង់រស់នៅបន្តដោយសប្បាយរីករាយ។

មានវិធីជាច្រើនអាចដោះស្រាយបញ្ហា ស្លាប់មិនមែនជាដំណោះស្រាយល្អទេ។

ដូចជា Moka បានរួចផុតពីសេចក្តីស្លាប់ហើយសម្រេចត្រលប់មកដើម្បីជួយអ្នកដទៃ។

Kengo Abe