គួរអោយរន្ធត់ជាមួយនឹងទារុណកម្មឃោរឃៅនៅសម័យ Edo

ថ្ងៃសៅរ៍ 23/02/2019 | 17:11 ល្ងាច

នេះជាផ្នែកមួយយកចេញពីកំណត់ហេតុប្រចាំថ្ងៃរបស់មនុស្សម្នាក់ជនជាតិអាមេរិចបានទៅដល់ប្រទេសជប៉ុន។

ដីមួយកន្លែងដែលមិនសូវមានស្មៅដុះជិតផ្លូវធំនៅ Shinagawa។ ប្រសិនបើអ្នកក្រឡេកមើលអោយជិត អ្នកនឹងឃើញក្បាលពីរដាក់នៅលើវេទិកាមានកម្ពស់ ៦ feet។

ការពណ៌នាដែលស្មានថាមានតែនៅក្នុងខ្សែភាពយន្តរន្ធត់ ប៉ុន្តែបែរជាធ្លាប់កើតមាន។ នៅក្នុងកំណត់ហេតុខាងលើបានរៀបរាប់ អំពីរបៀបប្រហារជីវិតដ៏ឃោរឃៅក្នុងសម័យនោះ។

ដុតទាំងរស់

ប្រសិនបើត្រូវចោទប្រកាន់ពីបទបង្កអគ្គីភ័យ ការផ្តន្ទាទោសគឺជាការកាត់ទោសប្រហារជីវិតដុតទាំងរស់។

សម័យនោះនៅប្រទេសជប៉ុន ជាពិសេសគឺតំបន់ Kyoto ភាគច្រើនផ្ទះសំបែងសុទ្ធតែធ្វើពីឈើ ងាយស្រួលឆេះ។ ផ្ទះមួយត្រូវឆេះអាចនឹងឆេះបន្តទៅផ្ទះផ្សេងទៀតយ៉ាងលឿន ហើយបង្កការខូចខាតជាច្រើន។ ហេតុនេះការបង្កអគ្គីភ័យត្រូវទទួលការផ្តន្ទាទោសធ្ងន់បំផុត។

រូបភាព https://mag.japaaan.com/archives/91504

នៅក្នុងផ្ទាំងគំនូរនេះនារីម្នាក់នេះត្រូវគេដុតទាំងរស់

ដាក់នៅជុំវិញខ្លួនអ្នកទោសវត្ថុដែលងាយឆេះបន្ទាប់មកអុជភ្លើង រង់ចាំភ្លើងឆេះផ្នែកខាងក្រោមនឹងបន្តដុតដល់ច្រមុះ។ ដំណាក់កាលចុងក្រោយគឺដុតកន្លែងសំខាន់ប្រសិនបើជាបុរស ហើយដុតដើមទូ្រងប្រសិនបើជានារី។

ក្រោយពេលស្លាប់សាកសពរបស់អ្នកទោសនឹងមិនត្រូវបានគេកប់ឡើយ ប៉ុន្តែចោលនៅមាត់ទន្លេដើម្បីព្រមានអ្នកផ្សេង។

ដំដែកគោល

ចងអ្នកទោសជាប់ជាមួយនឹងឈើឆ្កាងបន្ទាប់មកចាប់ផ្តើមដំដែកគោលដូចជាព្រះយេស៊ូ។

កាត់ក្បាល

រូបភាព https://mag.japaaan.com/archives/91504

នេះជារបៀបប្រហារជីវិតដ៏ឃោរឃៅ

ដាក់អ្នកទោសនៅក្នុងប្រអប់ធំមួយហើយកប់ក្រោមដី គ្រាន់តែទុកក្បាលនៅខាងលើ ខាងមុខមានដាក់ផ្លាកមួយសរសេរថា៖

“ប្រសិនបើអ្នកចង់ អ្នកអាចអារកម្នាក់នេះបាន” បន្ទាប់មកអ្នកទោសនឹងត្រូវបានកប់បែបនេះរហូតទាល់តែមានមនុស្សម្នាក់មកកាត់ក្បាល។

ទោះជាយ៉ាងណាក៏មានករណីខ្លះគ្មាននរណាហ៊ានកាត់ក្បាលដែរ ក្រោមមកអ្នកទោសនឹងត្រូវគេអូសឡើងហើយដំដែកគោល។

នៅក្នុងសម័យបច្ចុប្បន្នប្រាកដណាស់ការដាក់ទោសប្រហារជីវិតឃោរឃៅបែបនេះមិនមានទៀតទេ ប៉ុន្តែមេរៀនដែលព្រមានពីសម័យមុនបង្រៀនយើងថាមិនត្រូវប្រព្រឹត្តអំពើអាក្រក់ឡើយ។

អត្ថបទ៖ Kengo Abe