សាររបស់អ្នកម្តាយផ្ញើអោយកូនប្រុសស្រឡាញ់ភេទដូចគ្នាធ្វើអោយសាធារណៈជនស្រកទឹកភ្នែក

ថ្ងៃចន្ទ 23/07/2018 | 9:52 ព្រឹក

ទោះបីជាពេលបច្ចុប្បន្ននៅក្នុងប្រទេសភាគច្រើននៅលើពិភពលោកបញ្ហា “អ្នកស្រឡាញ់ភេទដូចគ្នា” ត្រូវបានអ្នកទាំងអស់គ្នាយល់ ឃើញថាជារឿង “ធម្មតា” ជាងកាលពីមុន។ ប៉ុន្តែមិនមានន័យថា វាត្រូវបានគេទទួលស្គាល់យ៉ាងពេញលេញនោះទេ។ នៅប្រទេសជា ច្រើនក្នុងនោះមានប្រទេសជប៉ុន អ្នកដែលស្រឡាញ់ភេទដូចគ្នា ត្រូវគេរើសអើម មិនរាប់រក អ្នកខ្លះត្រូវលាក់លាមពីភេទរបស់ខ្លួន រហូតដល់អ្នកខ្លះទៀតមានជំងឺផ្លូវចិត្ត។

ប៉ុន្តែរឿងរបស់បុរសម្នាក់ជនជាតិជប៉ុនខាងក្រោមនេះបែរជាខុសប្លែក ទទួលបានភាពកក់ក្តៅបន្តិចបន្តួចពីអ្នកដែលនៅក្នុងក្រុម គ្រួសារជាពិសេសគឺអ្នកម្តាយ។ ត្រូវបានបរុសម្នាក់នេះចែករំលេកលើ Twitter ជាមួយនឹងគណនី @_Fromage_។

ទោះបីជាខ្វាយខ្វល់អំពីការស្រលាញ់ភេទដូចគ្នារបស់ខ្លួន ហើយត្រូវណែនាំគូជីវិតជាមួយក្រុមគ្រួសារប៉ុន្តែអ្វីដែលនឹកស្មានមិន ដល់ការសម្តែងរបស់ក្រុមគ្រួសារធ្វើអោយបុរសម្នាក់នេះមិនអាចទប់ អារម្មណ៍របស់ខ្លួនបាន។

Tweets by __Fromage__

“ពេលដែលខ្ញុំឈឺត្រូវបញ្ចូនចូលមន្ទីរពេទ្យ ខ្ញុំបានទូរស័ព្ទអោយ ក្រុមគ្រួសាររបស់ខ្ញុំ និងមនុស្សដែលខ្ញុំស្រលាញ់។ នៅទីនោះជា លើកដំបូងដែលខ្ញុំនិយាយប្រាប់ពួកគេពីការស្រលាញ់ភេទដូចគ្នារបស់ខ្ញុំ និងណែនាំមនុស្សដែលខ្ញុំស្រលាញ់ក្នុងរយៈ ៦ឆ្នាំកន្លងមក ប៉ុន្តែប្អូនស្រីរបស់ខ្ញុំបាននិយាយថានាងបានដឹង មាក់របស់ខ្ញុំគ្រាន់តែ ញញឹមហើយមិននិយាយអ្វីទាំងអស់។ ក្នុងថ្ងៃនោះគ្មាននរណា និយាយពីរឿងនេះទេ ថ្ងៃបន្ទាប់ខ្ញុំទទួលបានសារនេះរបស់ម្តាយខ្ញុំ”។

សាររបស់ម្តាយខ្ញុំ៖

“បុរសម្នាក់នោះ មិត្តជិតស្និតរបស់កូន អ្នកដែលតែងតែជួយកូន មាក់យល់។ គាត់ហាក់ដូចជាបុរសម្នាក់ដែលល្អ ជាការពិត មាក់ពិតជាទុកចិត្តដោយសារតែកូនមានមិត្តដូច្នេះ។

ទោះបីនោះគឺជាបុរសម្នាក់ ឬនារីម្នាក់វាក៍ពិបាកនឹងដឹងមុនថាអ្វី ដែលកើតឡើងក្នុងថ្ងៃអនាគតដែរ។ កាលពីមុន ការបង្ហាញរបស់ អ្នកដ៍ទៃ ឬក៍ធ្វើអ្វីដែលពួកគេចង់ពិតជាពិបាក។ ប៉ុន្តែឥឡូវបានខុស ប្លែកហើយ មាក់មិនបង្ខំកូនអោយបោះបង់ចោលអ្វីដែលកូនកំពុងតែ ធ្វើដោយសារតែការស្រលាញ់នៃបេះដូងរបស់កូន។ អោយតែពួកកូន មានសុភមង្គល អ្វីទាំងនោះទើបសំខាន់ចំពោះមាក់។

ប្រហែលទើបតែស្គាល់ដំបូងប៉ុន្តែមាក់គ្រាន់តែសង្ឃឹមថាបុរសម្នាក់នោះជាអ្នកដែលយល់ពីកូនបំផុត”។

ពិតណាស់គ្មានសុភមង្គលអ្វីស្មើរស់នៅជាខ្លួនឯងទេ។ ធ្វើអ្វីដែលខ្លួនឯងចង់ធ្វើ និងមានគំនិតខ្លួនឯង ផ្លូវជីវិតរបស់ខ្លួន។ ប៉ុន្តែសុភមង្គលនឹងពេញលេញប្រសិនបើបានក្រុមគ្រួសារគាំទ្រ។

ដោយសារមូលហេតុនេះទើបមនុស្សជាច្រើនប្រើ Twitter, មនុស្សដែលមានគំនិតវិជ្ជមានបានគាំទ្រ និងសរសើរអ្នកម្តាយរបស់ @_Fromage_។ ភាពសម្បរស និងគិតគូរក៍ដូចជាយល់ពីអ្វីដែលត្រូវ ធ្វើជាមួយកូនប្រុសខ្លួន។

“ពិតជាក្រុមគ្រួសារមួយដែលល្អ”

“ខ្ញុំសង្ឃឹមថានឹងក្លាយទៅជាអ្នកម្តាយល្អដូចនេះ”

“អ្នកម្តាយម្នាក់ដែលល្អ មានក្រុមគ្រួសារខ្លះ ប៉ាមាក់មិនសូវជា ចាប់អារម្មណ៍ពីកូនរបស់ខ្លួន ប៉ុន្តែអ្នកម្តាយនេះហាក់ដូចជាយល់ពី ជីវិត និងចិត្តគំនិតកូនរបស់ខ្លួន”

“ខ្ញុំប្រាកដជាមិនបដិសេធចំពោះមនុស្សដែលធ្វើតាមបេះដូងរបស់ខ្លួន”

“ខ្ញុំបានយំនោះទើបជាសេចក្តីស្រលាញ់”

ជាការពិត នៅក្នុងប្រទេសដែលប្រកាន់អំពីបញ្ហាស្រឡាញ់ ភេទដូចគ្នាដូចជាប្រទេសជប៉ុន នោះរឿងរ៉ាវរបស់អ្នកម្តាយខាងលើ ពិិតជាគួរអោយចាប់អារម្មណ៍។ ដោយសារតែមិនមែននរណាក៍មាន ចិត្តគំនិត និងយោគយល់ដូចអ្នកម្តាយនេះទេ។ ក្នុងខណៈពេលដែល នៅប្រទេសជប៉ុនមានអ្នកស្រឡាញ់ភេទដូចគ្នាច្រើន គ្មាននរណា រាប់រក រើសអើមរហូតដល់ធ្វើអោយកើតជំងឺផ្លូវចិត្ត។

សង្ឃឹមថាពាក្យសំដីរបស់អ្នកម្តាយ @_Fromage_ នឹងផ្តល់ផ្នត់ គំនិតនេះទៅដល់អ្នកម្តាយផ្សេងទៀតអំពីភាពយកចិត្តទុកដាក់ ចែករំលេកជាមួយមនុស្សដែលនៅក្នុងក្រុមគ្រួសារជាងមុន។

ព័ត៌មានបន្ថែម : archives