ទំព័រដើម
ជីវិត
ហេតុអ្វីបានជាផ្កាសាគឺរ៉ានៅប្រទេសជប៉ុនក្លាយជាចំនុចពិសេសនៃវប្បធម៌របស់ជប៉ុន?

ហេតុអ្វីបានជាផ្កាសាគឺរ៉ានៅប្រទេសជប៉ុនក្លាយជាចំនុចពិសេសនៃវប្បធម៌របស់ជប៉ុន?

ថ្ងៃសុក្រ 22/02/2019 | 18:23 ល្ងាច

ទោះបីជាផ្កាជាតិរបស់ប្រទេសជប៉ុនគឺផ្កា Chrysanthemum ប៉ុន្តែប្រភេទផ្កាដែលបង្កើតជាចំនុចពិសេសនៃប្រទេសជប៉ុនបែរជាផ្កាសាគឺរ៉ា។

ផ្កាសាគឺរ៉ាធ្លាក់មាននៅក្នុងខ្សែភាពយន្ត រឿង Anime តន្រ្តីចម្រៀង និងសិល្បៈជាច្រើនផ្សេងទៀតរបស់ជប៉ុន។ ប៉ុន្តែតើអ្នកដឹងថាប្រភពរបស់ផ្កាសាគឺរ៉ាមកពី Himalaya នៅលើទឹកដីនៃប្រទេសចិនទេ?

ក្នុងឱកាសបុណ្យចូលឆ្នាំចិនខ្ញុំបានទៅដល់ប្រទេសនេប៉ាល់ កន្លែងដែលមានកំពូលភ្នំ Everest ស្ថិតនៅ Himalaya។ ផ្កាសាគឺរ៉ារីកស្គុះស្គាយនៅតំបន់នេះ ប៉ុន្តែយើងអាចឃើញពីភាពខុសគ្នារវាងផ្កាសាគឺរ៉ានៅប្រទេសផ្សេង និងប្រទេសជប៉ុន។

ផ្កាសាគឺរ៉ានៅប្រទេសនេប៉ាល់ចេញមកពីដើមឈើដុះធម្មជាតិលើភ្នំ។ ផ្កានេះតែងមានពណ៌ផ្កាឈូកដិត ឬស្រាល ខុសជាមួយនឹងផ្កាសាគឺរ៉ានៅប្រទេសជប៉ុនភាគច្រើនមានពណ៌ស ឬលាយផ្កាឈូកស្រាលបន្តិច។ ក្រៅពីនេះផ្កាសាគឺរ៉ានៅប្រទេសជប៉ុនមិនសូវមានស្លឹកច្រើនទេ ហេតុនេះនៅក្នុងរដូវផ្ការីកអ្នកគ្រាន់តែមើលឃើញផ្កាពណ៌សលាយផ្កាឈូករីកលើដើមឈើយ៉ាងស្អាត។ ពូជផ្កានេះត្រូវបានគេហៅថា Yoshino Cherry គឺជាការរកឃើញរបស់ប្រទេសជប៉ុនក្រោយមកនាំទៅប្រទេសផ្សេងទៀត។

Yoshino Cherry ត្រូវបានបង្កាត់ពូជដោយជនជាតិជប៉ុនប្រហែលពី ២០០ ទៅ ៣០០ ឆ្នាំមុន។ នៅសម័យនោះមិនមានឧបករណ៍ជីវវិទ្យាទំនើបៗដូចជាពេលនេះទេ។ ដើម Yoshino Cherry ទោះបីស្អាតប៉ុន្តែមានចំនុចខ្សោយគឺមិនចេញគ្រាប់ច្រើន។

វដ្តបន្តពូជរបស់ផ្កាសាគឺរ៉ាធម្មតាគឺពីផ្កា ចេញផ្លែ ពឹងលើសត្វដែលសុីផ្លែបញ្ចេញជាគ្រាប់ដើម្បីពង្រាយគ្រាប់ទៅកាន់ដើមនៅក្បែរនោះ។ ទោះជាយ៉ាងណាដើម Yoshino Cherry មិនលូតលាស់ជាចង្កោមទោះវាអាចរួមបញ្ចូលជាមួយនឹងដើមសាគឺរ៉ាផ្សេងទៀត។

តាំងពីសម័យនោះជនជាតិជប៉ុនគិតពីវិធីបំបែកមែក (clone) – វិធីសាស្រ្តដែលពេញនិយមនាពេលបច្ចុប្បន្នដើម្បីបង្កាត់ពូជសម្រាប់ដើម Yoshino Cherry។

ការបំបែកមែកឈើត្រូវបានគេធ្វើដូចជា កាត់មែកមួយពីដើមឈើ ហើយដាំវាដោយឡែកដើម្បីអោយវាលូតលាស់ជាដើមឈើមួយផ្សេងទៀត។ ក្រៅពីនេះក៏មានវិធីរួមបញ្ចូលដោយកាត់មែកឈើមួយ ហើយភ្ជាប់វាជាមួយនឹងដើមឈើមួយផ្សេង។

ការកាត់បំបែកមែកគឺជាវិធីសាស្រ្តដែលពេញនិយមពេលបច្ចុប្បន្ន។ ប៉ុន្តែអ្វីដែលភ្ញាក់ផ្អើលគឺ ២០០ ទៅ ៣០០ ឆ្នាំមុនជនជាតិចេះប្រើវិធីនេះទៅហើយ។

ប៉ុន្តែក៏មានសំណួរជាច្រើនទាក់ទងនឹងការលូតលាស់របស់ Yoshino Cherry សូម្បីតែបច្ចេកវិទ្យាពិនិត្យ DNA ក៏មិនអាចបកស្រាយបានទាំងអស់ដែរ។

ក្រៅពីការលូតលាស់មិនសូវច្រើន Yoshino Cherry ថែមទាំងមានភាពធន់ទ្រាំខ្សោយ ហើយមានអាយុកាលខ្លី។ ប៉ុន្តែជនជាតិសម័យមុនបានរកឃើញវិធីសម្រាប់ដោះស្រាយបញ្ហានេះ។

ពិតជារីករាយដោយសារតែបច្ចុប្បន្នអាចមើលឃើញដើម Yoshino Cherry នេះនៅគ្រប់កន្លែងទូទាំងប្រទេសជប៉ុន និងនៅលើពិភពលោក។ ទោះបីជាប្រភពរបស់ផ្កាសាគឺរ៉ាមិនមកពីប្រទេសជប៉ុន ប៉ុន្តែជនជាតិជប៉ុននៅតែមានមោទនៈភាពដោយសារតែគំនិតបំបែកមែកឈើ និងការដាំផ្កាសាគឺរ៉ារបស់ពួកគេ។

អត្ថបទ៖ Kengo Abe