ភោជនីយ​ដ្ឋាន​លក់​ម្ហូប​ក្នុង​តម្លៃ​ថោក ហើយធានាទាំងគុណភាព​​​នៅ​កណ្តាល​រដ្ឋធានី Tokyo ?

នៅ​កណ្តាល Shinjuku មជ្ឈ​មណ្ឌលនៃរដ្ឋធានី Tokyo ជាកន្លែង​មួយដែល​​មាន​តម្លៃ​ថ្លៃបំផុត​នៅ​លើ​ពិភព​លោក​ ប៉ុន្តែ​បែរជា​មាន​ភោជនីយ​ដ្ឋាន​តម្លៃ​ថោក​មួយ​គួរ​អោយ​ភ្ញាក់​ផ្អើល​។

រូបភាព https://www.hotpepper.jp/mesitsu/entry/maiko-kudou/16-00319

តើ​អ្នក​ធ្លាប់គិត​ពីថា ​ការ​ញ៉ាំ​ឈុត​ម្ហូប​គ្រប់​គ្រាន់​ជាមួយ​នឹង​តម្លៃត្រឹម​តែ​ ២៨៨ យេនប៉ុណ្ណោះដែរឬទេ​?

រូបភាព https://www.hotpepper.jp/mesitsu/entry/maiko-kudou/16-00319

មី​អី​តាលីមាន​តម្លៃ​កាន់​តែ​ភ្ញាក់​ផ្អើល​ គឺត្រឹមតែ ៨០យេន។ ប៉ុន្តែ​គួរ​អោ​យ​ចាប់​អារម្មណ៍​ជាង​នេះទៅ​ទៀត នោះ​គឺពត៌មាន​នៅ​លើ​ក្តារមួយ​នេះ​។

រូបភាព https://www.hotpepper.jp/mesitsu/entry/maiko-kudou/16-00319

ប្រសិនបើវិក័យប័ត្រការទូទាត់របស់​អ្នក​ច្រើន​ជាង​​ ៣០០០យេន​ អ្នក​គ្រាន់​តែ​សង ៣០០០យេន​ក៏​បាន។

ធម្មតា​មនុស្ស​គ្រប​់​គ្នា​មាន​គំ​និត​ “អ្វី​ដែល​ថោក​ជា​របស់​ខ្ញុំ” ជាមួយនឹង​តម្លៃ​ថោក​គួរ​អោយ​ភ្ញាក់​ផ្អើល​បែប​នេះ ភោជនីយ​ដ្ឋាន​ប្រាកដ​ជា​មិន​អាច​ជៀស​វាងពី​ការ​វាយ​តម្លៃ​អាក្រក់លើ​គុណ​ភាព​ម្ហូ​បទេ​​។ ហេតុ​នេះ​មិន​ចាំ​បាច់​បក​ស្រាយយ៉ាង​​វែង​អន្លាយ​ ភោជនីយ​ដ្ឋាន​បាន​បញ្ជាក់​ពី​សុវត្ថិ​ភាពរួម​ទាំង​វត្ថុ​ធាតុ​ដើម និង​គ្រឿង​ទេសដែល​បាន​ប្រើ។

ពេល​ដែល​នាំចូល​វត្ថុ​ធាតុ​ដើម ម្ចាស់​ភោជនីយ​ដ្ឋាន​បាន​បញ្ចុះ​បញ្ចូលខាង​អ្នក​ផ្គត់​ផ្គ​ង់​ផ្តល់​ទំ​និញ​ជា​មួយនឹង​តម្លៃ​ទាបបំ​ផុត​ប្រៀប​ទៅនឹង​តម្លៃ​ដើម ហើយ​មិន​បន្ថែម​តម្លៃ។ ហេតុ​នេះ​ហើយ​បាន​ជា​តម្លៃ​ម្ហូប​នៅ​ទី​នេះ​ថោក​ដល់​ម្លឹង​។

ថ្មី​ៗនេះ ម្ចាស់​ភោជនីយ​ដ្ឋាន​បាន​បន្ថែម​គោល​ការណ៍ ឥត​គិត​ថ្លៃ​សម្រាប់ក្មេង​​ប្រសិន​បើ​ក្មេងៗ​អាច​ញ៉ាំអោយ​អស់ឈុត​ម្ហូប​របស់​ខ្លួន​ឯងនៅ​ភោជនីយ​ដ្ឋាន​។

ដោយបានស្គាល់​លោក Amano ហើយ​(ម្ចាស់​ភោជនីយ​ដ្ឋាន​) មាន​កុមារ​ភាព​ជាប់​ទាក់​ទង​ជាមួយ​នឹង​មណ្ឌល​កុុមារ​កំ​ព្រា។ វ័យ​កុមារភាព​-ជាវ័យ​ដែល​គ្មាន​ការ​ព្រួយ​បារម្ភ​ ស្មាន​ថា​ល្អ​បំ​ផុត​ក្នុង​ជីវិ​តរបស់​គាត់​ តែបែរជា​ស្ថិត​នៅ​ក្នុង​ស្ថាន​ភាព​ញុាំព្រឹកខ្វះល្ងាច ញុាំល្ងាចខ្វះព្រឹក ​​ពិត​ជា​លំ​បាកណាស់។ ដោយ​សារ​តែ​មិន​ចង់​អោយ​ក្មេង​ណា​មួយ​ ត្រូវ​ឆ្លង​កាត់​ជីវិត​ដូច​ខ្លួន ​លោក​ Amano ​ចាប់​ផ្តើម​ជា​មួយនឹង​គំ​និត​បើក​ភោជនីយ​ដ្ឋាន​។

គាត់​បាន​និយាយ​ “ពេល​នោះ​ពិត​ជា​ឃ្លាន​ណាស់ ជាញឹក​ញាប់​គ្មាន​ម្ហូប​សម្រាប់​ញ៉ាំ ឃ្លាន​រហូត​ដល់​ថ្នាក់​មិន​អាច​ធ្វើ​ចលនាបាន​។ ខ្ញុំ​ពិត​ជា​មិន​អាច​គិតពី​អ្វី​ដែល​នឹង​កើត​ឡើង​បន្ថែម​ទៀតទេ​។ ប្រសិន​បើ​អ្នក​មិន​បាន​បំ​ពេញ​ក្រពះរបស់​ខ្លួន​ អ្នក​នឹង​មិន​មាន​កម្លាំង​សម្រាប់​គិត​ដល់​ថ្ងៃ​ស្អែក​”។

ការ​សង្កត់​ធ្ងន់​របស់លោក​​ Amano ត្រូវ​បាន​សរសេរ​នៅ​ខាង​ក្នុង​ភោជនីយ​ដ្ឋាន​។ មិន​សប្បាយ​ចិត្តត្រូវ​តែ​ញ៉ាំ ញ៉ាំហើយ​អាច​គិត​បន្តទៀត​

អ្នក​ណាក៏អាច​និយាយថា​ Tokyo គឺ​ជា​ទីក្រុង​មួយ​ដែល​គ្មាន​ចិត្ត​ ពោពេញ​ទៅ​ដោយ​មនុស្ស​ដែល​អាត្មា​និយម។ ប៉ុន្តែតើ​​រឿង​នេះអាច​​ធ្វើ​អោយ​អ្នកយល់​ពី​អារម្មណ​៍​កក់​ក្តៅ​ ហើយ​មាន​ជំ​នឿ​បន្តិច​នៅ​ក្នុង​ជីវិត​ដែរទេ?

អត្ថបទ៖ Kengo Abe

មើលបន្ថែម: