លោកយាយអាយុ ៩០ឆ្នាំរៀនភាសាអង់គ្លេសជារៀងរាល់ថ្ងៃដោយសារចង់ក្លាយទៅជាអ្នកស្មគ្រចិត្តក្នុងកីឡាអូឡាំពិក

ថ្ងៃអាទិត្យ 09/09/2018 | 8:27 ព្រឹក

Omotenashi គឺជាពាក្យជប៉ុនដែលត្រូវបានរំលឹកច្រើនដង ចាប់ពីពេលឥឡូវនេះរហូតដល់ពេលដែលមានការប្រារព្ធធ្វើឡើងនៃកីឡាអូឡាំពិក Tokyo ឆ្នាំ ២០២០។ Omotenashi មានន័យថាទឹកចិត្តស្វាគមន៍ភ្ញៀវ និងផ្តល់ទៅអោយភ្ញៀវបរទេស អ្វីដែលល្អបំផុតដែលអាចធ្វើទៅបាន ផ្តល់ជូនអ្វីគ្រប់យ៉ាងដោយមិនគិតពីការតបស្នងអ្វីមកវិញ។

នេះពិតជាគំនិតមួយរបស់ជប៉ុន ហើយរដ្ឋាភិបាលចង់អោយអ្នកទាំងអស់គ្នាមាន Omotenashi ចូលទៅក្នុងជីវភាពរស់នៅគោលបំណងបង្ហាញអោយពិភពលោកបានដឹងថាគ្មាននរណាទទួលស្វាគមន៍ភ្ញៀវបរទេសដូចជាជប៉ុនទេ។

អ្វីទាំងនេះបានលើកទឹកចិត្តអោយប្រជាជនជប៉ុនទាំងអស់ចូលរួមដោយអស់ពីចិត្តសម្រាប់កីឡាអូឡាំពិកឆ្នាំ ២០២០។ ឧទាហរណ៍មួយដែលពិសេសនឹងធ្វើអោយអ្នករំភើបចិត្តនោះគឺលោកយាយអាយុ ៩០ឆ្នាំគឺជាអ្នកដែលចង់ក្លាយទៅជាអ្នកស្មគ្រចិត្ត ក្នុងកីឡាអូឡាំពិកនៅ Tokyo។

រូបភាព : Grandma_English

លោកយាយឆ្លៀតពេលដែលមានការជួយពីចៅស្រី ក្នុងមួយថ្ងៃចៅស្រីនេះនឹងផ្ញើពាក្យអង់គ្លេសមួយពាក្យដោយផ្ញើវាតាមរយៈកម្មវិធីផ្ញើសារ LINE អោយលោកយាយ។ ហើយនាងក៍ចង់ចែករំលេកឃ្លាប្រយោគដែលគួរអោយចាប់អារម្មណ៍របស់យាយចៅពីរនាក់ ហេតុនេះនាងបានផុសនូវរូបភាពលើអេក្រង់ និងការសន្ទនារបស់ពួកគេនៅលើ Twitter (@Grandma_English)។

ចៅស្រីនឹងផ្ញើវាក្យសព្ទអង់គ្លេសហើយណែនាំអោយលោកយាយបញ្ចេញសម្លេងដោយ Katakana ប្រព័ន្ធតួអក្សររបស់ជប៉ុនដែលត្រូវបានគេប្រើប្រាស់សម្រាប់ភាសាបរទេស។ ហាក់ដូចជាលោកយាយមិនអាចវាយជាអក្សរអង់គ្លេស ហើយយាយអាចប្រើ Katakana ដើម្បីឆ្លើយតប។ ចៅស្រីរបស់គាត់នឹងកែប្រែពាក្យដែលខុស និងផ្ញើរថែមនូវពាក្យផ្សេងទៀត។ ក្រៅពីនេះលោកយាយបានព្យាយាមប្រើពាក្យអង់គ្លេសដែលចៅស្រីផ្ញើមកមួយពាក្យៗបង្កើតជាប្រយោគមានន័យគ្រប់គ្រាន់។

រូបភាព : Grandma_English

ពាក្យនៅក្នុងរូបរួមមាន៖ សាលារៀន សាកលវិទ្យាល័យ និងកន្លែងដាក់ឡាន ហើយលោកយាយបានឆ្លើយថា៖ លោកយាយជាគ្រូបង្រៀនវិទ្យល័យម្នាក់។

どうしても息子が覚えられない pic.twitter.com/ebwLY5kgAI
— おばあちゃん英語 (@Grandma_English) August 2, 2018

រូបភាព : Grandma_English

សំណួរលេខ ១៨៖

ចៅស្រី៖ “កូនប្រុសនៅក្នុងភាសាអង់គ្លេសហៅថាយ៉ាងមេ៉ច?”

លោកយាយ៖ (Daughter) កូនស្រី

ចៅស្រី៖ ខុស លោកយាយខុសពាក្យនេះថែមម្តងទៀតហើយ។

ចៅស្រី៖ Son មានន័យថាកូនប្រុស Daughter ន័យថាកូនស្រី។

ទោះបីពេលខ្លះលោកយាយបន្លំបន្តិចដោយការសួរអ្នកដទៃ ប៉ុន្តែលោកយាយតែងតែឆ្លើយការពិតនូវការបន្លំរបស់ខ្លួន ឧទាហរណ៍ដូចជា៖

រូបភាព : Grandma_English

សំណួរលេខ ១៥៖ Ohashi?

លោកយាយ៖ ចង្កឹះក្លែងបន្លំ

ចៅស្រី៖ Lol, លោកយាយបានបន្លំរបៀបណា?

លោកយាយ៖ សួរប៉ារបស់ចៅទៅ

ចៅស្រី៖ តាមការពិតអញ្ជឹងសោះ

ប្រសិនបើមានមេដាយមាសមួយក្នុងអូឡាំពិកសម្រាប់ Omotenashi នោះលោកយាយដែលពោពេញទៅដោយការតស៊ូនេះ ប្រហែលជាទទួលបានជ័យជំនះ។

ខ្ញុំពិតជារង់ចាំវត្តមានរបស់លោកយាយអាយុ ៩០ឆ្នាំនេះ នៅក្នុងក្រុមអ្នកស្មគ្រចិត្តអូឡាំពិកឆ្នាំ ២០២០។ ការខំប្រឹងរបស់លោកយាយក៍មិនតិចនៅក្នុងភាពជោគជ័យរបស់ប្រទេសម្ចាស់ផ្ទះគឺជប៉ុន និងបន្សល់ទុកនូវអារម្មណ៍ល្អក្នុងភ្នែករបស់ភ្ញៀវបរទេសនៅលើពិភពលោក។

ប្រភព : grapee

Neko