អស្ចារ្យណា់! ក្មេង​ប្រុស​អាយុ ១១ ​ឆ្នាំជោគជ័យ​ក្នុងការ​ប្រលង​គណិត​វិទ្យា​កម្រិត​ខ្ពស់​ទូទាំងប្រទេសជប៉ុន

នៅ​លើ​ពិ​ភព​លោក​ជិត ៩០% មនុស្ស​ដែល​ពូកែត្រូវ​បាន​ពិ​ភព​លោក​ទទួល​ស្គាល់គឺ​ដោយ​សារការងារដែល​គេ​បាន​ចំ​ណាយ​ពេលវាលា​ក្នុង​ជី​វិត​ដើម្បី​ស្រាវ​ជ្រាវប៉ុន្តែ​មាន​មួយ​ផ្នែក​តូច​កើតមក​គឺ​មាន​ទេពកោសល្យ។

ក្មេង​ប្រុស​អាយុ ១១​ឆ្នាំ​មាន​ឈ្មោះ Hiroto Takahashi ក្នុង​ចំ​ណោម​មនុស្ស​ដែល​មាន​ទេពកោសល្យសតវត្សទី ២១ ដែល​ជប៉ុន​មាន​នា​ពេល​បច្ចុប្បន្ន​នេះ។

តើ​អ្នក​ដឹងថា​ក្មេង​នេះ​ពូកែ​អ្វី​ទេ? នោះ​គឺ​គណិត​វិទ្យា​។

ក្មេង​ប្រុស​ម្នាក់នេះបាន​ក្លាយ​ទៅ​ជា​អ្នកដែល​មាន​វ័យ​ក្មេង​អាចសម្រេចបាននូវ​​កម្រិត​ខ្ពស់បំ​ផុត​នៃ​ការ​ប្រឡង​ Sugaku Kentei ទូ​ទាំង​ប្រទេសជប៉ុន ហើយ​ត្រូវ​បាន​សមាគមន៍ត្រួត​ពិនិត្យ​ប្រកាសនៅ​ថ្ងៃ ១៥​ ខែវិច្ឆិកា។

“Sugaku Kentei” គឺ​ជា​ការ​ធ្វើ​តេស្ត​ជាតិ​ដើម្បី​វាស់​ស្ទង់​សមត្ថភាពជាក់​ស្តែង​ក្នុង​មុខវិជ្ជាគណិត​វិ​ទ្យា​ រៀប​ចំ​ដោយ​វិទ្យា​ស្ថាន​គណិត​វិទ្យា​នៃ​ប្រទេសជប៉ុន។ មាន​ ១៤​ កម្រិត​ខុស​គ្នាៗ​ ចាប់​ពី​កម្រិត​ខ្ពស់​បំ​ផុត​សម្រាប់​និស្សិត​ និង​និស្សិត​បញ្ចប់​ការ​សិក្សារហូត​ដល់​កម្រិត​ថ្មីសម្រាប់​ក្មេង​មតេ្តយ្យ​។

រូបភាព https://www.su-gaku.net/

Hiroto Takahashi ជា​សិស្ស​ថ្នាក់ទី​ ៥ នៅ​សាលា​បឋម​សិក្សា Setagaya Municipal Ikenoue នៃទីក្រុង Tokyo។ ក្មេង​ប្រុសនេះ​បាន​និយាយ៖ “ខ្ញុំ​សប្បាយ​ចិត្តពេលសម្រេច​​កម្រិត​សាក​ល្បងដំ​បូង​ដោយ​សារ​តែ​បាន​ខំ​ប្រឹងជា​ច្រើន​​​ក្នុង​រយៈពេល​ប្រហែល​ពីរ​ឆ្នាំ។ ប្អូន​សង្ឃឹម​អាច​រួម​ចំណែកក្នុង​ការ​លើក​កម្ពស់​គណិតវិទ្យា​”។

រូបភាព https://www.japantimes.co.jp/

Takahashi ត្រូវ​បាន​ធ្វើ​តេស្ត​កម្រិត​ដំ​បូង​នៅ​ថ្ងៃ ២៨ ខែ​តុលា រួម​បញ្ចូល​ទាំង​សំ​ណួរ​អំពី​ការ​វិភាគ​ចម្រុះ ពិជគណិតលីនេអ៊ែរ និងទិន្នន័យស្ថិតិ។ ប្អូន​បាន​បំបែក​

ឯក​ទគ្គកម្មជា​បេក្ខជន​ក្មេង​ជាង​គេចូល​រួម​ប្រឡង​កម្រិត​ខ្ពស់ដែល​ធ្លាប់​ត្រូវ​បាន​កាន់​កាប់​ដោយ​ក្មេង​អាយុ ១៣​ឆ្នាំ។ ការ​ប្រឡង​នេះមាន​ភាគ​រយ​ជាប់​ត្រឹម​ ៩,៤%។

ក្មេង​ប្រុស Takahashi បាន​បង្ហាញ​នូវ​ទេព​កោសល្យពីកំ​ណើតនៃគណិតវិទ្យា​តាំង​ពី​តូចមក​។ ពេល​អាយុ ២ ទៅ ៣​ឆ្នាំ ប្អូន​ចាប់​ផ្តើុម​ចូល​ចិត្ត​ជាមួយ​នឹង​ការគិតលេខក្រោយ​ពេល​ឪពុក​ម្តាយ​ទិញ​ល្បែង​ផ្គុំ​រូបអោយ។

ក្រោយ​មក Takahashi រៀន​គណិតដោយ​ខ្លួន​ឯងហើយ​សម្រេច​​ការប្រឡង​កម្រិត​ពីរសម្រាប់​សិស្ស​វិទ្យា​ល័យ​ឆ្នាំទី២ ពេលទើប​តែ​រៀន​ថ្នាក់​ទី​១ នៅ​កម្រិត​បឋម​។ ហើយ​ពេល​រៀន​ថ្នាក់​ទី​២ នៅ​សាលា​បឋមសិក្សា ប្អូន​បាន​បញ្ចប់​ការ​ប្រឡង​កម្រិត​បឋមសម្រាប់​សិស្ស​វិទ្យា​ល័យ​ឆ្នាំទី៣។ Takahashi ឥឡូវ​ជាអ្នក​កាន់ឯក​ទគ្គកម្ម​នៅ​កម្រិត​ទាំង​ពីរ។ Hiroto Takahashi ទទួល​បាន​ការ​ណែនាំពី​គណិតវិ​ទូ Shigeru Iitaka សាស្រ្តាចារ្យ​កិត្តិយស​ម្នាក់​នៅ​សាកល​វិ​ទ្យាល័យ​ Gakushuin ហើយ​អ្នក​ទាំង​ពីរ​ស្រាវជ្រាវ​ជាមួយ​គ្នា​ និង​ផ្តល់​សៀវ​ភៅនៃ​លទ្ធផល​ស្រាវ​ជ្រាវស្នាដៃ​របស់​ខ្លួន​។

រូបភាព https://nuocnhatplus.com/

ក្មេង​ប្រុស​ទេព​កោសល្យ​នេះមាន​ក្តី​ស្រមៃ​ក្លាយ​ទៅជា​គណិតវិទូ​ម្នាក់​ក្នុង​ថ្ងៃ​អនាគតដើម្បី​អាច​បង្កើត​ក្បួន​ដោះ​ស្រាយ​គណិត​ផ្ទាល់​ខ្លួន​។ ជូន​ពរ​អោយ​ប្អូន​បន្ត​ការ​ព្យា​យាម​ និង​សម្រេច​នូវ​ក្តី​ស្រមៃរបស់​ខ្លួន​ ហើយ​ផ្តល់ប្រយោជន៍​​អោយ​មនុស្ស​ជាតិកាន់​តែ​ច្រើន​។

ប្រភព https://mainichi.jp/english/articles/20181116/p2a/00m/0na/016000c

Neko​