ទំព័រដើម
ជីវិត
ស្វែងយល់ពីប្រវត្តិដ៏អស្ចារ្យរបស់ Donald Keene ជាជនបរទេសដែលស្រលាញ់អក្សរសាស្រ្តជប៉ុន សុខចិត្តបោះបង់សញ្ជាតិអាមេរិករបស់ខ្លួន

ស្វែងយល់ពីប្រវត្តិដ៏អស្ចារ្យរបស់ Donald Keene ជាជនបរទេសដែលស្រលាញ់អក្សរសាស្រ្តជប៉ុន សុខចិត្តបោះបង់សញ្ជាតិអាមេរិករបស់ខ្លួន

ថ្ងៃសុក្រ 08/03/2019 | 18:12 ល្ងាច

នៅថ្ងៃទី ២៤ ខែកុម្ភៈ ឆ្នាំ ២០១៩ លោក Donald Keene ជាសាស្រ្តាចារ្យជនជាតិអាមេរិកដែលចូលចិត្តវប្បធម៌ជប៉ុន ជាពិសេសគឺផ្នែកអក្សរសាស្ត្រជប៉ុនបានទទួលមរណៈភាព។ គាត់ជាអ្នករួមចំណែកច្រើនក្នុងការនាំយកអក្សរសាស្រ្តជប៉ុនទៅកាន់ពិភពលោកដោយសៀវភៅរបស់ខ្លួន។

ចូលរួមអក្សរសាស្រ្តជប៉ុនតាំងពីឆ្នាំ ១៩៤០ មុនសង្គ្រាមរវាងជប៉ុន និងសហរដ្ឋអាមេរិក។ លោក Donald Keene ជាមនុស្សដំបូងបក Genji Monogatari បុរាណទៅជាភាសាអង់គ្លេស ហើយយកទៅលក់នៅកន្លែងលក់សៀវភៅនៅ New York ។

រូបភាព http://www.genji-monogatari.net/

ដោយមានតាំងពីឆ្នាំ ១០០៨ ត្រូវបានចាត់ទុកថា ជាប្រលោមលោកដែលចាស់ជាងគេនៅលើពិភពលោករៀបរាប់អំពីជីវិតប្រចាំថ្ងៃរបស់អភិជនជប៉ុននៅសម័យមុន។ ក្នុងបរិបទនៃប្រទេសជប៉ុន និងសហរដ្ឋអាមេរិកកំពុងមានជម្លោះនយោបាយ សៀវភៅបកប្រែរបស់លោក Donald Keene មិនទទួលបានមតិយោបល់វិជ្ជមាននោះទេ។ ប៉ុន្តែយុវជនម្នាក់អាយុ ១៨ ឆ្នាំពេលនោះស្អប់ទិដ្ឋភាពជាក់ស្តែង ហើយចាប់អារម្មណ៍រឿងបុរាណរបស់ជប៉ុន។

នៅឆ្នាំ ១៩៥៨ រយៈពេល ១៣ ឆ្នាំក្រោយពេលសង្គ្រាមបញ្ចប់ លោក Donald Keene បានសម្រេចចិត្តចូលរៀន ២ ឆ្នាំនៅសាកលវិទ្យាល័យ Tokyo ។ នេះជាអំឡុងពេលដែលប្រទេសជប៉ុនកំពុងងើបឡើងវិញបន្ទាប់ពីសង្រ្គាម ប្រទេសនៅតែក្រីក្រ ដូច្នេះសាកលវិទ្យាល័យមានតិចតួចបំផុត ហើយមិនសូវទទួលនិស្សិតអន្តរជាតិទេ។ ជាមួយនឹងឱកាសដ៏កម្រនេះលោក Donald Keene ជួបអ្នកនិពន្ធប្រលោមលោកល្បីឈ្មោះជាច្រើន។

កាន់តែស្វែងយល់ មានបទពិសោធន៍ផ្នែកអក្សរសាស្រ្តជប៉ុន ហើយខ្លួនគាត់ក៏ចូលចិត្ត។ សរុបទៅលោក Donald Keene ចេញផ្សាយបាន ៣០ ក្បាលជាភាសាជប៉ុន និង ២៥ ក្បាលជាភាសាអង់គ្លេស។ មិនមែនបំផ្លើសទេដែលនិយាយថា លោក Donald Keene គឺជាអ្នកបំផុសទឹកចិត្តស្រឡាញ់ ហើយបានរំលឹកឡើងវិញគុណតម្លៃនៃអក្សរសិល្ប៍បុរាណជប៉ុនដែលគេគិតថា ត្រូវយុវជនសម័យសព្វថ្ងៃបំភ្លេចចោល។

លោក Donald Keene បានសម្រេចចិត្តទៅរស់នៅប្រទេសជប៉ុនក្នុងឆ្នាំ ២០១១ ពេលនោះប្រទេសជប៉ុនកំពុងតស៊ូប្រឈមមុខជាមួយនឹងគ្រោះមហន្តរាយរញ្ជួយដីរលកយក្ស។ គាត់បានឈប់ធ្វើជាសាស្រ្តាចារ្យនៅសកលវិទ្យាល័យសហរដ្ឋអាមេរិក ហើយបានទៅដល់ប្រទេសជប៉ុននៅខែកញ្ញាឆ្នាំ ២០១១ ។

“ខ្ញុំពិតជាសប្បាយទីបំផុតក៏អាចរៀបចំដើម្បីទៅជប៉ុន។ ថ្ងៃនេះផ្ទៃមេឃពេញដោយពពក ប៉ុន្តែតាមកញ្ចក់យន្តហោះខ្ញុំនៅតែអាចមើលឃើញវាលស្រែនៃប្រទេសជប៉ុនតាមចន្លោះពពក។ អ្វីទាំងនេះធ្វើអោយខ្ញុំពិតជារំភើប”។

នេះជាពាក្យសម្តីរបស់លោក Donald Keene បាននិយាយនៅថ្ងៃដែលគាត់ទៅប្រទេសជប៉ុន។ នៅទីបំផុត លោក Donald Keene ក៏អាចក្លាយជាពលរដ្ឋជប៉ុន។ ដោយសារច្បាប់នៃប្រទេសនេះមិនអនុញ្ញាតអោយមានសញ្ជាតិច្រើនមានន័យថា លោក Donald Keene ត្រូវបោះបង់សញ្ជាតិអាមេរិករបស់ខ្លួន។

រដ្ឋាភិបាលជប៉ុនបានប្រគល់មេដាយជូនគាត់ដោយសារគាត់ជួយដល់ផ្នែកអក្សរសាស្រ្តជប៉ុន និងមានគុណសម្បត្តិនាំយកវប្បធម៌ជប៉ុនទៅកាន់ពិភពលោក។

ខាងក្រោមនេះជាវីដេអូនៃកម្មវិធី Radio បានអញ្ជើញ Donald Keene មកធ្វើជាភ្ញៀវ។