ការស្រាវជ្រាវសត្វឆ្មាស្គាល់ឈ្មោះរបស់ពួកវា ចេះសង្កេត និងធ្វើតម្រាប់តាមម្ចាស់

ថ្ងៃព្រហស្បតិ៍ 11/04/2019 | 11:33 ព្រឹក

ការស្រាវជ្រាវថ្មីពីប្រទេសជប៉ុនបានអោយដឹងសត្វឆ្មាចិញ្ចឹមក្នុងផ្ទះអាចបែរទៅមើលអ្នកពេលមាននរណាម្នាក់ហៅឈ្មោះរបស់វា។

ទោះបីការស្រាវជ្រាវនេះចម្លែកសម្រាប់អ្នកដែលចិញ្ចឹមឆ្មា ប៉ុន្តែនេះគឺជាភស្តុតាងការពិសោធដំបូងបង្ហាញថាសត្វអាចស្គាល់ និងយល់សម្លេងរបស់មនុស្ស។

រូបភាព Nextshark

ការស្រាវជ្រាវត្រូវបានចេញផ្សាយនៅក្នុងទស្សនាវដ្តី Scientific Reports ដែលបានប្រមូលលទ្ធផលការពិសោធជាបន្តបន្ទាប់ជាមួយនឹងសត្វឆ្មាចំនួន ១៦ក្បាល ៣៤ ក្បាល ២៩ ក្បាល និង ៣៣ ក្បាលរស់ក្នុងផ្ទះ និងហាងកាហ្វេឆ្មា។

ឆ្មាមួយត្រូវបានគេអោយស្តាប់ការថតសម្លេងរបស់ម្ចាស់ និងសម្លេងរបស់អ្នកមិនស្គាល់។ មានឈ្មោះ ៤ ក្នុងចំណោមនោះឈ្មោះមួយដូចឈ្មោះរបស់វា។

លទ្ធផលបានអោយឃើញថាឆ្មាមានប្រតិកម្មពេលឮឈ្មោះរបស់វា។ សត្វឆ្មានឹងធ្វើចលនាក្បាល ត្រចៀក បក់កន្ទុយ ឬស្រែកហៅទៅតាមឆ្មានីមួយៗ។ ទោះជាមនុស្សនៅមិនទាន់យល់អំពីប្រតិកម្មរបស់វាមានន័យអ្វីក៏ដោយ។

យោងតាមអ្នកស្រាវជ្រាវ Atsuko Saito មកពីសាកលវិទ្យាល័យ Sophia បានអោយដឹងឆ្មាស្គាល់ឈ្មោះរបស់វា ឆ្មាដឹងថាពេលណាម្ចាស់សរសើរ ស្តីបន្ទោស ឬនាំទៅពេទ្យសត្វ។

“លទ្ធផលបានបញ្ជាក់ថាឆ្មាអាចសម្គាល់ឈ្មោះរបស់ពួកវាជាមួយនឹងពាក្យផ្សេង។ យើងជឿថាឆ្មាអាចយល់អត្តន័យសម្លេងរបស់មនុស្សតាមរយៈភាពខុសគ្នានៃសូរសព្ទ”។

Monique Udell ជាអ្នកស្រាវជ្រាវប្រតិកម្មរបស់សត្វនៃសកលវិទ្យាល័យ Oregon បានអោយដឹងការស្រាវជ្រាវខាងលើបញ្ជាក់ថា “សត្វឆ្មាចាប់អារម្មណ៍ សង្កេតមើលអ្នក អ្វីដែលអ្នកនិយាយ និងសកម្មភាពរបស់អ្នក ពួកវារៀនហើយយកតម្រាប់តាម”។

រូបភាព Nextshark

ការស្រាវជ្រាវស្រដៀងគ្នាចំពោះសត្វឆ្កែមានតាំងពីយូរមកហើយ ប៉ុន្តែថ្មីៗនេះមនុស្សចាប់ផ្តើមពិសោធទៅលើសត្វឆ្មា។ Saito និងអ្នកវិទ្យាសាស្រ្តផ្សេងទៀតក្នុងក្រុមជឿថាឆ្មាស្គាល់ឈ្មោះរបស់វាដើម្បីធ្វើអោយប្រសើរឡើងនៃជីវិតប្រភេទសត្វនេះ។

“យើងអាចប្រាប់ឆ្មាថាសត្វណាឬកន្លែងណាដែលគ្រោះថ្នាក់ដោយរបៀបនិយាយជាក់លាក់ណាមួយ ការស្រាវជ្រាវនេះបានអោយឃើញថាឳកាសធ្វើអោយប្រសើរឡើងនូវទំនាក់ទំនងរវាងមនុស្ស និងសត្វ”។

ប្រភពបន្ថែម Scientific Reports, Nextshark

Sacchan