អស្ចារ្យណាស់.! អតីត​​ព្រះ​នាង​ Ayako ស្លៀកសម្លៀកបំពាក់សូត្ររបស់​ខ្មែរក្នុង​ពិធីរៀបអាពាហ៍ពិពាហ៍

កូនក្រមុំនិងកូនកំលោះ (ខាង​ឆ្វេង​) នៅ​ក្នុង​ពិធី​រៀប​អាពាហ៍ពិពាហ៍របស់ពួកគេនៅថ្ងៃទី ៣០ ខែតុលា ជាមួយនឹងព្រះអង្គម្ចាស់ Naruhito (ខាងស្តាំ) និងម្ចាស់ក្សត្រី Masako (ខាង​ស្តាំ)

កូនស្រីរបស់បងប្អូនជីដូនមួយនៃព្រះ​ចៅ​អធិរាជ Akihito ដឹងគុណចំពោះការបោះបង់ចោលឋានៈរបស់ខ្លួនជាព្រះនាងទៅរៀបអាពាហ៍ពិពាហ៍ជាមនុស្ស​សាមញ្ញ បានប្រារព្ធពិធីរៀបអាពាហ៍ពិពាហ៍របស់​ព្រះ​នាង​នៅ​ថ្ងៃទី ៣០ ខែតុលា។

អតីតព្រះនាង Ayako ឥឡូវនេះអ្នកស្រី Moriya មើលទៅមានភាពលេចធ្លោនៅក្នុងរ៉ូបសូត្រពណ៌ផ្កាឈូក។ ព្រះ​នាង​មាន​អាយុ ២៨ ឆ្នាំជាកូន​ស្រី​របស់​ព្រះអង្គម្ចាស់ Takamado។ ស្វាមីរបស់ព្រះនាងឈ្មោះ Kei Moriya អាយុ ៣២ ឆ្នាំធ្វើការឱ្យក្រុមហ៊ុនដឹកជញ្ជូនមួយ។

ពិធីរៀបអាពាហ៍ពិពាហ៍ដែលរៀបចំឡើងនៅសណ្ឋាគារ New Otani នៅទីក្រុង Tokyo ត្រូវបានចូលរួមដោយសមាជិកគ្រួសារអធិរាជ និងឥស្សរជននយោបាយ ៧០ រូបដែលរួមមាននាយករដ្ឋមន្ត្រី Shinzo Abe​ ផងដែរ។

ព្រះអង្គម្ចាស់ Naruhito ដែលឆាប់​ក្លាយ​ទៅ​ជា​អធិរាជ បាន​ស្នើលើក​កែវ​ស្រាប្រសិទ្ធិពរសូម​អោយ​គូរ​ស្វាមីភរិយា​ “មើលថែរក្សាគ្នាទៅវិញទៅមកហើយបង្កើតក្រុម​គ្រួសារមួយ​ដែល​ពោរពេញ​ទៅ​ដោយភាព​រីក​រាយ”។

ក្រណាត់សម្រាប់សំលៀកបំពាក់របស់ព្រះនាង ដែលបានត្បាញនៅប្រទេសកម្ពុជា ត្រូវបានទទួលដោយម្ដាយដែលបានទទួលមរណភាពឈ្មោះ Kimie នៅពេលព្រះនាងធ្វើការជានាយកប្រតិបត្តិនៃអង្គការ Kokkyo naki Kodomotachi (កុមារគ្មានព្រំដែន) ហើយត្រូវបានបរិច្ចាគដោយអង្គការមិនរកប្រាក់ចំណេញទៅគ្រួសារ Takamado នៅក្នុងឆ្នាំ ២០១៤ នេះបើយោងតាមទីភ្នាក់ងារគ្រួសារអធិរាជ និងប្រភពដទៃទៀត។

គូស្នេហ៍នេះត្រូវបានណែនាំឱ្យស្គាល់គ្នាទៅវិញទៅមកកាលពីឆ្នាំមុនដោយព្រះអង្គម្ចាស់​ក្សត្រី Hisako ម្តាយរបស់ Ayako ដែលធ្លាប់ជាមិត្តភក្តិជាមួយ Kimie ។

ភ្ញៀវមកពិធីអាពាហ៍ពិពាហ៍ម្នាក់ៗទទួលបានគ្រឿងអលង្ការមួយដែលជាប្រអប់ពុម្ពអក្សរតូចមួយដើម្បីចាំពេលវេលានេះ។

គំរបពណ៌នាអំពី kudzu arrowroot ដើម្បីនិមិត្តរូប Ayako និងជាអ្នកបង្កើតរបស់ក្រុមគ្រួសារទាំងពីរ។

ប្រភព៖ Asahi

អត្ថបទ Naing Seiha