ទំព័រដើម
ជីវិត
តឹងតែងខ្លាំង…!! ភាពខុសគ្នានៅក្នុងបទប្បញ្ញត្តិនៃច្បាប់របស់ជប៉ុន និងប្រទេសផ្សេងចំពោះជាតិស្រវឹងក្នុងពេលបើកបរ

តឹងតែងខ្លាំង…!! ភាពខុសគ្នានៅក្នុងបទប្បញ្ញត្តិនៃច្បាប់របស់ជប៉ុន និងប្រទេសផ្សេងចំពោះជាតិស្រវឹងក្នុងពេលបើកបរ

ថ្ងៃព្រហស្បតិ៍ 25/10/2018 | 17:42 ល្ងាច

ដែនកំណត់ជាតិអាកុលនៅពេលបើកបររថយន្តត្រូវបានកំណត់ក្នុងច្បាប់របស់ជប៉ុនទាបណាស់បើធៀបនឹងប្រទេសផ្សេង។ រហូតដល់កម្រិតជាតិអាល់កុលក្នុងឈាមក៏ត្រូវបានគេយល់ថា “សុវត្ថិភាព” នៅក្នុងប្រទេសផ្សេងទៀតក៏មិនត្រូវបានអនុញ្ញាតនៅប្រទេសជប៉ុន។ ច្បាប់របស់ជប៉ុនលើកទឹកចិត្តអោយយើងបើកបរក្នុងស្ថានភាពមិនស្រវឹងមានន័យថាជាតិអាកុលហាក់ដូចជាស្មើសូន្យ។

រូបភាព Food Science Japan

នៅក្នុងប្រទេសភាគច្រើនកម្រិតនៃភាពមិនស្រវឹងស្រារបស់អ្នកបើកបរត្រូវបានវាស់ដោយ BAC (Blood alcohol content – ជាតិអាកុលនៅក្នុងឈាម)។ ផ្អែកទៅលើការវាស់នេះ អ្នកបើកបរចាប់ផ្តើមរងផលប៉ះពាល់ដោយសារស្រាបៀរពេល BAC នៅកម្រិតចាប់ពី .03 ដល់ .05 (មើលបន្ថែមនៅទីនេះ)។ នៅកម្រិត .05 យើងអាចចាប់ផ្តើមមានអារម្មណ៍ថាស្រវឹងបន្តិច។ នៅ California ក៏ដូចជារដ្ឋភាគច្រើននៅក្នុងសហរដ្ឋអាមេរិក អ្នកបើកបរបំពានច្បាប់ចរាចរណ៍ជាមួយ BAC ហួសកម្រិត .08។

ប៉ុន្តែតួលេខនេះនៅជប៉ុនពិបាកច្រើនជាង។ ប្រសិន BAC របស់អ្នកនៅកម្រិង .03 ឬក៏ច្រើនអ្នកនឹងត្រូវចាប់ខ្លួនដោយសារតែបើកបរនៅក្នុងស្ថានភាពដែលមានជាតិស្រវឹង គ្រាន់តែផឹកស្រាមួយកែវប៉ុណ្ណោះ BAC របស់អ្នកគឺអាចដល់កម្រិត .03 ហេតុនេះដើម្បីជៀសវាងភាពស្មុគស្មាញនៅក្នុងបទប្បញ្ញត្តិ ជនជាតិជប៉ុននឹងមិនផឹកស្រានៅពេលដែលបើកបរ។

រូបភាព relatably.com

ក្រៅពីនេះកម្រិតពិន័យដល់អ្នកបើកបរក្នុងស្ថានភាពស្រវឹងស្រានៅប្រទេសជប៉ុនពិតជាធ្ងន់។ ប្រសិនបើត្រូវបានចាប់ខ្លួនដោយសារតែជាតិអាកុលហួសកម្រិតនៃការអនុញ្ញាតបូកជាមួយនឹងការបង្កផលប៉ះពាល់ដល់ភាគីផ្សេង អ្នកអាចនឹងត្រូវទទួលកម្រិតទោសរហូតដល់ទៅ ១៥ឆ្នាំការដាក់ពន្ធនាគារ យ៉ាងហោចណាស់ក៍ដាក់ពន្ធនាគារមួយឆ្នាំ ប្រសិនបើបង្កគ្រោះថ្នាក់ដល់ជីវិត។

ប្រាកដណាស់អ្នកដែលបើកបររថយន្តនឹងត្រូវផាកពិន័យប៉ុន្តែរួមទាំងអ្នកដែលបានដឹងមានអ្នកបើកបរក្នុងស្ថានភាពស្រវឹងស្រាហើយមិនបានរារាំងក៍មានកម្រិតផាកពិន័យផ្សេងដែរ។ នោះអាចជាអ្នកដែលបានផឹកស្រាជាមួយគ្នា ឬក៍ម្ចាស់ហាងស្រា។

ទោះបីជា “ស្រវឹងស្រា” ក៏ត្រូវបានរាប់ចូលជាចំណែកមួយនៃវប្បធម៌របស់ប្រទេសនេះ នៅពេលដែលស្រវឹងហើយបាត់បង់ភាពម្ចាស់ការ ជនជាតិជប៉ុននឹងជិះរថភ្លើងល្បឿនលឿន ឬក៍ជិះ Taxi ទៅវិញ។ ខ្លួនពួកគេផ្ទាល់ក៏ស្អប់អ្នកដែលបើកបរស្រវឹងពីព្រោះតែនោះជាសកម្មភាពដែលគ្មានទំនួលខុសត្រូវជាមួយនឹងខ្លួនឯង នឹងសង្គម។

រូបភាព Rhino Car Hire

ជនជាតិជប៉ុនមានភាពមិនពេញចិត្តខ្លាំងជាមួយនឹងការផាកពិន័យដែលត្រូវបានយល់ថាស្រាលជាមួយនឹងទោសនេះនៅប្រទេសផ្សេង។

“ត្រូវតែតឹងរឹងជាងនេះជាមួយអ្នកដែលបើកបរនៅពេលលដែលស្រវឹង”

“សូមមេត្តាកុំបើកបរក្នុងស្ថានភាពដែលមិនអាចម្ចាស់ការ”

“ប្រសិនបើបើកបរសូមកុំផឹក ប្រសិនបើផឹកសូមកុំបើកបរ”

ក្រៅពីនេះនៅប្រទេសជប៉ុនក៏មានផ្តល់សេវាសម្រាប់អ្នកដែលស្រវឹងស្រា ឧទាហរណ៍ដូចជា៖

សេវាកម្មដឹកជញ្ជូន៖

ប្រសិនបើអ្នកជ្រុលបើករថយន្តទៅចូលរួមពិធី ហើយបានផឹកស្រាបន្តិច អ្នកអាចប្រើប្រាស់សេវាកម្មនេះដើម្បីអាចនាំទាំងឡាន នឹងមនុស្សទៅដល់ផ្ទះដោយសុវត្ថិភាព។ អ្នកបើកបរផ្សេងទៀតនឹងបើកបររថយន្តរបស់អ្នក ជូនអ្នកត្រលប់ទៅផ្ទះ បន្ទាប់មកម្នាក់នេះនឹងឡើងឡានមួយទៀតដើម្បីត្រលប់ទៅវិញ។

រូបភាព Japan Guide

ដូចដែលអ្នកបានធ្លាប់បានដឹងរួចមកហើយនៅប្រទេសកម្ពុជាមានគ្រោះថ្នាក់ដែលបង្កឡើងដោយគ្រឿងស្រវឹងមានច្រើនករណី មូលហេតុបណ្តាលមកពីអ្នកបើកបរបាត់បង់ភាពម្ចាស់ការដោយសារស្រវឹង។ នៅកម្ពុជាអ្នកបើកបរមិនត្រូវពិសារស្រាពេលដែលបើកបរ។

ប្រហែលជាដល់ពេលដែលកម្ពុជាត្រូវមើលឡើងវិញនូវបញ្ហានេះ វប្បធម៌ (កុំធ្វើខ្លាំងនៅលើតុស្រា) ក៍ដូចជារឹតបន្តឹងច្បាប់បើកបរក្នុងពេលស្រវឹងស្រាដើម្បីកាត់បន្ថយគ្រោះថ្នាក់ចរាចរណ៍។

ពត៌មានបន្ថែម http://www.keishicho.metro.tokyo.jp/

M.E.O