ស្វែង​យល់​ពី​ដែន​ដី​ដែល​គេគិតថាមាន​មនុស្ស​ “អមតៈ”

ដោយ​មាន​ឈ្មោះ​ថា​ជា​ដែន​ដី​របស់​មនុស្ស​ដែល​ “អមតៈ” កោះ Okinawa នៅ​ខាង​ត្បូង​ប្រទេស​ជប៉ុនបាន​ធ្វើ​អោយ​មាន​ការ​ចាប់​ អារម្មណ៏​​យ៉ាង​ខ្លាំង​របស់​អ្នក​ដែល​មាន​អាយុជាង​ ៨០ឆ្នាំ​។

ដែន​ដីដែល​ដាច់​ស្រ​យាល​ Kohama ស្ថិត​នៅ​កោះ​ Okinawa ត្រូវ​បាន​គេអោយ​ឈ្មោះ​ថា​ដែន​ដី ​របស់​មនុស្ស​ដែល​រស់​នៅ​ “អមតៈ”។

អ្វី​ដែល​គួរ​អោយ​ចាប់​អារម្មណ៏​នៅ​ដែន​ដី​នេះ ​​គឺ​មាន​ក្រុម​តន្រ្តីស្រ្តី ឈ្មោះ​ថា​ KBG48 ។​ អ្នក​​ដែល​មាន​អាយុ​តិច​ជាង​គេ​នៅ​ក្នុង​ក្រុម​ តន្រ្តីនេះ​គឺ ៨០ឆ្នាំ​ ហើយ​អ្នក​ដែល​មាន​អាយុ​ច្រើន​ជាង​គេគឺ​ដល់​ទៅ ១០០​ឆ្នាំ។

នៅ Kohama មាន​ស្ថាន​ភាព​មួយ​កើត​ឡើង​គឺ “Chomei da ne” មាន​ន័យ​ថា​មនុស្ស​ទាំង​អស់​សុធ​តែ​រស់​នៅ​បាន​យូរ។

អ្នក​ស្រី​ Natsuko Maenaka 84 ឆ្នាំបាន​អោយ​ដឹង​ថា​ ឪពុក​របស់​ គាត់មាន​អាយុ​រហូត​ដល់​ទៅ​ ៩២ឆ្នំា។ នៅ​ពេល​នោះ​​គាត់​រស់នៅរហូត​ដល់​ទៅ​អាយុជាង១០០​ឆ្នាំ​ ។ ប៉ុន្តែ​ឥ​ឡូវ​នេះ​ អ្វីដែលគេដឹងកាន់តែច្បាស់នោគឺថា ​មនុស្ស​នៅទីនេះ​សុធតែ​រស់​បាន​យូរ​ដូច​ៗគ្នា​។

ភាព​ល្បីល្បាញ​របស់​ KBG48 មិន​សូវជាពេញ​និយម​នៅ​ប្រ​ទេស​ជប៉ុនប៉ុន្មានទេ នៅ​ទី​នេះ​បាន​អោយ​យើង​ដឹង​ថា​​ “ប្រ​ទេស​ដែល​មាន​មនុស្ស ​រស់នៅបាន​យូរ” ដោយសារ​តែ​ប្រជា​ជន​ភាគ​ច្រើន​រស់​នៅ​យ៉ាង​ហោច​ណាស់​ក៏​មាន​អាយុ​ ៦៥ឆ្នាំដែរ។

នៅ​ឆ្នាំ​ ២០១៧​ ប្រទេស​ជប៉ុន​មាន​ប្រជាជនប្រហែល​ ៦៧,៨២៤នាក់ ដែលមានអាយុចាប់​ពី ១០០​ឆ្នាំ​ឡើង​ទៅ​ ។ ​ទោះ​បីជា​មនុស្ស​ដែល​រស់​នៅ ១០០ ឆ្នាំនៅ​ទូ​ទាំង​ប្រទេស​ក៏​ដោយ ​ប៉ុន្តែ​នៅ​ Okinawa ភាគ​រយរបស់​ប្រជាជន​ដែល​រស់​នៅបានយូរ គឺ​ជាភាគ​រយ​ដែលច្រើន​ជាង​គេ​នៅ​លើ​ពិ​ភព​លោក។

ប្រជាជនជាង​ ១០០០ នាក់​អាយុ ១០០ ​ឆ្នាំ​ Okinawa បាន​ទទួល​កេរិ្ត៏​ឈ្មោះ​ថា “ដែន​ដី​របស់​មនុស្ស​ដែល​អមតៈ” គឺ​ជា​ទី​តាំង​មួយ​ក្នុង​ចំណោមបីទីតាំង​ “តំបន់​ពណ៌​បៃតង​” នៅ​ទូ​ទាំង​ប្រ​ទេស​ ជា​កន្លែង​ដែលប្រជា​ជន​រស់​នៅ​មាន​អាយុ​វែង​ជាង​មធ្យម។

តាម​រយ:លោក​ John Roland Beard នៃ​អង្គ​ការ​សុខ​ភាព​ពិភព​លោក “មនុស្ស​ទាំង​អស់​មាន​គំនិត​ស្វែង​រក​នូវ​អ្វី​ដែល​ប្លែកដូច​ជា ​មនុស្ស​ដែលរស់​នៅ​លើ​កោះ​ Okinawa ​​”។

អ្នកទាំង​អស់​ដែលជា​ សមាជិក​របស់​ KBG48 រស់​នៅ​តាម​បែប​ ikigai– បូកផ្សំ​ពាក្យ​ iki មាន​ន័យ​ថា ​ជីវិត​ និងពាក្យ Kai មើលឃើញ​សេចក្តី​សង្ឃឹម​ និងការ​រំ​ពឹង​ទុក​។ តាម​ ikigai ជី​វិត​ដែល​មាន​សុភមង្គល ​គឺ​នៅ​ពេល​ដែលជីវិត​មាន​គោល​ដៅ​ច្បាស់លាស់​ហើយ​ ikigaiគឺជា​អ្វី​ដែល​អ្នក​ប្រាថ្នា​ ជឿ​ជាក់​ទៅ​លើ​អនាគតទោះ​បី​អ្នក​កំពុង​ពិបាក​ចិត្ត។

 លើស​ពី​នេះ​ទៅទៀត​ ប្រជាជន​របស់​ KBG48 ជួប​គ្នា​ជា​ រៀង​រាល់​ខែ​ សំដែង​ និង​អនុវត្ត​ជា​មួយ​បទភ្លេង​ Pop ដោយ​បំផុស ​គំនិត​តាម​បទ​ចំរៀង​ Ballad ប្រពៃ​ណី​របស់​តំបន់ Kohama។​ ពួក​គេ​ជា​មនុស្ស​ធ្វើ​ការ​ក្នុង​ផ្នែក​ផលិតស្ករ​ពី​អំពៅ ប៉ុន្តែ​មានឱកាសបាន​ទៅ​ឆ្ងាយ​ដូច​ជា​ Tokyo និង​ Singapore ដើម្បី​សំដែង​។ ដោយ​សារ​មូល​ហេតុ​នេះ​ អាច​ជួយ​ពួក​គេ​ការ​ពារ​ជំងឺ​បាត់​បង់​ការ​ចង​ចាំ​ និង​រស់​នៅមាន​អាយុ​​​វែង។

ប្រភព៖ CNN

ប្រែសម្រួល៖ Sangha

 

មើលបន្ថែម: