របៀប​សន្សំ​​លុយ​លើមុខម្ហូប​ដែល​មាន​ប្រសិទ្ធិភាពសម្រាប់​ជីវភាពពេលរស់​នៅប្រទេសជប៉ុុន

ដោយ​សារ​តែ​ជីវភាព​រស់​នៅ​ប្រទេសជប៉ុន​ខ្ពស់​ជាង​ប្រៀប​ជា​មួយ​ប្រទេស​កម្ពុជា។ ហេតុ​នេះហើយ​​អ្នក​​ដែល​ទៅ​រៀន និង​ចុះ​កម្ម​សិក្សា​កម្ពុជា​ទៅ​ប្រទេសជប៉ុនពិ​តជា​មាន​ការ​ព្រួយ​បារម្ភអំពី​បញ្ហា​តម្លៃ និង​របៀប​ដែល​សន្សំ​សំ​ចៃ​ដើម្បី​រស់​នៅ​ទី​នេះ។

ប៉ុន្តែ​ប្រសិន​បើ​ដឹង​ពី​វិធី​ អ្នក​នឹង​អាច​ឃើញ​ពី​តម្លៃ​នៅ​ប្រទេសជប៉ុន​ពិ​តជា​សមរម្យ​ ហើយ​ជីវភាពរស់​នៅ​ក៍​មិន​សូវ​ជា​ លំបាក​ដូចជា​អ្នក​បាន​គិត​ទេ។ ថ្ងៃនេះ​ខ្ញុំ​នឹង​ណែ​នាំ​អ្នក​ទាំង​អស់​គ្នា ពី​វិធី​ល្អ​បំ​ផុត​ដើម្បី​សន្សំ​សំចៃ​លុយ​ម្ហូបនៅ​ប្រទេសជប៉ុន។

នៅ​តំបន់​ទី​ប្រជំុ​ជន​តែង​តែ​មាន​ផ្សារទំ​នើប​ដូចជា​ Maruetsu ឬ Ito-Yokado។ នៅ​ទី​នោះ​មាន​លក់​ម្ហូប​ក្នុង​តម្លៃ​​ថោក។

រូប​ភាព : http://www.century21chintai.net/blog-chitai/2014/08/post-66.html

រូប​ភាព : http://momonestyle.com/from-nakatake-reopened

មិន​ត្រឹម​តែ​ម្ហូប​អាហារ​ នៅទីនេះ​មាន​លក់​សំភារៈគ្រួ​សារច្រើន ​ប្រភេទខុសគ្នា​ដែល​អ្នក​អាច​ធ្វើ​ការ​ជ្រើសរើសបាន។

ប្រសិន​បើ​ត្រូវ​ជ្រើស​រើស​ទិញ​ទំនិញនៅ​ផ្សារទំនើប និង​ហាង​លក់​ទំនិញដូច​ជា Family Mart អ្នក​គួរ​តែជ្រើស​យក​ផ្សារ​ទំនើបពីព្រោះ​មានលក់ទំនិញថោក​ជាង។

ម្ហូប​អាហារ​នៅ​ផ្សារទំនើបពិត​ជាមាន​ច្រើន​ប្រភេទ ចាប់ពី​បាយ​ប្រអប​់ (Bento) រហូត​ដល់បបរ និងបន្លែ… ធម្មតា​តម្លៃ​របស់ទាំង​នេះ​មិន​សូវ​ជា​ថ្លៃ​ប៉ុន្មានទេ ប៉ុន្តែ​ប្រសិនបើ​ចង់​ ទិញ​ទំនិញ​ថោក អ្នកអាច​ទិញ​ក្នុងពេល​វេលា​យប់​បន្តិច។ ដោយសារ​បើទុក​អោយ​ហួស​ម៉ោង​ធ្វើ​ការ​ទំនិញ​ទាំងនោះ​នឹង​ត្រូវ​ចោលទាំង​អស់ ហេតុ​នេះ​នៅ​ចុង​ម៉ោង​ តម្លៃ​ម្ហូប​អាហារ​នឹង​ថយ​ចុះ​ទាំង​អស់។

នេះ​គឺជា​មុខម្ហូប​ដែល​ខ្ញុំ​បាន​ទិិញ​នៅ​ក្នុង​ផ្សារទំនើប​ប្រហែល​ម៉ោង​ ១០​យប់។

ក្នុងពេលនោះ​តម្លៃ​ម្ហូប​អាហារ​នឹងថយ​ចុះពាក់​កណ្តាល។ ឧទាហរណ៍ ធម្មតាអ្នក​ទិញ Bento ជាមួយ​តម្លៃ ៥០០យ៉េន នៅ​ក្នុងពេល​នេះតម្លៃសល់ត្រឹម​តែ ២៥០យ៉េន។

អ្នក​ឃើញ​ហើយ តម្លៃនៅ​ប្រទេសជប៉ុន​មិន​សូវ​ជាថ្លៃទេ ប្រសិន​បើ​អ្នក​ចេះ​បត់​បែនពេល​វាលាសមស្រប និង​ដឹងពីពេល​វេលា​បញ្ចុះតម្លៃរបស់​ផ្សារទំនើប​ត្រូវ​ដែរទេ?

ជាមួយវិធីនេះ មិន​ត្រឹម​តែ​បាន​ញ៉ាំអាហារ​ឆ្ងាញ់​ជារៀងរាល់​ថ្ងៃ គ្រប់សារធាតុ​ចិញ្ចឹមហើយ​ថែម​ទាំងសន្សំសំចៃ​បាន​ថវិកាមួយចំនួន។ ជីវភាពរស់នៅប្រទេសជប៉ុនវា​មិន​លំបាក​ដូចជាអ្នក​បានគិត​ទេ។

Kengo Abe