Hatsuyume ការទាយក្នុងឆ្នាំថ្មី តាមរយៈសុបិន្តរបស់ប្រជាជនជប៉ុន

ថ្ងៃអង្គារ 15/01/2019 | 20:27 ល្ងាច

Hatsuyume (初夢) មានន័យថាសុបិន្តដំបូងក្នុងឆ្នាំថ្មី។ តាមប្រពៃណីប្រជាជនជឿថាសុបិន្ តនឹងទាយឃើញនូវអ្វីដែលអ្នកនឹងទទួលបានសម្រាប់ឆ្នាំថ្មី។ ហេតុនេះ Hatsuyume គឺជាសុបិន្តដែលមានក្នុងថ្ងៃដំបូងនៃខែមករា។ ដូច្នេះនៅក្នុងប្រតិទិនរបស់ជនជាតិជប៉ុនថ្ងៃទី ២ ខែមករា ត្រូវបានគេហៅថា Hatsuyume។

ចុះសុបិន្តបែបណាដែលចាត់ទុកថាសំណាងល្អ?

នៅប្រទេសជប៉ុនមានសុភាសិតមួយទាក់ទងនឹង Hatsuyume នោះគឺ Ichi Fuji, Ni Taka, San Nasubi (តាមន័យទូទៅ៖ ទីមួយគឺ ភ្នំ Fuji ទីពីរគឺសត្វស្ទាំង ទីបីគឺ ផ្លែត្រប់)។ សុបិន្តដែលសំណាងបំផុតនោះគឺ ភ្នំ Fuji។ ជំនឿនេះមានតាំងពីដើមនៅសម័យ Edo។ គេក៏ហៅមេទ័ព Tokugawa leyasu ជាអ្នកដែលចូលចិត្តសុភាសិតខាងលើ។ មិនត្រឹមតែប៉ុណ្ណោះ ផ្នែកខាងក្រោយនៃឃ្លាជា Yon Sen, Go Tabako, Roku Zato (តាមន័យទូទៅ៖ ផ្លិត ៤, បារី ៥, ជីបចរខ្វាក់ ៦)។ ទោះបីជាយ៉ាងណាវាមិនពេញនិយមដូចជាចំនុចបីដំបូងទេ។

សូមស្វែងយល់អោយបានច្បាស់លាស់ទាំងអស់គ្នាក្នុងសុបិន្តកំពូលទាំង ៣ នៃសុបិន្តសំណាងបំផុតរបស់ប្រជាជនជប៉ុន។

១. ភ្នំ Fuji

សុបិន្តឃើញ ភ្នំ Fuji ត្រូវបានគេយល់ថាល្អ ដោយសារតែជាភ្នំដែលខ្ពស់បំផុតនៅប្រទេសជប៉ុន តំណាងអោយភាពជោគជ័យ ឬទទួលបានសមិទ្ធផលល្អ។ សុបិន្តឃើញបារី ក៏មានន័យប្រហាក់ប្រហែលព្រោះពេលផ្សែងហើរឡើងដូចជាឆ្ពោះទៅរកកម្រិតមួយថ្មី។ Fuji ក៏បញ្ចេញសំឡេងដូចទៅនឹងពាក្យ Fushi មានន័យថាអមតៈ។

២. សត្វស្ទាំង

សត្វស្ទាំងគឺជាសត្វដែលមាំមួន និងឆ្លាត តែងហោះហើរនៅចម្ងាយខ្ពស់ ហើយឆ្ងាយពីផ្ទៃដី។ ទន្ទឹមនឹងនោះ ពាក្យ Taka ក្នុងភាសាជប៉ុនក្រៅពីន័យសត្វស្ទាំង ថែមទាំងសំដៅទៅលើភាពអស្ចារ្យ។

៣. ផ្លែត្រប់

ផ្លែត្រប់ក៏ជាសុបិន្តដែលសំណាងទោះបីជាមិនសំដៅទៅលើការអភិវឌ្ឍខ្លាំង។ គេនិយាយថាផ្លែត្រប់ត្រូវបានគេរើសជាលំដាប់ទីបី ដោយសារតែពីបុរាណវាពិតជាថ្លៃ។ លើសពីនេះទៅទៀតពាក្យ Nasu នៅក្នុងភាសាជប៉ុនក៏អាចមានន័យថាសមិទ្ធផល។

Takarabune

ក្នុងសម័យសក្តិភូមិ Hatsuyume ត្រូវបានគេយកចិត្តទុកដាក់យ៉ាងខ្លាំងហើយអ្នកទាំងអស់គ្នាសុទ្ធតែព្យាយាមដើម្បីមានសុបិន្តដ៏ល្អ។ នៅសម័យ Muromachi គេថែមទាំងអោយដាក់ផ្ទាំងគំនូរមួយ Takarabune (គំនូរនៃនាវាកំណប់មួយជាមួយនឹងក្ដោងមានអក្សរ Kanji មានឈ្មោះកំណប់) បន្ទាប់មកដាក់វានៅក្រោមខ្នើយ។ ព្រះសំណាងទាំង ៧ ត្រូវបានដាក់រួមគ្នានៅលើនាវា។ ប្រសិនបើអ្នកសុបិន្តអាក្រក់ ពេលដែលបានប្រើ Takarabune នោះអ្នកអាចកំចាត់សំណាងអាក្រក់ដោយបោះវាទៅក្នុងទន្លេ។

តើក្នុងថ្ងៃចូលឆ្នាំដែលបានកន្លងទៅអ្នកយល់សុបិន្តឃើញអ្វី?

ប្រភព http://jpninfo.com/38217

អត្ថបទ៖ Neko