យុវជន​ម្នាក់​យក​​ប្រពន្ធ​បានដោយ​សារ​តែមាន​​ព្យុះ

ខ្យល់​ព្យុះ​គឺ​ជា​បាតុភូត​ធម្ម​ជាតិដែល​មិន​អាច​ជៀស​វាង​បានគ្រប់​ទី​កន្លែង​នៅ​លើ​ពិភព​លោក។ វា​នាំ​មក​នូវ​ផល​ប៉ះ​ពាល់​យ៉ាង​ច្រើន ធ្វើ​ឲ្យមនុស្ស​ស្លាប់​ ស្រូវ​ដំ​ណាំ​ខូច​ខាត​ ។ល។

បាត់​បង់​​គ្រប់​យ៉ាង​មិន​មែន​ជា​រឿង​ដែលចម្លែក​ទៀត​ឡើយ ប៉ុន្តែពឹង​ទៅ​លើ​ព្យុះ​រក​បាន​ប្រពន្ធ​ពិត​ជា​រឿង​ដែល​កម្រ​នឹង​មានណាស់។

ដំ​ណើរ​រឿង​ប្រហែល​ពីរ​ទៅ​បី​ឆ្នាំ​មុន​ កាល​​ Komori Akari ​អាយុ ២៦​ឆ្នាំ​ បានធ្វើ​ដំ​ណើរ​ពី Hokkaido ដល់ Tokyo ជា​ដំ​ណើរ​កំសាន្ត​ក្នុង​រដូវ​កាលឈប់​សម្រាក។

ប៉ុន្តែ​សំ​ណាងអាក្រក់​ជើង​ហោះ​ហើរ​ពី Tokyo ត្រលប់​ទៅ Hokkaido វិញរបស់​នាង​ត្រូវ​ផ្អាក​ដោយ​សារ​តែ​ខ្យល់​ព្យុះ។

រូប​ភាព : http://gunosy.com/articles/Rh4G7?s=s

Akari ស្រាប់​តែ​មាន​អារម្មណ៍​រសាប់​រសល់ពេល​ដែល​មាន ​សេចក្តី​ប្រកាស​អំ​ពី​ស្ថាន​ភាព។ នៅ​ប្រលាន​យន្ត​ហោះ Haneda ម្នាក់​ឯង នាង​ដក​ដង្ហើម​វែង​ហើយ​មាន​ការ​ព្រួយ​បារម្ភ។

“ពិត​ទេ??? ធ្វើ​យ៉ាង​ណា​ទៅ…”

ពាក្យ​សំ​ដី​របស់​នាង​ត្រូវ​បាន​បុរសអង្គុយ​ជិត​​ម្នាក់​ស្តាប់​ឮ។ ហើយក៍​ជា​អ្ន​ក​ដែល Akari មិន​នឹក​ស្មាន​ថា​ នឹង​ក្លាយ​ទៅ​ជា​ប្តី​របស់​នាង​។

បុរស​ម្នាក់​នេះ​ក៍​ណែ​នាំ​ខ្លួ​ន​ឯង​រស់​នៅ​ Hokkaido ដែរ កំ​ពុង​តែរៀប​ចំឡើង​យន្ត​ហោះ​ស្រាប់​តែ​ទទួល​បាន​ព័ត៌​មាន​អាក្រក់។

បុរស​ម្នាក់​នេះ​ក៍​ដូច​ជា​នាង​មិន​ដឹង​ថា​ ត្រូវ​ធ្វើ​យ៉ាង​ណា​ទើប​ទូរស័ព្ទ​ទៅ​សួរ​យោបល់​មិត្ត​ម្នាក់ ដែល​​មិត្ត​ម្នាក់នោះបាន​ណែ​នាំ​សណ្ឋាគារ​មួយជា​កន្លេងដែល​ខ្លួន​តែង​តែ​ស្នាក់នៅ​ពេល​ទៅ​ធ្វើ​ការ​ឆ្ងាយ។

“ប្រសិន​បើ​នាង​មិន​យល់​ទាស់… ពួក​យើង​អាច​កក់​បន្ទប់ពីរ”

រូប​ភាព : http://gunosy.com/articles/Rh4G7?s=s

នារី​ម្នាក់​នេះ​បាន​យល់​ព្រម អ្នក​ទាំង​ពីរ​បាន​ផ្លាស់​ប្តូរ​ជើង​យន្ត​ហោះ​ ហើយ​ទៅ​ដល់​សណ្ឋាគារ​។

មាន​អារម្មណ៍​ថា​សំ​ណាង​ល្អ​ពេល​ដែល​ទទួល​បាន​ជំនួយ​របស់​បុរស​ម្នាក់​នេះ Akari អញ្ជើញបុរស​ម្នាក់​នេះ​ទទួលទាន​អាហារ​​ពេល​យប់។ នាក់​ទាំង​ពីរ​រីក​រាយ​ជជែកគ្នា​រឿង​នៅ​ស្រុក​កំ​ណើត Hokkaido បន្ទាប់​មក​ថែម​ទាំង​ទៅ​ច្រៀង Karaoke និង​រីក​រាយ​យ៉ាង​ខ្លាំង។ ជា​ការ​ពិត​ណាស់ ​ពី​រថ្ងៃ​ដំ​បូង​នោះ ​អ្នក​ទាំង​ពីរ​គ្រាន់​តែ​ជា​មនុស្ស​ទើប​តែ​ស្គាល់​គ្នា​ មិន​មែន​ជា​សង្សា​នឹង​គ្នា​នោះ​ទេ។

ថ្ងៃ​បន្ទាប់​មក​ខ្យល់​ព្យុះ​ឈប់ អ្នក​ទាំង​ពីរ​ហោះ​ត្រលប់ទៅ Hokkaido វិញ បន្ទាប់​មក​អ្នក​ទាំង​ពីរ​ក៍​វិល​ត្រលប់​ទៅ​ការ​រស់​​នៅ​​របស់​​ខ្លួន​វិញ។

មុន​ពេល​បែក​គ្នាពួក​គេ​បាន​ផ្លាស់​ប្តូរ​ទំ​នាក់​ទំ​នង​ និង​ណាត់​ជួប​គ្នា​ពីរ​ដង​ក្នុង​មួយ​ខែនៅកន្លែង​ណា​មួយ​​នៅ Hokkaido។ ដូចជាទៅទទួលទានអាហារ​ថ្ងៃ​ត្រង់ ឬ​ក៍​គ្រាន់​តែ​បើក​ឡាន​ជិះ​កំ​សាន្ត។

​ពី​មិត្ត​ភាព​ធម្ម​តា ពួក​គេ​បាន​ក្លាយ​ទៅ​ជា​គូរ​ស្នេហ៍។

បន្ទាប់​ពីរ​បី​ខែ​ស្វែង​យល់​ពី​គ្នា ពួក​គេ​សម្រេច​ចិត្ត​រៀប​ការ​ជា​មួយ​គ្នា​ និង​ជួយ​ថែ​ទាំ​គ្នា​នៅ​ថ្ងៃ​អនាគត។

គួរ​អោយ​ចម្លែក​ដែល​ពួក​គេ​ជ្រើស​យកខែកញ្ញា ឆ្នាំ ២០១៨ ដើម្បី​ប្រារព្ធ​ពិធី​មង្គល​ការ។ ព្រោះថា​ខែ​កញ្ញា​ជា​ពេល​​ដែល​​ប្រទេសជប៉ុន​​ទទួល​រង​ខ្យល់​ព្យុះ​ខ្លាំងបំផុត។

ប្រហែ​ល​ជា​ព្រេង​វាសនា​ឲ្យ​ពួក​គេ​ជួប​គ្នា​នៅ​ក្នុង​ថ្ងៃ​ព្យុះទើប​ពួក​គេ​សម្រេច​ចិត្ត​រើស​យក​ថ្ងៃ​នេះសម្រាប់​ថ្ងៃ​រៀប​អាពាហ៍​​ពិពាហ៍។

Kengo Abe​