គ្រាន់​តែ​ឈរជនជាតិ​ជប៉ុន​​ធ្វើ​អោយ​ពិភព​លោក​យល់​ថាពួក​គេ​ប្រញាប់​ប្រញាល់ដែរ

ប្រជាជនជប៉ុន​​ជា​ជាតិ​សាសន៍​ដើរ​ថ្មើរ​ជើង​​លឿន​ នេះ​ជា​អ្វី​ដែល​នរណា​ក៏​ឃើញ​ពេល​ដែល​ទៅ​កំ​សាន្ត​នៅ​ប្រទេសជប៉ុន ឬ​អាច​មើល​តាម​រយៈខ្សែ​ភាព​យន្ត ព័ត៌មាន​។ ទោះ​បី​មិន​មែន​ទាំង​អស់គ្នា​ប៉ុន្តែដោយ​សារ​តែ​រូប​រាង​ប្រញាប់​ប្រញាល់ ជំ​ហាន​ជើង​វែង និង​​ដើរ​យ៉ាង​រហ័សធ្វើ​អោយ​ពួក​យើង​យល់​ថា កន្លែង​នេះ​ពិត​ជា​មមាញឹកហើយ​ហាក់​ដូចជា​មនុស្ស​គ្រប់​គ្នា​​​ស្ថិត​នៅ​ក្នុង​រង្វិល​ជុំ​នៃ​ជីវិត​​។

សូម្បី​តែ​មិន​មែន​ជា​ជន​ជាតិ​ជប៉ុន​អ្នក​ក៏​មាន​អារម្ម​ណ៍​ថា​បើ​មិន​ដើរ​ទៅ​មុខនោះ​នឹង​ត្រូវ​នរណា​ម្នាក់ដើរ​ពី​ក្រោយ​រុញ​ច្រានឬក៏​រា​រាំង​មនុស្ស​នៅ​ជំុវិញ​ខ្លួន​។ ហេតុ​ដូច្នេះ​មនុសុ្ស​នៅ​ពី​ក្រោយ​បង្កើត​ជា​សម្ពាធ សម្រាប់​មនុស្ស​នៅ​​មុខធ្វើ​អោយ​ល្បឿន​កាន់​តែ​លឿន​មិន​អាច​យឺត​​វិញ​ទេ។

រូបភាព https://studyhacker.net/

ប៉ុន្តែ​ប្រសិន​បើ​ចាប់​អារម្មណ៍​បន្តិច​មិន​ត្រឹម​តែ​ការ​ផ្លាស់​ប្តូរ​ចលនា​ទើប​ធ្វើ​អោយ​ប្រទេសជប៉ុន​ក្លាយ​ទៅ​ជា​រហ័ស​រហួន​ មមាញឹក​ទេ សូម្បី​តែពេល​មនុស្ស​ឈរ​នៅ​មួយ​កន្លែង​ក៏​អាច​មើល​ឃើញ​ពីភាព​ប្រញាប់​ទាំ​ង​នោះដែរ។

តើ​អ្នក​កំ​ពុង​គិត​ពី​អ្វីមួយ​ដែល​ខុស​? ទោះ​យ៉ាង​ណា​ តាម​រយៈចំ​នុច​ទាំង​បីខាងក្រោម​​អាច​មាន​តែ​​ប្រទេស​ជប៉ុន​។ ​Japo នឹង​បញ្ជាក់​សម្រាប់​អ្នក​ទាំង​អស់​គ្នា។

​ឈរបិរភោគ​ – Tachigui 

​ឈរញ៉ាំ​ជា​វិធី​ពេញ​និយម​នៅ​ភោជនីយ​ដ្ឋាន​ Buffet នៅប្រទេសមួយ​ចំនួន​។ ​អ្នក​បាន​ចាប់​អារម្មណ៍ទេ ទោះ​បី​ជា​និយម​ន័យ​ថា Buffet ជា​ពិធី​ជប់​លៀងឈរ​ ប៉ុន្តែ​តែង​តែ​មាន​កៅអីសម្រាប់​ភ្ញៀវ​អង្គុយ​។ និយាយ​អោយ​ត្រូវ​ជា​ង​នេះ Buffet ជា​លក្ខណៈទៅ​យក​ម្ហូប​ញ៉ាំ​ដោយ​ខ្លួន​ឯង​ជាជាង​ឈរញ៉ាំ​។

ចំណែក​នៅ​ប្រទេសជប៉ុន​ឈរ​ញ៉ាំ​ពិត​ប្រាកដ​ជា​ឈរ​ផង​ហើយ​ញ៉ាំ​ផង​ដោយ​មិន​មាន​កៅ​អី​ណា​មួយ​នោះ​ទេ។

កន្លែង​ដែល​អ្នក​ងាយ​ប្រទះ​ឃើញ​ Tachigui គឺ​ជា​ហាង​ Ramen, Udon, Soba តូច​នៅ​ជុំ​វិញ និង​នៅ​ខាង​ក្នុង​ស្ថានីយ៍ ឬ​នៅ​កន្លែង​រង់​ចាំ​រថ​ភ្លើង​ (Ho-mu)។ ទោះ​ហៅ​ថា​ហាង​ប៉ុន្តែ​វា​គ្រាន់​តែ​ជា​ Kios តូច​មួយ​។ ភាគ​ច្រើន​កន្លែង​ទុក​សម្រាប់​ចម្អិន​ម្ហូប​ កន្លែង​ដែល​ចុង​ភៅ​ត្រូវ​ឈរ និង​បម្រើ​មុខ​ម្ហូប​។ កន្លែង​ចម្អិន​ និងកន្លែង​ដែល​​​ភ្ញៀវឈរ​ មាន​កន្លែងឃាំង​ចំ​កណ្តាល​នេះ​ក៏​ជា​តុបិរភោគ​សម្រាប់​នរណា​ដែល​មក​ដល់​ហាង​ ​​Tachigui។ ឈរ​ផង​ហើយ​ញ៉ាំ​ផង​ បន្ទាប់​មក​ប្រញាប់​ប្រញាល់រត់​តាម​រថ​​ភ្លើង​ទើប​តែ​ចូល​ចំ​ណត។

រូបភាព​ខាង​ក្រោម​នឹង​ជួយ​អ្នក​យល់​អំ​ពី Tachigui។ ហាង​មួយ​ចំ​នួន​បែប​នេះ​នឹង​ពិបាក​ពេល​រដូវ​រំ​ហើយ​ដោយ​សារ​តែ​គ្មាន​ទ្វា​ទប់ខ្សល់​ត្រជាក់។

រូបភាព http://main-dish.com/

បុគ្គលិក​ការិ​យា​ល័យ​តែង​តែ​ឈាន​ចូល​ហាង Tachigui បែប​នេះ​ដើម្បី​ញ៉ាំ​អោយ​ឆ្អែត​ហើយ​ប្រញាប់​​ត្រលប់​ទៅ​កន្លែង​ធ្វើ​ការ​វិញ។

រូបភាព https://syoso-chunen.blog.so-net.ne.jp/

មក​បរិភោគ​អាហារ​ក៏​ត្រូវ​តែប្រញាប់​ដែរ ស្ថិត​ក្នុង​ឥរិយា​បថត្រៀម​ខ្លួន​ជាស្រេច “ឡើង​រថ​ភ្លើង​” បែប​នេះ​ពិ​ត​ជា​គួរ​អោយ​អាណិត​។

ឈរផឹក​ – Tachinomi ភាសាជប៉ុន​

មាន​ឈរបិរភោគប្រាកដ​ជា​នឹង​មានការឈរ​ផឹក​។ រាល់​ហាង​ដែល​ “ឈរផឹក​” ក៏​ជា​កន្លែង​សម្រាប់បុគ្គលិក​ការិយា​ល័យ​ ក្រោយ​ម៉ោ​ងធ្វើ​ការ​។ ដោយ​សារ​តែ​ភាព​ពិសេស​ទាំង​នេះ ទើប​ធ្វើ​អោយ​គ្មាន​នរណា​​នៅ​យូរ​ គេ​តែង​តែ​ឈាន​ចូល​​ផឹក​ប៉ុន្មាន​​កែវ​ ញ៉ាំ​ម្ហូប​ខ្លែម ហើយ​​ចេញ​ទៅ​វិញ។

ចំនុចពិសេស​នៃ​ហាង​ Tachinomi មើល​ទៅ​ចង្អៀត​ គ្រាន់​តែ​គ្រប់​សម្រាប់​តុ​មួយ​ចំ​នួនតូច​​ និង​មាន​កន្លែង Courter។ ហើយ​តម្លៃ​ក៏​ថោកជាង​ហាង​​ស្រា​ដែល​មាន​កៅ​អី​អង្គុយ​ផ្សេង​ដែរ​។

រូបភាព https://news.walkerplus.com/

ក្រៅ​ពី​ហាង​ស្រា​នៅ​ទី​ក្រុង​ដូច​ជា Tokyo មាន​ Bar ឈរ​ហៅ​ជា Standing Bar។ តម្លៃ​ថោក​ជា​ង​ច្រើន​​ប្រៀបជាមួយ​នឹង​កន្លែង​ផ្សេង។

រូបភាព https://tabelog.com/

ឈរ​ដេក​ – Tachine 

ដេក​នៅ​លើ​រថ​ភ្លើង​​ជា​រូប​ភាព​​ប្រទះ​​ឃើញ​​ច្រើន​របស់​ប្រជាជន​ជប៉ុនក្នុង​ភ្នែក​របស់​ជន​បរទេស។​ គ្រាន់​តែ​ឡើង​រថ​ភ្លើង​ភ្លាម​ពួកគេអាច “ដេក​លក់” ហើយ​ចុះ​ត្រូវ​ចំ​ណត​ដែលខ្លួន​ចង់​ នេះ​ជា​ទេព​កោ​​សល្យ​ដែល​ឆ្លង​កាត់​បទ​ពិសោធ​ច្រើន​។

ហើយ​អ្វី​ដែល​ពិសេស​ជាង​នេះគឺ​ជំ​នាញ​ខាង​ឈរ​ដេក​។ នេះ​ជា​ទិដ្ឋភាព​ឃើញ​ច្រើន​ពេល​ដែល​រថ​ភ្លើង​ចង្អៀត​។ មនុស្ស​ប្រជ្រៀតគ្នា​រហូត​ដល់​ត្រូវ​ឈរ​ផ្អែក​ម្នាក់​ទៀត​ដើម្បី​អាច​ឈរ​នឹង​ ដូច្នេះ​ហើយ​ពួក​គេ​នៅ​តែ​អាច​ដេក​បាន​ ពិត​ជាពូកែមែន​។

ក្រៅ​ពី​នេះក៏​មាន​ករណី​ខ្លះ​ប្រជាជន​ជប៉ុន​គ្រាន់​តែ​បិទ​ភ្នែក​បន្តិច​ដើម្បីសម្រាក។ ប៉ុន្តែ​ពេល​ដែល​បែប​នេះក៏​ពិបាក​រក្សា​លំ​នឹង​រាង​កាយ​ ដើម្បី​ជៀស​វាង​ការ​ប៉ះ​ទង្គិច​ពេល​ដែលរថ​ភ្លើង​ឈប់​ និង​ចេញ​ដំ​ណើរ។

វិធី​​ឈរ​ដែល​សុវត្ថិ​ភាព​​សរុប​ពី​បទ​ពិសោធ​មនុស្ស​ជា​ច្រើន​គឺ​រូបភាព​នេះ។

រូបភាព http://web-pal-pub.jp/

ក្រៅពី​ដេក​ដោយ​មិន​ដឹង​ខ្លួន​របស់​ប្រជាជន​ជប៉ុន​ដែល​ហត់​នឿយ​ពេល​ដែល​ជិះ​រថ​ភ្លើង​ នេះ​អាច​ជា​របៀប​ដេក​ដែល​ល្អ​បំ​ផុត​ និង​ទាម​ទារ​ការ​ហ្វឹក​ហាត់​ច្រើន។

រូបភាព http://blog.livedoor.jp/

មើល​រូប​រាង​ឈរ​ផង​ហើយ​ដេក​ផង​បែប​នេះប្រាកដជា​នរណា​ក៏​ដឹង​ពី​ភាព​នឿយ​ហាត់​ដែល​​ធ្វើ​ការ​​ពេញ​មួយ​ថ្ងៃ។

ខាង​លើ​នេះ​ជា​ចំ​នុច​ទាំង​បីអ្នកអាច​មើល​ឃើញ​ពី​ភាព​ប្រញាប់​ប្រញាល់របស់​ប្រជាជន​ជប៉ុនតាម​រយៈ​ទិដ្ឋភាព​ខុស​គ្នា។ គ្រាន់​តែ​ពួក​គេ​ឈរ​ផង​ហើយ​ធ្វើ​អ្វី​មួយ​ក៏​អាចឃើញ​ថា​រង្វិល​ជុំជី​វិត​​នៃ​ប្រទេសជប៉ុន​មមាញឹក​កម្រិត​ណា។ ប្រញាប់​មក​ ហើយ​ក៏​ប្រញាប់​ទៅ ពិត​ជា​ប្រជាជន​ជប៉ុន​មែន​។

អត្ថបទ៖ Chee

មើលបន្ថែម: