តើអ្នកដឹងទេ? ប្រជាជននៅ Tokyo ពីមុនមិនស្ងៀមស្ងាត់ដូចជាឥឡូវនេះទេ

ថ្ងៃសុក្រ 14/12/2018 | 19:30 ល្ងាច

ពីបុរាណមកដល់ឥឡូវ ប្រជាជនជប៉ុននៅតែជ្រើសយកឈើជាសម្ភារៈសំខាន់សម្រាប់ធ្វើផ្ទះ។ ផ្ទះធ្វើពីឈើនាំមកនូវអារម្មណ៍រឹងមាំ ថ្លៃថ្នូរ ត្រជាក់ក្នុងរដូវក្តៅ តែកក់ក្តៅក្នុងរដូវរងា។

ទោះជាយ៉ាងណា នៅប្រទេសជប៉ុនអាកាសធាតុស្ងួតក្នុងរដូវរងា អគ្គីភ័យកើតឡើងញឹកញាប់។ ភ្លើងឆេះរាលដាលពីផ្ទះមួយទៅផ្ទះមួយទៀតដោយសារឈើឆេះយ៉ាងលឿន ថែមទាំងមានខ្សល់ខ្លាំង ការពន្លត់ពិតជាពិបាក ឬអាចនិយាយបានថា “មិនអាចធ្វើទៅបាន” ។

ខាងក្រោមនេះគឺជាផែនទី Tokyo សម័យ Edo ។

រូបភាព http://www.d-laboweb.jp/special/sp517/

កាលពីមុនប្រជាជន Edo ស្ថាបនាផ្លូវថ្នល់ដោយផ្អែកលើប្រព័ន្ធប្រឡាយធំទូលាយ។ ទន្ទឹមនឹងនេះ ផ្គត់ផ្គង់ប្រភពទឹកសម្រាប់ប្រជាជន ប្រព័ន្ធនេះក៏ទប់ស្កាត់ការរីករាលដាលនៃអគ្គីភ័យផងដែរ នៅពេលដែលមានអគ្គីភ័យកើតឡើង។

តំបន់ពណ៌បៃតងក្នុងរូបភាពតំណាងឲ្យព្រៃឈើ ដែលដើរតួនាទីសំខាន់ក្នុងការកាត់បន្ថយល្បឿនឆេះ។

រឿងអ្វីកើតឡើងពេលមានអគ្គីភ័យ?

ជាដំបូង Hikeshi – អ្នកដែលពន្លត់អគ្គីភ័យត្រូវមកឲ្យទាន់ពេល។

រូបភាព http://bosai-girl.com/2017/05/03/hikeshispirits_kyoto/

ការងារពន្លត់អគ្គីភ័យសម័យ Edo ជាការងារដែលថ្លៃថ្នូរ និងត្រូវបានវាយតម្លៃខ្ពស់។ បច្ចុប្បន្នអ្នកពន្លត់អគ្គីភ័យប្រើប្រាស់ទឹក និងឧស្ម័នស្ងួតសម្រាប់ពន្លត់ភ្លើង។ យ៉ាងណាមិញ នៅសម័យ Edo អគ្គីភ័យភាគច្រើនកើតឡើងយ៉ាងលឿន មិនត្រឹមតែផ្ទះត្រូវឆេះ ថែមទាំងរាលដាលយ៉ាងលឿនទៅកាន់ផ្ទះរបស់អ្នកជិតខាង។

រូបភាព https://mag.japaaan.com/archives/61255

វិធីសាស្រ្តនៃភ្នាក់ងារពន្លត់អគ្គីភ័យនៅសម័យ Edo គឺ ជាដំបូងពួកគេបែងចែកជាក្រុម រើសយកប្រធានក្រុមហៅថា (matoi) “ភាសាជប៉ុន” ។ បន្ទាប់មក ក្រុមពន្លត់នឹងឡើងផ្ទះដែលជាគោលដៅ រង់ចាំសេចក្តីបង្គាប់នៃ Matoi ហើយធ្វើឲ្យរលំផ្ទះ។

ត្រូវហើយអ្នកមិនអានខុសនោះទេ។

ថ្វីត្បិតតែ ផ្ទះរបស់អ្នកមិនមែនជាមូលហេតុបង្កអគ្គីភ័យក៏ដោយ ប៉ុន្តែក្រុមពន្លត់អគ្គីភ័យត្រូវលះបង់ផ្ទះរបស់អ្នកជាជាងទុកឲ្យ Edo ទាំងមូលស្ថិតក្នុងអណ្តាតភើងឆេះ។ គោលការណ៍ “សម្លាប់ខុសជាជាងលើកលែង” ចំណុចនេះបែរជាធ្វើឲ្យប្រជាជន Edo ទុកចិត្តច្រើនជាង ព្រោះផ្ទះរបស់ជិតខាងឆេះក៏ផ្ទះខ្លួននៅតែសុវត្ថិភាព។

ទន្ទឹមនឹងនេះ ចំណាត់ថ្នាក់ការងារក្នុងក្តីស្រមៃដែលសិស្សបឋមសិក្សានៅប្រទេសជប៉ុនចង់ធ្វើបំផុតបច្ចុប្បន្នជា Youtuber ចំណែកឯនៅសម័យ Edo ភាគច្រើនក្មេងតូចៗសុទ្ធតែចង់ក្លាយជាអ្នកពន្លត់អគ្គីភ័យ ដោយសារតែការងារនេះពិតជាល្អខ្លាំងណាស់។

មិនត្រឹមតែប៉ុណ្ណឹង មានព្រឹត្តិការណ៍ដ៏អស្ចារ្យមួយសម្រាប់អ្នកពន្លត់អគ្គីភ័យជប៉ុនហៅថា Dezome Shiki ក្នុងព្រឹត្តិការណ៍អ្នកពន្លត់អគ្គីភ័យនឹងបង្ហាញលំនឹងនៅលើជណ្តើរឬស្សី។ នេះជាព្រឹត្តិការណ៍ស្ថិតក្នុងពិធីបុណ្យទទួលឆ្នាំថ្មី បួងសួងសម្រាប់សុវត្ថិភាពសំណាងល្អរបស់ប្រជាជនជប៉ុន។ ព្រឹត្តិការណ៍នេះក៏ជាវិធីសាស្រ្តតែមួយគត់ក្នុងការបង្ហាញពីអ្នកពន្លត់អគ្គីភ័យរបស់ជប៉ុនផងដែរ។

រូបភាព https://ja.wikipedia.org/wiki/%E5%87%BA%E5%88%9D%E5%BC%8F

ប្រហែលជាការងារពន្លត់អគ្គីភ័យនាពេលសព្វថ្ងៃមិនសូវជាលេចធ្លោជាងការងារផ្សេងទៀត ទោះជាយ៉ាងណា នេះជាការងារគ្រោះថ្នាក់ ហើយពិតជាសំខាន់ ដែលប្រជាជនជប៉ុនយកចិត្តទុកដាក់ជាពិសេស។ ដោយសារគេយល់ពីការប្រថុយនឹងគ្រោះថ្នាក់ និងមហន្តរាយពេលដែលអគ្គីភ័យកើតឡើង។ នៅសម័យនោះ ប្រហែល ២ ទៅ ៣ ឆ្នាំម្តងនឹងមានអគ្គីភ័យធំរីករាលដាល។ អគ្គីភ័យដែលឆេះខ្លាំងបានធ្វើឲ្យមនុស្សប្រមាណ ១០៧,០០០ នាក់ស្លាប់។

ក្រៅពីនេះ ប្រទេសជប៉ុនក៏ម៉ឺងម៉ាត់ក្នុងការដោះស្រាយបញ្ហាភ្លើងឆេះផងដែរ។ នៅសម័យ Edo មានក្រុមមួយហៅថា Hisuke touzoku aratame ជំនាញខាងដោះស្រាយបញ្ហាឆក់ប្លន់ ដុតភ្លើង។ ក្រុមនេះមិនត្រឹមតែត្រូវបានប្រគល់ភារកិច្ចឃាត់ខ្លួន ថែមទាំងអាចកាត់ដៃ ឬសម្លាប់ជនល្មើសផងដែរ។

ម្យ៉ាងវិញទៀត ដោយសារតែឆាប់ឆេះ ក៏ដូចជាអត្តចរិក “ក្តៅដូចភ្លើង” របស់ប្រជាជន Edo សម័យនោះ ពាក្យថា (Kaji to kenka wa Edo no hana) ឆេះហើយវាយគ្នាដូចជាផ្ការបស់ Edo ទាំងអគ្គីភ័យ ឬការវាយគ្នាសុទ្ធតែបង្កភាពអូអរ ចលាចល។ នេះជាការនិយាយពីចរិករបស់ប្រជាជន Edo សម័យនោះ។

ដូច្នេះប្រហែលជាប្រជាជន Tokyo ពីមុនមិនស្ងៀមស្ងាត់ដូចបច្ចុប្បន្នឡើយមែនទេ?

Kengo Abe