ប្រទេសជប៉ុនដំ​ណើរ​ការផ្តល់​ផ្ទះស្នាក់​នៅ ព្រោះ​បញ្ហា​ផ្ទះ​ទំនេរ​ច្រើន

Tokyo គឺជាទី​ក្រុង​មួយ​ដែល​មាន​អគារ​ច្រើន​កុះ​ករ​ បំ​ផុត​លើ​ពិភព​លោក។ ដើម្បី​អាច​រស់​នៅ​ក្នុង​ទីក្រុង​នេះ ចំ​ណូល​របស់​អ្នកត្រូវ​តែ​នឹង​នរដោយ​មិន​ទាន់​និយាយ​ពីការ​ទិញ​ផ្ទះ​នៅ​ឡើយ​ទេ។

មិន​ត្រឹម​តែ​​ជន​បរទេសប៉ុណ្ណោះទេ​ សូម្បី​តែ​ប្រជាជន​ជប៉ុន​ក៏​សង្ឃឹម​ថា​មាន​ផ្ទះ​មួយ​ខ្នងនៅ Tokyo។ ពេល​និយាយ​ដល់ Tokyo មិន​មែន​ពេញ​ទៅ​ដោយ​តំបន់​ពាណិជ្ជ​កម្ម​ដូចជា Shibuya ឬ Shinjuku ទេ។ នៅ Tokyo មាន​កន្លែង​មួយ​ហៅ​ថា Hinohara Mura (ភូមិ Hinohara)។

រូបភាព Excite

នោះគឺ​ជា​ភូមិ​មួយ​​ដែល​មាន​ទី​តាំង​នៅ​ភាគ​ខាង​លិច​ទី​ក្រុង Tokyo។ មិន​សូវ​មាន​អ្នក​ដឹង​ពី​វត្ត​មាន​នៃ​កន្លែង​នេះទេ​​ ទោះ​បី​ជា​កន្លែង​នេះ​ស្ថិត​ក្នុង​ Tokyo។ ក្នុង​ឆ្នាំ ១៩៦០ ភូមិ​នេះមានចំ​នួន​ប្រជាជន​សរុប ៧០០០ នាក់​ប៉ុន្តែ​រហូតមក​ដល់​បច្ចុប្បន្ន បាន​ថយ​ចុះសល់​តែ ២២០០នាក់។ នៅទី​នេះ​មាន​ផ្ទះជាង ២០០ ​ខ្នង​ដែល​ត្រូវបោះ​បង់​ចោល។

មិនមែនមាន​តែ​ភូមិ Hinohara យោងតាមទិន្នន័យស្រាវជ្រាវ ក្នុង​ចំ​នួន​ផ្ទះ ៧​ខ្នងនៅ​ជប៉ុន​នឹង​មាន​ផ្ទះ​មួយខ្នង​​ទុក​ចោល។ ជាមួយ​នឹង​ផ្ទះ​ដែល​ទុក​ចោល​ទាំង​នេះ ទោះ​បីជាលក់​ក៏​គ្មាន​អ្នក​ទិញ ហេតុ​នេះ​ម្ចាស់​ផ្ទះ​សម្រេច​ចិត្ត​ដាក់​ជួលជាមួយ​នឹង​តម្លៃដូចជា​ស្មើ​សូន្យ។ ហើយ​ពួកគេ​ថែម​ទាំង​ត្រូវ​ចំណាយ​ប្រហែល​ ២,២០០,០០០យេន​ថ្លៃជួសជុលផ្ទះ។

រូបភាព /大分県国東市の空き家バンクがスゴい！/

បច្ចុប្បន្ន​ការ​ប៉ាន់​ប្រមាណ​នៅ​ទូ​ទាំង​ប្រទេសជប៉ុន​មាន​ផ្ទះប្រហែល ៨,២០០,០០០ ខ្នង ​ដែល​បោះត្រូវ​​បង់​ចោល បើ​គិត​ដល់​ឆ្នាំ ២០៣៣ ចំ​នួន​នេះ​នឹង​កើន​ឡើង​រហូត​ដល់ ២០,០០០,០០០។

មូលហេតុ​នៃបាតុ​ភូត​នេះ គឺ​មក​ពី​ប្រជាជន​ប្រមូល​ផ្តុំ​គ្នា​នៅ​ទី​ប្រជុំ​ជន នាំ​អោយ​ផ្ទះ​នៅ​តំ​បន់​ជន​បទ​ត្រូវ​គេ​បោះ​បង់​ចោល។

តើ​អ្នក​ធ្លាប់​គិត​ថាប្រសិន​បើ​អ្នក​មាន​កម្មសិទ្ធិ​ផ្ទះ​នៅ Tokyo (ទោះ​បី​ជា​កន្លែង​ស្ងាត់ដូចជា​ភូមិ Hinohara) អ្នកអាច​​មាន​ឱកាស​ក្លាយ​ទៅ​ជា​ពល​រដ្ឋ Tokyo និង​ទទួល​បាន​អត្ថប្រយោជន៍​ជាច្រើន​។

អត្ថបទ៖ Kengo Abe