ទំព័រដើម
ជីវិត
សម័យកាលដែលកាន់តែជិតស្និតជាមួយបរិស្ថាន អនុវត្តវិធីសាស្រ្តបំបាត់ភាពក្តៅតាមបែបប្រពៃណី

សម័យកាលដែលកាន់តែជិតស្និតជាមួយបរិស្ថាន អនុវត្តវិធីសាស្រ្តបំបាត់ភាពក្តៅតាមបែបប្រពៃណី

ថ្ងៃអង្គារ 31/07/2018 | 10:54 ព្រឹក

ចុងខែកក្កដាហើយ ខែសីហាមកដល់មានន័យថារដូវក្តៅបាន ឆ្លងផុតពាក់កណ្តាលហើយ។ ពេលវាលានេះនៅប្រទេសជប៉ុន អាកាសធាតុកំពុងក្តៅខ្លាំង មានករណីចាញ់ក្តៅជាច្រើនកើតឡើងធ្វើ អោយប៉ះពាល់ដល់ជីវិតមនុស្ស។ ក្នុងរដូវនេះមនុស្សភាគច្រើនបាត់ បង់នូវរសជាតិរបស់ខ្លួន គ្រាន់តែផឹកទឹកកក និងញ៉ាំម្ហូបត្រជាក់ដូចជា មី Somen ឬក៍ឪឡឹក ត្រសក់គឺគ្រប់គ្រាន់អាចរស់បាន។

រូបភាព SoraNews24

រដូវក្តៅនៅប្រទេសជប៉ុនហេតុតែក្តៅបែបនេះដោយសារតែប្រទេសជប៉ុនសិ្ថតនៅជិតតំបន់ត្រូពិក និងមានសំណើមខ្ពស់។ ទោះបីបច្ចេកវិទ្យាសព្វថ្ងៃបានរីកចម្រើនខ្ពស់ ពួកយើងឆ្លងកាត់រដូវ ក្តៅយ៉ាងងាយស្រួលដោយសារម៉ាសុីនត្រជាក់។ ប៉ុន្តែអ្នកចង់ដឹង ដែលទេជនជាតិជប៉ុនសម័យមុនទប់ទល់នឹងភាពក្តៅខ្លាំងបែបណា? បរិភោគអន្ទង (Unagi) គឺជាវិធីទប់ទល់ទៅនឹងកំដៅរបស់ពួកគេ។

វិធីម្យាងទៀតដែលពេញនិយមពេលមើល Anime, Manga អ្នកនឹងមើលឃើញនោះគឺ Uchimizu (ភាសាជប៉ុន)។ ពី Uchi ត្រូវបានបង្កើតឡើងពីកិរិយាស័ព្ទ utsu ក្នុងន័យចំគឺដំ វាយ និង mizu គឺជាទឹកក្នុងភាសាជប៉ុន។ ពាក្យពេញ Uchimizu គ្រាន់តែសកម្មភាព ជះទឹកជុំវិញកន្លែងរស់នៅ។

រូបភាព http://seykawagoe.exblog.jp/22305865/

ប្រសិនបើរស់នៅជប៉ុនពេលខ្លះអ្នកនឹងមើលឃើញដីមានទឹក ហើយសួរថា “ភ្លៀងពេលណាទៅ?”។ តាមពិតគ្មានភ្លៀងទេដីមាន ទឹកដោយសារតែគេជះទឹកដើម្បីអោយផ្លូវថ្នល់បន្ថយភាពក្តៅ។ សកម្មភាពនេះដោយសារតែជនជាតិជប៉ុនសម័យមុនជឿថា Uchimizu មានគុណសម្បត្តិធ្វើអោយត្រជាក់ក្នុងបរិយាកាស។

នេះមិនមែនជាជំនឿដែលធម្មតាប៉ុន្តែត្រូវបានវិទ្យាសាស្រ្តទទួលស្គាល់ដោយផ្អែកលើគោលការណ៍រំហួតទឹក។ ពេលនៅក្មេងប៉ាមាក់ មិត្តភក្តិតែងតែផ្តែផ្តាំត្រូវតែផ្លុំសក់ និងជូតខ្លួនអោយស្ងួតពេលងូតទឹក ហើយ។

“ជូតខ្លួនទៅប្រយ័ត្នផ្តាសសាយ”។

នេះគឺដោយសារតែទឹកនៅលើខ្លួនរបស់អ្នកនឹងរំហួត វានឹងនាំទៅកំដៅដែលមានក្នុងសារពាង្គកាយ។ ពេលនោះសីតុណ្ហភាពរាងកាយធ្លាក់ចុះហើយលទ្ធផលគឺអ្នកអាចនឹងផ្តាសសាយ។ ស្រដៀងដូចពេលដែលអ្នកបែកញើស។ រាងកាយរបស់អ្នកភាយញើសនៅពេលសីតុណ្ហភាពក្នុងខ្លួនឡើងខ្ពស់។ ពេលនោះញើសនឹងនាំកំដៅក្នុងរាងកាយភាយចេញក្រៅធ្វើ អោយបន្ថយកំដៅ។

រូបភាព http://seykawagoe.exblog.jp/22305865/

ត្រលប់មកវិញជាមួយ Uchimizu បន្ទាប់ពីជះទឹកនៅលើផ្លូវថ្នល់ ក្តៅរហូតដល់ពេលរំហួត ទឹកនឹងនាំទៅភាពក្តៅនេះហើយរលាយ បាត់ទៅក្នុងខ្យល់។ មិនច្បាស់អំពីគុណសម្បតិ្តរបស់ Uchimizu អាចប្រៀបបានជាមួយម៉ាសីុបន្ថយកំដៅដែរឬទេ? ប៉ុន្តែច្បាស់ណាស់ ការបំបាត់ភាពក្តៅនេះវាជិតស្និតទៅនឹងបរិស្ថានជាង។

រូបភាព TU Delft

ជ្រុលនិយាយពីបញ្ហាជិតស្និតជាមួយបរិស្ថានវិធីបំបាត់កំដៅនេះថែមទាំងងាយស្រួល។ អ្នកអាចប្រើប្រាស់ទឹកដែលងូតហើយដើម្បី ជះជុំវិញផ្ទះ ឬក៍ស្រង់ទឹកភ្លៀង។ ជាធម្មតាគេនឹងអនុវត្ត Uchimizu នៅពេលព្រឹក ឬក៍ពេលដែលសីតុណ្ហភាពថយចុះបន្តិច។ មូលហេតុ ប្រសិនបើអ្នកជះទឹកក្នុងពេលដែលក្តៅបំផុតក្នុងមួយថ្ងៃទឹកនឹងរំហួតទៅយ៉ាងលឿនដល់ថ្នាក់អ្នកអាចនឹងមានអារម្មណ៍ថាក្តៅជាងមុន និងសំណើមជាងមុន។

ចំនុចកត់សម្គាល់ចុងក្រោយរបស់ Uchimizu នោះគឺតំបន់ដែលត្រូវជះទឹក។ អ្នកមិនចាំបាច់ជះទឹកពេញមួយផ្លូវក៍ ដូចជានៅមុខផ្ទះអ្នកជិតខាងទេ។ គ្រាន់តែនៅមុខផ្ទះរបស់អ្នកគឺគ្រប់ គ្រាន់ហើយ។ ប្រសិនបើអ្នករស់នៅផ្ទះល្វែងអ្នកអាចជះទឹកនៅមុខផ្ទះ ហើយអាចស្រោចផ្កាបានទៀត។

រូបភាព blog.fujitv.co.jp

ហេតុអ្វីមិនសាកភ្លាមនៅពេលនេះ?

ហាក់ដូចជា Uchimizu មិនត្រឹមតែជាវិធីបំបាត់ក្តៅតែបង្កើត កម្រិតក្លាយទៅជាព្រឹត្តិការណ៍ដ៍អស្ចារ្យមួយនៅ Akihabara ទាក់ទាញមនុស្សជាង ២០០ចូលរួម។

អាកាសធាតុកំពុងតែមានភាពស្មុគស្មាញណាស់។ គ្រាន់តែក្នុង ឆ្នាំនេះប្រទេសជប៉ុនត្រូវរងរញ្ជួយដី ទឹកជំនន់ និងភាពក្តៅហួតហែង សូម្បីតែតំបន់មួយចំនួនកាលពីមុនមានអាកាសធាតុស្រួលទ្រាំ។ ដូចនេះសូមចូលរួមថែរក្សាបរិស្ថានពីសកម្មភាពដែលតូចបំផុត។ និយាយថាទេជាមួយនឹងយុទ្ធនាការណាដែលដើរបញ្ច្រាសទៅនឹងគោលការណ៍រក្សាផែនដីបៃតងស្រស់ស្អាត និងជិតស្និតជាមួយភាវៈរស់ មិនមែនមានតែមនុស្សទេ។

ប្រភព Iromegane

Sachiko