តើឈ្មោះ​នរណា​ដែលគេប្រើ​នៅលើ​ក្រដាស​ប្រាក់​ថ្មីរបស់ជប៉ុន?

ថ្មីៗនេះប្រទេសជប៉ុនទើបតែបានប្រកាសថាខ្លួននឹងផ្លាស់ប្តូរការរចនាក្រដាសប្រាក់។ គេ​រំ​ពឹង​ទុក​ថា​​នៅ​ឆ្នាំ ២០២៤ នឹង​ចាប់​ផ្តើម ហើយ​ប្រទេសជប៉ុន​បាន​សម្រេចឈ្មោះអ្នក​ដែល​មាន​នៅលើ​ក្រដាស​ប្រាក់ថ្មី។ សូម​មើល​ទាំង​អស់​គ្នាថាជានរ​​ណា និ​ងមាន​សមិទ្ធផលអ្វី?

អ្នក​ដែល​មាន​នៅ​លើ​ក្រដាស​ប្រាក់ ១០០០ យ៉េនគឺ​លោក​ Kitasato Shibasaburou (北里柴三郎)។

រូបភាព https://nikkan-spa.jp/1565661?cx_clicks_art_mdl=4_title

គាត់ជា​អ្នក​បង្កើត​សាកល​វិទ្យា​ល័យ​ Kitasato និងសមាគមពេទ្យជប៉ុន។ គឺ​ជា​អ្នក​ស្រាវជ្រាវវីរុស​ គាត់ត្រូវបានគេស្គាល់តាម​រយៈការ​ស្រាវជ្រាវជម្ងឺ Plague (disease) នៅ​ហុង​កុង​ឆ្នាំ ១៨៩៤ ជាមួយ Alexandre Yersin។

សម្រេចបាននូវជោគជ័យដ៏អស្ចារ្យនៅក្នុងការងារ​របស់គាត់ប៉ុន្តែគំនិតនៃជីវិតរស់​នៅរបស់គាត់ពិត​ជាសាមញ្ញណាស់។

終始一貫 (Shuushiikkan) – ភាព​ស្ថិត​ស្ថេរ

យល់អំពីគំនិត អាកប្បកិរិយា និង​ពឹង​ទៅ​លើ​ការប្រកាន់ខ្ជាប់ទ្រឹស្តីមូលដ្ឋានបន្ទាប់ពីបរាជ័យត្រូវ​​ត្រលប់ទៅ​ជំហាន​ដំបូង​ មិនបាក់ទឹកចិត្តដោយសារបរាជ័យប៉ុន្តែ Kitasato អាចសម្រេចបានសមិទ្ធិផលដ៏អស្ចារ្យ។

នេះជាអត្ត​ចរិក​តំណាង​អោយ​ភាព​ប្រាកដប្រជា និងការប្តេជ្ញាចិត្តរបស់ប្រជាជនជប៉ុននៅ​ក្នុង​ការងារ។

អ្នក​ដែល​មាន​នៅ​លើ​ក្រដាស​ប្រាក់ ៥០០០ យ៉េនគឺលោក​ស្រី Tsuda Umeko (津田梅子)

រូបភាព https://nikkan-spa.jp/1565661?cx_clicks_art_mdl=4_title

​ក្នុង​សង្គម​ជប៉ុន​ដែល​នៅតែអោយ​តម្លៃ​បុរសជាង​ស្រ្តីអាច​និយាយ​បាន​ថា Tsuda ជា​ស្រ្តី​ដែល​នាំ​ផ្លូវ​វិស័យ​អប់​រំ អ្នក​បង្កើត​សាកល​វិទ្យា​ល័យ​ Tsuda។ អ្នក​ស្រ្តីបានសម្តែងនូវគំនិត​ដ៏អស្ចារ្យនៃស្រ្តី​​តាម​រយៈឃ្លា​ខាង​ក្រោម។

“មនុស្សគ្រប់រូបត្រូវតែប្រឈមមុខនឹងជីវិតផ្ទាល់ខ្លួនរបស់ពួកគេ។ មនុស្ស​គ្រប់​គ្នាមាន​បញ្ហា និងការ​លំបាក​ខុស​គ្នា”។

យុវជនជប៉ុន​តែ​ង​ចែ​ក​រំលេក​ពា​ក្យ​ទាំង​នេះ​លើ​បណ្តាញ​សង្គម​ដូចជាការណែនាំសម្រាប់ជីវិត។ សព្វថ្ងៃនេះមនុស្សត្រូវគិត និង​មាន​គំនិតឯករាជ្យដោយសារតែតម្លៃនៃជីវិតមនុស្ស​ម្នាក់ៗខុស​គ្នា។ ទោះបីជា​អំណរឬ​ភាព​សោកសៅក៏មិនដូចគ្នាទេ​។ បច្ចុប្បន្នការអភិវឌ្ឍនៃ Internet គឺការចែករំលែកក្នុង​សហគមន៍ដូច្នេះ​គំនិត​បុគ្គល​ត្រូវមាន​ដែន​កំ​ណត់។ ជាពិសេស​នៅ​ក្នុង​សង្គម​ដូចជាប្រទេស​ជប៉ុន បុគ្គល និង​ភាព​ឯករាជ្យត្រូវ​បាន​លើក​ដំកើន។ នេះ​ជាមូល​ហេតុ​នៃ​សម្តី​របស់​លោក​ស្រី Tsuda ​ សមស្រប និង​​តម្រង់​អត្តចរិក​ល្អ​សម្រាប់​មនុស្ស​សម័យ​ថ្មី។

អ្នក​ដែល​មាន​នៅ​លើ​ក្រដាស​ប្រាក់ ១០,០០០ យ៉េនគឺ​លោក​ Shibusawa Eiichi (渋沢栄一)

រូបភាព https://nikkan-spa.jp/1565661/2

នេះគឺ​ជាអ្នក​រួមចំណែក​ក្នុងការបង្កើតក្រុមហ៊ុនជាច្រើន ធនាគារនៅក្នុងប្រទេសជប៉ុន និង​ជាអ្នកបង្កើតផ្សារមូលបត្រ Tokyo។

Shibusawa Eiichi គឺជា​អ្នក​ជះឥទ្ធិពល​ខ្លាំងរួម​ចំណែក​ក្នុង​ការ​ផ្លាស់​ប្តូរ​រូប​រាង​នៃ​សេដ្ឋ​កិច្ច​ជប៉ុន ដើម្បីធ្វើអោយប្រទេសជប៉ុនក្លាយ​ជា​អំណាចសេដ្ឋកិច្ចដូចសព្វថ្ងៃ។

គាត់​មាន​ពាក្យ​មួយ​ឃ្លា​ដែល​យុវជនគួរតែ​ចង​ចាំ

“ទោះបីប្រឹងប្រែងរៀនយ៉ាងណាក៏ដោយ មានរឿងជាច្រើនដែលមិនអាចបញ្ចប់ដោយរលូន។ នោះ​ដោយ​សារតែ​ឳកាស​មិន​ទាន់​មក​ដល់។ ពេល​នោះប្រាកដជាមិន​ត្រូវ​​បាក់ទឹក​ចិត្ត​ ត្រូវអត់ធ្មត់ និងលើកទឹកចិត្តខ្លួនឯងជានិច្ច”។

មាន​ពាក្យ​មួ​យ​ក្នុង​ព្រះពុទ្ធសាសនាពោល​ថា 啐啄同時 (sottaku douji) អាច​និយាយ​បាន​ថា​ពេល​វេលា​មក​ដល់។ ទោះ​បី​ការ​ច្នៃ​ប្រឌិត​របស​់អ្នក​ល្អ​ដល់​កម្រិត​ណាប៉ុន្តែមិនសមស្របជាមួយ​សម័យ​កាល​គឺ​គ្មាន​ន័យទេ។

ក្រៅពី​នេះ Shibusawa Eiichi នៅ​មាន​ពាក្យ​មួយ​ឃ្លាទៀតគឺ

“មនុស្សគ្រប់រូបត្រូវ​តែឯករាជ្យ ស្មារតីឯករាជ្យជាមួយការអាណិតអាសូរអ្នកដទៃ នេះគឺជា​គោល​ដៅ​នៃ​ជីវិត”។

សព្វថ្ងៃមនុស្សជាច្រើនមានទំនោរធ្វើការឯករាជ្យដូចជា Freelancer និង Youtuber។ ទោះបីជាធ្វើការនៅក្រុមហ៊ុនមាន​ភាព​ជាងប៉ុន្តែ​គោល​ដៅ​របស់​យុវជននៅទូទាំងពិភពលោកកំពុងតែឆ្ពោះទៅរកការងារឯករាជ្យ។ ទោះជា​យ៉ាង​ណា​អ្នក​មិន​អាច​ធ្វើ​ការ​ងារ​របស់​ខ្លួនដោយ​មិន​គិត​ពី​អ្នក​ដទៃទេ។ សហការនាំ​មក​នូវ​ការ​អភិវឌ្ឍនេះជា​មូល​ហេតុដែល​ឯករាជ្យត្រូវ​ការ​ទំនាក់​ទំនង។

ឈ្មោះ​អ្នក​ដែល​មាន​នៅ​លើ​ក្រដាស​ប្រាក់​ថ្មី​របស់​ជប៉ុន​ ជា​អ្នក​ដែល​រួម​ចំណែក​ច្រើន​ក្នុង​សង្គម​ និង​ជាអ្នក​នាំ​មកនូវ​គំនិតរីក​ចម្រើនស្របតាមយុគសម័យថ្មី។ ជាអ្នក​តម្រង់​ទិសដៅនៃគំនិត​ ការ​រស់​នៅ​របស់​យុវជន​សម័យ​បច្ចុប្បន្ន និង​កំណត់ផ្លូវអភិវឌ្ឍសម្រាប់ប្រទេសជប៉ុន។

Kengo Abe

មើលបន្ថែម: