អំ​ណោយ​ភ្ញាក់​ផ្អើល​សម្រាប់​កុមារ​ក្រី​ក្រ​នៅ​ជប៉ុន

ជារៀង​រាល់​ឆ្នាំមុន​ពេល​ចូល​សាលា​រយៈពេល ៤​ខែ នៅ​សាលា​មាន​ប្រកាស​ពី​អំណោយ​របស់​លោក​ Date Naoto។

Date Naoto ជា​ឈ្មោះ​មួយ​នៃ Anime ពិត​ជា​ល្បី​ឈ្មោះ​ជិត ៤០​ឆ្នាំមុន​ តួអង្គឯកមានឈ្មោះ Tiger Mask។

Date Naoto ធំដឹងក្តីនៅក្នុងមជ្ឈមណ្ឌលកុមារកំព្រា គាត់ពាក់របាំងមុខសត្វ​ខ្លា មាន​​រហ័សនាម​ Tiger Mask ដើម្បី​ចូលរួម​កី​ឡាកាស​ជំនាញ។

រូបភាព http://simple-lifehack.com/date-naoto/

ចំ​នួន​ទឹក​ប្រាក់​ឈ្នះ​ពី​ការ​ប្រកួត Tiger Mask ប្រើ​ដើម្បី​ទិញ​អំ​ណោយ​សម្រាប់​ក្មេងៗនៅក្នុងមជ្ឈមណ្ឌលកុមារកំព្រាកន្លែង​ដែល​គាត់​បាន​ធំ​ដឹង​ក្តី។

ដោយយក​តម្រាប់​តាម​រឿង​របស់​ Date Naoto កម្ម​វិធី​ជូន​អំណោយ​អោយ​ក្មេងៗក្រី​ក្រ​បាន​ចាប់​ផ្តើម​ជា​រៀង​រាល់​ឆ្នាំ។ អ្នក​ដែល​ចូល​រួម​កម្ម​វិធី​សុទ្ធ​តែ​ជា​អ្នក​ស្ម័គ្រចិត្ត​មិន​ទាក់​ទង​ដល់​អ្នក​ផលិត Anime។

ក្មេងៗ​ជប៉ុន​ប្រើ​ប្រាស់​កាបូប​ឯកទេសទៅ​សាលា​ ប៉ុន្តែ​តម្លៃ​កាបូប​នេះ​ក៏​ថ្លៃ​ ហេតុ​នេះមិនមែន​ក្មេង​ណាក៏​​គ្រប់​លុយ​ទិញ​ទេ។

រូបភាព http://news.livedoor.com/article/image_detail/15695599/?img_id=19556887

កាបូប​ត្រូវ​គ្រប​ដោយ​ស្បែក​ពិត​ ធានា​អោយ​កាបូ​ប​មិន​ខូច​ខាត​ក្នុង​អំ​ឡុង​ពេល ៦​ឆ្នាំ។ ប្រសិន​បើ​មើលកាល​បរិច្ឆេទ​ផុត​កំ​ណត់​ប្រើ​ប្រាស់ តម្លៃ​របស់​វា​ក៏​ស្មើ​ទៅ​នឹង​គុណ​ភាព។ ប៉ុន្តែ​សម្រាប់​ក្មេង​ក្រី​ក្រ​ នេះ​ជា​របស់​ដែល​ពិបាក​នឹង​ទទួល​បាន​។

ភាគ​ច្រើន​សិស្សជប៉ុន​សុទ្ធ​តែ​ត្រូវ​បាន​ឳពុក​ម្តាយ​ទិញ​កាបូបអោយ​​មុនពេល​ចូល​រៀន ហេតុ​នេះ​ក្មេង​ដែលមិន​មាន​កាបូប​នឹងខ្មាស់​មិត្ត​ភក្តិជាមិនខា​ន។ កាន់​តែ​គ្រោះ​ថ្នាក់​ជាង​នេះ ប្អូន​ៗ​អាច​ក្លាយ​ទៅជា​មុខ​សញ្ញានៃ​ការ​គំ​រាម​កំ​ហែង​នៅ​សាលា។

​​គិត​ដល់​ស្ថាន​ភាព​របស់​ប្អូនៗ បុរស​ម្នាក់​អាយុ​ប្រហែល​ ៣០​ឆ្នាំ លាក់​ឈ្មោះ ខ្ចី​រហ័ស​នាម​របស់​ Date Naoto បាន​ចាប់​ផ្តើម​កម្ម​វិធី​ផ្តល់​អំ​ណោ​យ​។ យូរ​ទៅ​កម្ម​វិធី​ផ្សព្វផ្សាយ​ទូ​លាយ​ហើយ​ទទួល​បាន​ការ​យក​ចិត្ត​ទុក​ដាក់​ជាច្រើន។ អ្នក​ដែល​ចូល​រួម​ទាំង​អស់​សុទ្ធ​តែ​លាក់​ឈ្មោះតែ​ខ្ចី​នាម​របស់​តួ​អង្គ Anime ដើម្បីធ្វើ​សប្បរសធម៌ ដូច្នេះ​នេះ​គឺ​ជា​សកម្ម​ភាព​មិន​រក​កម្រៃ។

ជារៀង​រាល់​ឆ្នាំ អំ​ណោយ​របស់​លោក​ Date Naoto នឹង​ត្រូវ​បាន​ផ្ញើ​ទៅ​ដល់​ប្អូន​ៗ​សិស្ស​ក្រី​ក្រ​នៅ​ទី​ក្រុង​ Nanyou ខេត្ត Yamagata។ អំ​ណោយ​ឆ្នាំ​នេះ​មាន​ទី​តាំង​ស្ថិត​នៅ​ច្រកទ្វារ​ធំ​នៃ​រដ្ឋបាល​ទី​ក្រុង​។

ក្រៅ​ពី​នេះសម្រាប់​សិស្ស​វិទ្យាល័យ​នឹង​ចូល​រៀន​ក្នុង​ឆ្នាំ​នេះ រួម​ជាមួ​យ​នឹង​អំ​ណោយ​ជា​ប្រាក់ ១០,០០០យេនសម្រាប់​ប្អូន​ ៥​នាក់។

ជូន​ពរ​ប្អូន​ៗ​ក្លាយ​ទៅ​ជាសិស្ស​វិទ្យាល័យនៃ​និទាឃរដូវ​នេះ។

ប្អូនៗ​កុំ​ភ្លេច​បង្ហាញ​ភាព​ដឹង​គុណ​របស់​ខ្លួន​ជាមួយ​នឹង​មនុស្ស​សំ​ខាន់​ជំុវិញណា!

ត្រូវ​ព្យាយាម​សិក្សា​ក៏​ដូច​ជា​ធ្វើ​អោយ​បាន​ល្អ​នូវ​សកម្ម​ភាពក្នុង​ក្រុម​។

ជូន​ពរ​អោយ​ប្អូន​ៗ​មាន​អនាគត​ល្អនៅ​ថ្ងៃ​ក្រោយ។

តំណាង​អោយ​ទី​ក្រុង​បាន​ជ្រើស​រើស​ប្អូន​ដែល​ជា​សិស្ស​ធម្ម​តា​ ហើយ​ជូន​អំ​ណោយ​ដោយ​ផ្ទាល់​ដល់​ប្អូន​ៗ។ ទោះ​បីជា​យ៉ាង​ណាប្អូន​មិន​ដឹង​នរណា​ជា Tiger Mask ក៏​ដូច​ជា Date Naoto ហេតុ​នេះ​វា​ហាក់​ដូចជា​រឿង​និទាន​សម្រាប់​ប្អូន​ៗ។

អ្នក​គិត​យ៉ាង​ណា​នៃវិធី​ស្ម័គ្រ​ចិត្ត​បែប​ជប៉ុន?

Kengo Abe