ក្រដាស “មរណៈ” បានយកជីវិតមនុស្សជាង ១៤០.០០០ នាក់នៅ Hiroshima កន្លងផុតរយៈពេល ៧៣ឆ្នាំ

ថ្ងៃពុធ 29/08/2018 | 10:59 ព្រឹក

ក្រដាសព័ណ៌លឿងមានបញ្ជាទម្លាក់គ្រាប់បែក “Little Boy” នៅទីក្រុង Hiroshima ប្រទេសជប៉ុនបានធ្វើអោយបាត់បង់ ជីវិតមនុស្សអស់ ១៤០.០០០ នាក់នៅក្នុងគ្រោះមហន្តរាយដ៍អាក្រក់បំផុតសម្រាប់មនុស្ស។

នៅក្នុងថ្ងៃនេះប្រហែល ៣ឆ្នាំមុន ថ្ងៃទី៦ ខែសីហា ឆ្នាំ២០១៥ សារមន្ទីរសង្រ្គាមលោកលើកទី២ នៅ Boston អាមេរិកបានដាក់តាំង នូវក្រដាសបញ្ជាទម្លាក់គ្រាប់បែកបរមាណូលើទីក្រុង ២ របស់ប្រទេសជប៉ុន។

ប្រហែល ៧០ឆ្នាំ មួយក្នុងពីរសន្លឹកក្រដាសនេះបានបញ្ជូន ទៅដល់ដៃរបស់អនុសេនីយ៍ Jacob Beser មុនពេលគាត់ជាមួយនឹងអ្នកបើកឡើងជិះ Enola Gay បំពេញបេសកម្មដែលថ្នាក់លើបានដាក់អោយ។

ក្រដាសបញ្ជាទម្លាក់គ្រាប់បែកនៅទីក្រុង Hiroshima។

យើងអាចឃើញថានៅក្នុងក្រដាសដាក់តាំង ការសម្រេចទម្លាក់គ្រាប់បែកបានចេញនៅថ្ងៃទី៥ ខែសីហា ឆ្នាំ១៩៤៥ គ្រាប់បែកដែលត្រូវទម្លាក់មិនបាននិយាយពីឈ្មោះ ប៉ុន្តែកត់សម្គាល់ដោយពាក្យ “special” (ពិសេស)។ ផ្នែកមួយទៀតនៃក្រដាសបញ្ជាគឺសកម្មភាពដែលសមាជិកក្រុមអ្នកបើកយន្តហោះដែលពាក់ព័ន្ធនឹងការទម្លាក់គ្រាប់បែកត្រូវតែគោរពតាម ចាប់ពីការអធិស្ឋាន ចាកចេញពីបន្ទប់ ហូបចុក ប្រជុំមុនពេលឡើងយន្តហោះដើម្បីធ្វើបេសកម្ម។

នៅថ្ងៃទី៦ ខែសីហា ឆ្នាំ១៩៤៥ យន្តហោះ B-29 Enola Gay របស់អ្នកបើក 509 ប្រធានវរសេនីយ៍ឯក Paul Tibbets ចេញដំណើរពី North Field- មូលដ្ឋានមិនមានទ័ពនៅលើកោះ Tinian នៅប៉ាសីុហ្វិកខាងលិច ចម្ងាយពីប្រទេសជប៉ុនប្រហែល ៦ម៉ោងសម្រាប់ការហោះ។

យន្តហោះ B-29 មានឈ្មោះ Enola Gay និងអ្នកបើកយន្តហោះ អ្នកដែលទម្លាក់គ្រាប់បែកបរមាណូ “Little Boy” លើ Hiroshima នៅថ្ងៃទី៦ ខែសីហា ឆ្នាំ១៩៤៥ រូបភាព Wiki.

នៅវេលាម៉ោង ៨ៈ១៥នាទី (ម៉ោងរបស់ Hiroshima) យន្តហោះ Enola Gay ទម្លាក់គ្រាប់បែកបរមាណូ “Little Boy” នៅលើអាកាសនៃ Hiroshima។ គ្រាប់បែកផ្ទុះចម្ងាយពីផ្ទៃដីប្រហែល ៦០០M ជាមួយនឹងកម្រិតផ្ទុះ ១៣ Kiloton ភ្លាមនោះអាចសម្លាប់មនុស្សយ៉ាងតិចចំនួន ៩០.០០០នាក់ ហើយជិត ៦០.០០០នាក់ស្លាប់ក្នុងប៉ុន្មានឆ្នាំបន្ទាប់ ដោយសារការរងគ្រោះ និងការបន្សល់ទុកនៃវិទ្យុសកម្ម។

បីថ្ងៃក្រោយមកអនុសេនីយ៍ Beser ទទួលបានក្រដាសមួយទៀត មានន័យដូចគ្នា និងបេសកម្មអនុញ្ញាតអោយទម្លាក់គ្រាប់បែក បរមាណូលើកទីពីរស្រដៀងទៅនឹងបេសកម្មនៅ Hiroshima។ ដូចទៅនឹងក្រដាសចេញបញ្ជាបានបញ្ជូនមកមុនរយៈពេលបីថ្ងៃ គ្រាប់បែកលើកនេះក៍មិនបាននិយាយពីឈ្មោះគ្រាន់តែកត់ត្រាថា “ពិសេស”។

ក្រដាសចេញបញ្ជាអោយទម្លាក់គ្រាប់បែកនៅទីក្រុង Nagasaki។

ព្រឹកថ្ងៃទី៩ ខែសីហា ឆ្នាំ១៩៤៥ កាំជ្រួចហោះ B-29 Bock’s Car មេបញ្ជាការធំ Charles W.Sweeney នាំយកគ្រាប់បែកបរមាណូ “Fat Man” ជាមួយនឹងគោលដៅទីមួយគឺ Kokura គោលដៅទីពីរគឺ Nagasaki។ បន្ទាប់ពីហោះទៅដល់ Kokura មេឃត្រូវបាំងពពកជាច្រើនធ្វើអោយមិនអាចមើលឃើញច្បាស់ មេបញ្ជាការធំ Sweeney សម្រេចចិត្តហោះទៅគោលដៅទីពីរ Nagasaki។

នៅវេលាម៉ោង ១១ៈ០១នាទី គ្រាប់បែក “Fat Man” នាំយកប្រហែល ៦,៤ Kg Plutonium 239 បានទម្លាក់ចុះជ្រលងភ្នំ ឧស្សាហកម្មរបស់ទីក្រុង Nagasaki។ ៤៣ វិនាទីក្រោយមកវាផ្ទុះនៅ ៤៦៩ M ចម្ងាយពីផ្ទៃដីនៅចំកណ្តាលរោងចក្រដែក និងអាវុធរបស់ Misubishi នៅរោងចក្រអណ្តូងរ៉ែរបស់ Misubishi-Urakami។ ការផ្ទុះមានកម្រិត 21 Kiloton ភ្លាមនោះសម្លាប់មនុស្សយ៉ាងតិច ៧០.០០០នាក់ ប្រហែល ៦០.០០០នាក់ត្រូវរបួស។

ប៉ុន្ម្ានឆ្នាំក្រោយពីបំពេញបេសកម្មហើយអនុសេនីយ៍ Beser ជាមនុស្សតែមួយគត់ដែលស្ថិតនៅក្នុងបេសកម្មទាំងពីរដងនៃការទម្លាក់គ្រាប់បែកជួប Kenneth Rendell អ្នកដែលបង្កើតចេញសារមន្ទីរសង្រ្គាមលោកលើកទី២ នៅ Boston អាមេរិក និងប្រគល់អោយលោកក្រដាសចេញបញ្ជាទាំងពីរនេះ។

“ព័ត៌មានទាំងនេះគឺជាគន្លឹះបើកចេញនូវដំណើររឿងទាំងអស់ធ្វើអោយផ្លាស់ប្តូរពិភពលោកជារៀងរហូត” Rendell និយាយជាមួយទំព័រ Time។

ប្រភព : Time

តាមប្រភពព័ត៌មាន