វិធីព្យាករណ៍របស់ជប៉ុនចំពោះគ្រោះធម្មជាតិដោយសង្កេតមើលធម្មជាតិ

ថ្ងៃសុក្រ 24/05/2019 | 11:56 ព្រឹក

ជប៉ុនជាប្រទេសដែលមានរញ្ជួយដីកើតឡើងញឹកញាប់ ដូច្នេះជប៉ុនជាប្រទេសនាំមុខខាងវិធានការបង្ការរញ្ជួយដី។ ពួកគេរៀបចំប្រព័ន្ធអាគារខ្ពស់ដែលមានរចនាសម្ព័ន្ធរឹងមាំ មិនងាយដួលរលំទោះបីជារញ្ជួយដីខ្លាំង។

ក្រុមជួយសង្គ្រោះពេលមហន្តរាយរបស់ជប៉ុនត្រូវបានគេចាត់ទុកថាមានសមត្ថភាពខ្ពស់នៅលើពិភពលោក។

មិនត្រឹមតែសកម្មភាពក្នុងប្រទេស ប្រសិនបើប្រទេសជិតខាងត្រូវការជំនួយពេលមានរញ្ជួយដីខ្លាំង ក្រុមជួយសង្គ្រោះរបស់ជប៉ុននឹងប្រញាប់បញ្ជូនមនុស្សទៅដល់។ ក្រៅពីសមត្ថភាពជួយសង្គ្រោះ ក្រុមនេះក៏ត្រូវបានបណ្តុះបណ្តាលជំនាញស្វែងរករញ្ជួយដីផងដែរ។ គួរឲ្យស្តាយការទស្សន៍ទាយអំពីរញ្ជួយដីនៅមានកម្រិតទាបនៅឡើយ។ បើអាចដឹងមុនយើងអាចកាត់បន្ថយការខូចខាតចំពោះមនុស្សបានដោយការជម្លៀសខ្លួន។

មិនត្រឹមតែប្រើប្រាស់វិធីវិទ្យាសាស្រ្ត ក្រុមជួយសង្រ្គោះក៏ប្រើវិធីដែលមានពីបុរាណមក ប៉ុន្តែមិនទាន់មានការបញ្ជាក់ច្បាស់លាស់។

ប្រសិនអ្នកមើលឃើញចំណុចទាំងនេះ នោះអាចជាការព្យាករណ៍នៃរញ្ជួយដីនាពេលខាងមុខ។

១. ពពកមានសភាពចម្លែក

នេះជាចំណុចមួយក្នុងចំណោមសញ្ញាប្រាប់អំពីគ្រោះមហន្តរាយជិតមកដល់។

ពពកត្រូវបានញែកដាច់ពីផ្ទៃមេឃដោយបន្ទាត់ត្រង់មួយ។ បន្ទាប់ពីរយៈពេល ៣ ថ្ងៃឃើញបាតុភូតនេះនឹងមានរញ្ជួយដីធំមួយ។

ករណីនេះត្រូវនឹងករណីរញ្ជួយដីនៅ Hokkaido Kushiro-oki ក្នុងឆ្នាំ ២០០៥ និងរញ្ជួយដីនៅ Tottori ក្នុងឆ្នាំ ២០១៦។ ក្រៅពីនេះ នៅមានរូបរាងពពកចម្លែកផ្សេងទៀតក៏អាចព្យាករណ៍បានដែរ។

ពពកមានរាងដូចជាផ្សែង។ ប្រសិនបើពពកនេះកាន់តែវែងមានន័យថាពេលវេលានៃរញ្ជួយដីជិតមកដល់។

មុនពេលមានរញ្ជួយដី Sumatra នៅ Indonesia ក្នុងឆ្នាំ ២០០៤ និងរញ្ជួយដីនៅ Kumamoto ក្នុងឆ្នាំ ២០០៦ មនុស្សមួយចំនួនបានសង្កេតឃើញពីបាតុភូតនេះ។ នេះក៏ជារូបភាពគួរឲ្យកត់សម្គាល់របស់ពពក។

២. សង្កេតមើលសកម្មភាពរបស់សត្វ

ពិតជាចម្លែកណាស់ដែលឃើញត្រីបាឡែនហែលចូលច្រាំងស្លាប់ទាំងហ្វូង ឬឃើញមានត្រី Sakegashira ជាប្រភេទត្រីដែលរស់នៅក្រោមបាតមហាសមុទ្រ។

អ្នកនេសាទជប៉ុនចាប់បានត្រីប្រភេទនេះនៅថ្ងៃទី ៩ ខែឧសភា ឆ្នាំនេះ។ ធម្មតាត្រីប្រភេទនេះរស់នៅក្នុងជម្រៅចាប់ពី ២០០ ដល់ ៥០០ ម៉ែត្របើប្រៀបនឹងកម្រិតទឹកសមុទ្រ។ ហេតុនេះពេលឃើញវាហែលទៅតំបន់ទឹករាក់ជាងបង្ហាញអំពីសញ្ញាមិនល្អ។ មនុស្សជាច្រើនជឿថានេះជាសញ្ញាសត្វកំពុងភៀសខ្លួនព្រោះមានរញ្ជួយដីក្រោមបាតមហាសមុទ្រ ជាមូលហេតុដែលបង្កឲ្យមានរលកយក្ស។

ក្រៅពីនេះ ប្រសិនសង្កេតឃើញភាពមិនប្រក្រតីរបស់សត្វក្អែក ឆ្កែ និងឆ្មា អ្នកអាចឃើញថាសត្វទាំងនេះមានប្រផ្នូលដឹងមុនគ្រោះធម្មជាតិ ចំណែកមនុស្សយើងមិនដឹងអ្វីសោះ។

ខណៈពេលដែលមនុស្សពឹងផ្អែកលើការបង្កើតនៃវិទ្យាសាស្ត្រ សត្វដែលនៅជុំវិញនោះអាចដឹងមុនគ្រោះមហន្តរាយហើយស្វែងរកវិធីរត់គេចខ្លួន។

ជប៉ុនជាប្រទេសដែលរងគ្រោះដោយសាររញ្ជួយដីអស់រយៈពេល ២០ ឆ្នាំ។ យើងគួរតែជឿលើប្រាជ្ញា និងបទពិសោធរបស់មនុស្សធ្លាប់ជួបប្រទះដើម្បីការពារជីវិតរបស់ខ្លួន និងក្រុមគ្រួសារ។

Abe Kengo