ការក្លែងបន្លំធ្វើវិញ្ញាបនបត្រសមត្ថភាពភាសាជប៉ុន ដោយខុសច្បាប់

ថ្ងៃសៅរ៍ 17/11/2018 | 16:10 ល្ងាច

តើអ្នកធ្លាប់បានប្រឡង JLPT ទេ?

យោងទៅតាមការកើនឡើងនៃចំនួនសិស្សដែលបានទៅសិក្សានៅប្រទេសជប៉ុនគឺជាចំនួនមនុស្សដែលបានប្រលងសមត្ថភាពភាសាជប៉ុន (JLPT)។ នេះគឺជាលក្ខខ័ណ្ឌចាំបាច់ដើម្បីសិក្សានៅប្រទេសជប៉ុន។ ប៉ុន្តែជាមួយនឹងចំនួនសិស្សដែលមានការកើនឡើងច្រើនបែបនេះ តើអ្នកគិតថាទាំងអស់គ្នាសុទ្ធតែប្រឡងជាប់?

ក្នុងចំណោម ៦០០០នាក់ចុះឈ្មោះ Visa ជាមួយក្រសួងការបរទេសជប៉ុន មាន ១០% មិនទាន់បញ្ជាក់ច្បាស់លាស់វិញ្ញាបនបត្រសមត្ថភាពភាសាជប៉ុន។

រូបភាព រៀនភាសាជប៉ុន Online ដោយខ្លួនឯង

តាមការប៉ាន់ស្មានមាននិស្សិត ២៦០០០ នាក់ជាជនជាតិវៀតណាមរៀននៅឯប្រទេសជប៉ុន ជាចំនួនមួយស្ថិតនៅពីក្រោយជនជាតិចិន។ តាមការពិតនេះគឺជាដំណឹងដ៏រីករាយ ពីព្រោះឆ្លុះបង្ហាញអោយឃើញថាទំនាក់ទំនងវៀតណាម – ជប៉ុនកាន់តែល្អប្រសើរឡើង។ ទោះបីជាយ៉ាងនេះក្នុងពេលថ្មីៗនេះ ពត៌មានទាក់ទិននឹងបទល្មើសរបស់ជនជាតិវៀតណាមនៅជប៉ុនក៏បានកើនឡើងផងដែរ។ តាមការសើុបអង្កេត មានវិញ្ញាបនបត្រសមត្ថភាពភាសាជប៉ុនធ្វើក្លែងក្លាយ។ តើនេះអាចជាមូលហេតុនៃករណីអវិជ្ជមានដែលជនជាតិវៀតណាមទៅរស់នៅជប៉ុន?

ហេតុនេះ ស្ថានទូត និងស្ថានកុងស៊ុលនៅប្រទេសជប៉ុនសម្រេចចិត្តមិនផ្តល់ Visa ដោយផ្អែកលើតែក្រដាសស្នាម តែត្រូវបង្កើតការសម្ភាស។ ជាមួយនឹងភាពតឹងតែងនេះ ប្រហែលជាចំនួននិស្សិតអន្ដរជាតិ សិក្ខាកាម កម្មករវៀតណាមចូលទៅប្រទេសជប៉ុននឹងត្រូវកាត់បន្ថយ។ អ្វីទាំងនេះនឹងបង្កភាពលំបាកមិនតិចសម្រាប់ជនជាតិវៀតណាម សូម្បីតែអ្នកដែលខិតខំរៀនសូត្រដោយព្យាយាម។

បច្ចុប្បន្ននៅប្រទេសជប៉ុនមានក្រុមហ៊ុនឈ្មួញកណ្តាលជាច្រើន ណែនាំអោយជនជាតិវៀតណាមទៅប្រទេសជប៉ុនដើម្បីទទួលបានប្រាក់កម្រៃដោយប្រើពាក្យ “ទៅប្រទេសជប៉ុនដើម្បីរកលុយ”។ រហូតដល់មានកន្លែងមួយចំនួនទទួលធ្វើក្រដាសស្នាមក្លែងបន្លំជារឿងមួយដែលគួរអោយសោកស្តាយ។

ជាមួយនឹងករណីនេះ ទោះបីជាអ្នកអាចទៅប្រទេសជប៉ុន ហើយរកលុយបានជាច្រើន តាមការពិតអ្នកកំពុងស្នាក់នៅប្រទេសជប៉ុនដោយខុសច្បាប់។ អ្នកអាចត្រូវបានចាប់ខ្លួន និងបញ្ជូនទៅប្រទេសវិញហើយអ្វីដែលគួរអោយសោកស្តាយនោះគឺអ្នកមិនអាចទៅប្រទេសជប៉ុនទៀតទេ។

ផ្ញើជូនប្រជាជនកម្ពុជាទាំងអស់ដែលមានបំណងចង់ទៅប្រទេសជប៉ុន សូមកុំចូលរួមជាមួយអ្នកដែលប្រើពាក្យសំដីបោកបញ្ឆោតទៅប្រទេសជប៉ុនដោយខុសច្បាប់។ អ្នកបាននឹងកំពុងធ្វើអោយមានភាពរាំងស្ទះជាច្រើនសម្រាប់អ្នកដែលទៅដោយស្របច្បាប់ ខំប្រឹង និងព្យាយាមអស់ពីសមត្ថភាពរៀនភាសាជប៉ុនដើម្បីអាចទៅដោយសមត្ថភាពរបស់ខ្លួន។

ដើម្បីរក្សាទំនាក់ទំនងល្អរវាងប្រទេសយើង និងប្រទេសជប៉ុន យើងពិតជាត្រូវការភាពសហការពីអ្នកទាំងអស់គ្នា។

Kengo Abe